اهابعد دا بنصدق انو فى ظـلط

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]ضربةالبداية كانت فى منطقة الفريجاب بحضور والى ولاية الجزيرة البروف الزبير بشير طه

علاءالدين الصديق الخليل كتب:

كأن السنى ملوحا بسبابته يقول دا الشغل

[ندعوك للتسجيل في المنتدى أو التعريف بنفسك لمعاينة هذه الصورة]

نعم نعم دا الشغل ..!!
والقادم أروع ...
مبروك علاء
مبروك السنى
مبروك لأهل الهدى جيعا

الأخ علاء الدين
لك التحية . ـ
كنا منتظرين لحدي ماتكمل باقي الصور ..
عشان نشكرك على جهدك الرائع وعلى التنوير .. وربنا يتمم على خير ..

شكرا يا علاء الدين بس زيد فى الصور من الهدى الشوارع والمستشفى والسوق والحواشات خصوصا القمح كيف ماشى ارجو يا ابنى كم صورة كدا ولك الشكر الجزيل يا ابنى والظلط التمويل بتاعو جا من وين عون زاتى

وصلت الاليات لبناء طريق الوصل

[ندعوك للتسجيل في المنتدى أو التعريف بنفسك لمعاينة هذه الصورة]

وبدا العمل لتحقيق الحلم والامل


[ندعوك للتسجيل في المنتدى أو التعريف بنفسك لمعاينة هذه الصورة]

شكرا أستاذ صديق وشكر ا العم طارق علي المداخله وأنشاء الله يتم الخير طالما أن هناك أهل الخير مكرسين أنفسهم لخدمة أهلهم .
وتحياتي للعم مصطفي طلبك ع العين والراس والصور جايه ياطارق

أحييك يا بن أختى على هذا المجهود الرائع والمقدر جدا

وتكبدك المشاق والذهاب للفريجاب فى هذه الموجة العاتية من البرد القارص

ولكن دفء الفرح ودفء الشعور بالانتماء لهذه البلدة الصابرة هو الذى يقيك من لسعات البرد والسقطيبة .. !!

منتظرين المزيد من الصور يا علاء لان الصورة اكثر تعبيرا وصدقا .. !!

ونسأل الله ان يتقبل جهدكم وجهادكم ويكلل كل المساعى بالنجاح وان يكتمل هذا المشروع الكبير

الأخ علاء الدين
لك التحية . ـ

مشكور يا أخي على الصور الجميلة .. لكن لنا ملاحظة وأعتقد بأن الكل لاحظها .. وهي التاريخ المكتوب على الصور يرجع الى اربع او خمسة سنوات الى الوراء .. الى عام 2006 هل هي مشكلة في برمجة الكاميرا .. ونتمني ان تكون كذلك .؟

وليد التلب كتب:

أحييك يا بن أختى على هذا المجهود الرائع والمقدر جدا

وتكبدك المشاق والذهاب للفريجاب فى هذه الموجة العاتية من البرد القارص

ولكن دفء الفرح ودفء الشعور بالانتماء لهذه البلدة الصابرة هو الذى يقيك من لسعات البرد والسقطيبة .. !!

منتظرين المزيد من الصور يا علاء لان الصورة اكثر تعبيرا وصدقا .. !!

ونسأل الله ان يتقبل جهدكم وجهادكم ويكلل كل المساعى بالنجاح وان يكتمل هذا المشروع الكبير

شكرا الخال والعم والأخ وليد .،لك التحيه وانت مفروض تكون صاحب البوست دا من زمان وانت صاحب البشريات لكن عاد يا اخوى سافرت ود اختك قام بالواجب ،،اما بخصوص البرد فطور مدنكل مع الأخ كباشي وجيناك يافريجاب وهاك ظلط فوق ظلطك المظلط دا .والتحيه للأخ كباشي صاحب المجهود الكبير له الشكر شغل كباشي جايكم وراء ..

طارق مامون كتب:

الأخ علاء الدين
لك التحية . ـ

مشكور يا أخي على الصور الجميلة .. لكن لنا ملاحظة وأعتقد بأن الكل لاحظها .. وهي التاريخ المكتوب على الصور يرجع الى اربع او خمسة سنوات الى الوراء .. الى عام 2006 هل هي مشكلة في برمجة الكاميرا .. ونتمني ان تكون كذلك .؟

التحيه مجددا للعم طارق شكرا للملاحظه .
عظمة الحدث والفرحة العارمة ياعم خلتنا ما نفتكر لظبط الظلط اقصد الزمن .فوالله الذي عرشه في السماء الصور دي عمرها ساعات ..

مشكور يا علاء علي العرض الجيد والأخبار الحلوه
وربنا يحقق الأماني والطموحات في العام2011

شكرا علي التوضيح الجيد ياعلاْء الدين وانشاء الله الي الامام دوما للهدي واهلها.

يابيجو عمرها ساعات

عمرها لحظات

دا عمرنا كلو زى ماقال وردى اهدينا ليك

ولفرحة زى دى

ياسلاااااااااااااااااام ياخ

بعزيمة الرجال

وهمة الابطال

تحقق الحلم واصبح واقعا معاش

اخيرا سنقول وداعا لترعة قوز الرهيد

زمان كنت بفتخر مع واحد من ناس مدنى الحناكيش

انو جمال الجزيرة وروعة اهلها بتجلى لما توحل ليك عربية فى عز الخريف

وتلقى كل الناس صحابك .. يمدو ليك من (عماماتهم البيضاء ) سلبة ودا كلوا

عشان نعرف عظمة الانسانية لما تتجسد فى وقت حوجة

واليوم ونحن نستشرف مرحلة جديدة

نحيى كل هذه الجهود المقدرة

وربنا يتم لينا ظلطنا ونجى نحتفل فى ساحة بابور النور بهذا الانجاز التاريخى

فى هذا الوقت العصيب تحديدا

التحية ليك ياعلاء

وفى انتظار النقل الحى ياعلاء

صديق خالد عوض الكريم كتب:

مشكور يا علاء علي العرض الجيد والأخبار الحلوه
وربنا يحقق الأماني والطموحات في العام2011

شكرا العم صديق وأنشاء الله عام 2011 عام الصحوة والإشراق ولا شى يهمنا سوى الهدى الوطن الجميل

Hamza Abdullah Adam كتب:

شكرا علي التوضيح الجيد ياعلاْء الدين وانشاء الله الي الامام دوما للهدي واهلها.

مشكور اخ حمذه اهتمامكم بمتابعه الأحداث نتمنى الخير لكل اهلنا

عبدالرحمن مدثر كتب:

يابيجو عمرها ساعات

عمرها لحظات

دا عمرنا كلو زى ماقال وردى اهدينا ليك

ولفرحة زى دى

ياسلاااااااااااااااااام ياخ

بعزيمة الرجال

وهمة الابطال

تحقق الحلم واصبح واقعا معاش

اخيرا سنقول وداعا لترعة قوز الرهيد

زمان كنت بفتخر مع واحد من ناس مدنى الحناكيش

انو جمال الجزيرة وروعة اهلها بتجلى لما توحل ليك عربية فى عز الخريف

وتلقى كل الناس صحابك .. يمدو ليك من (عماماتهم البيضاء ) سلبة ودا كلوا

عشان نعرف عظمة الانسانية لما تتجسد فى وقت حوجة

واليوم ونحن نستشرف مرحلة جديدة

نحيى كل هذه الجهود المقدرة

وربنا يتم لينا ظلطنا ونجى نحتفل فى ساحة بابور النور بهذا الانجاز التاريخى

فى هذا الوقت العصيب تحديدا

التحية ليك ياعلاء

وفى انتظار النقل الحى ياعلاء

مشكور ياعبد الرجمن دوما سباق الي الخير ياحليل الدفر وجر العربات بالحبل والوحيل وجلبيط الطين ومشى الكدر والله من المواقف التى لاتنسى مره انقطعنا في الفريجاب أنا ومعاي (الحوري)محمد يحي شلناها مووزه لحدي الهدي مرات جكه ومرات مشى
وداعا وداعا ونبدأ بحث عن وداع معاناة اخري دي خلاص انتهت
ونهديك كلمات النخلي
‏*‏*
بشارات الخريف الجاي **
يحاكن لي جموح الخيل **
يلاقنك كما الغزلان **
تهوش تركز تصح السيل **
حلاتن جنن حرفي وشدن فينى باقي الحيل **
نسايمن جنى من بلدي وصحن روحي هجعه ليل **
يضون فينا إشراقات **
يصحن إلفه الأيام **
يلاقنك صباح اخضر **
يعمنك سلام وآمان **
عيون زرقه سما السودان موشحه بي سحاب وغمام

مبروك علاء مافي كلام_

سراج الدين الفاضل كتب:

مبروك علاء مافي كلام_

مشكور اخ سراج لك التحية انت مامحتاج لي صور انت عايشت الحدث لحظه بحلظه وعرفت قيمه السعاده الحقيقيه

والله ياعلاء كانت سعاده لاتوصف _كانت الفريجاب بطعم الهدي الخالص_معلمون_طلبه _موظفون_عتاله_عياشه_فرق كره_جمعيات خيريه_شباب_قاده_مرأه_شفع_كنا هناك عيون تلمع بالفرح ويحبس الدموع التماسك_شكرا _أ.د.سيف حمد_شكرا أبناءالهدي بالسجانه_شكرا لكل من جعل الحلم حقيقه

i]

[ندعوك للتسجيل في المنتدى أو التعريف بنفسك لمعاينة هذه الصورة]

وكا لعهــــــــد به :

ســـــــــــــــــــــحـــــــــــــســـــــــــــــــــح .. !!

يستلم موقعه فى الناصية يمين الصورة ,, وهو حا ضرا ويمتطى اجنحة الفرح

برغم ضراوة البرد الشديد والذى جلب له طاقيتة العجيبة هذى ...... !!!

جزاك الله الف خيرالاخ علاالدين
يارب دومان فرحين بالجديد

شكرا وتسلم يا علاء الدين على الصور الجميلة المعبرة وما تنسى الوصية صور من كل زاوية من الهدى لانى والله يعلم فى شوق شديد للبلد وناس البلد الحلوين الطيبين

يا علاء الدين اى حاجة بظهر فيها الصادق السنى بتتحقق اذكر ايام الكهرباء كل ما امشى حتة الاقى الصادق شايل ورق ودفاتر وعرقان واجرى بلاهى تحياتنا ليه شديد ولكم الشكر اجزله

نعم نعم يلا الي الامام

يلا نعمل للوطن
اصلو مادايرين تمن
يلا مانضيع زمن
شكرا علاء

المعزاحمدالبشير كتب:

جزاك الله الف خيرالاخ علاالدين
يارب دومان فرحين بالجديد
‏ ‏

المعز يادفعه وينك ياحبيب الأخبار
وانا انشاء الله اول اجازه تصل لحدي بيتكم بالظلط

صديق حماد شرف كتب:

نعم نعم يلا الي الامام ‏

شكرا الاخ صديق علي المرور تشوفو الجديد دوما مايخص الوطن الصغير الهدي

كباشى خيارى كتب:

يلا نعمل للوطن
اصلو مادايرين تمن
يلا مانضيع زمن
شكرا علاء

مشكور أخ كباشي صاحب اللمسه السحريه فانت لك القدح المعلا
بمجهودك الرائع
والعمل من اجل الهدي
امل جديد فجر جديد

الحمدلله --الحمدلله --الحمدلله
إنها والله لمن أجل النعم فأكثرو من شكره جل وعلا.
ومن ثم الشكر أجزله للأخ علاءالدين
وكل التحايالأبناء الوطن الأبرار الأطهار كل من ساهم إجتهد أو دفع عجلة التنميه فى هذه البقعه الطيبه المباركه التى والله قد أجحفنا فى حقها جميعابتأخرنا فى هذا الزلط بالذات وبات هما يؤرقنا كل ما إنتوينا السفر.فمرحا بالأهل والحبايب وكل التهانى والتبريكات (وأعملو حسابكم حنعمل ليكم وجع وش بعد كده) وأرجو شاكره من الأخ علاء وبقية الأخوه الموجودين موقع الحدث أن يواصلوا النقل الحى لهذه الفرحه العارمه حتى نرى بأم أعيننا اللون الرصاصى عابر الكنار لكى نصدق حيث كثر اللبث فى هذا الموضوع بالذات, وكمان أطمع أن تستعرضواأسماء كل من قام بمجهود مع التمويل وغيره على المستوى الفردى والمؤسسى فى بوست كامل .
وكما قال تعالى (وقل إعملو فسيرى الله عملكم ورسوله والمؤمنون)صدق الله العظيم
وكما قال الصادق المصدوق رسولنا الكريم صلى الله عليه وسلم (إذا قامت الساعه وفى يد أحدكم فسيله فليغرسها)

الف مبرووووووووووووك التدشين

عمل رائع هكذا تسعد الاوطان ببنوها الاوفياء

نعم مرحب التنمية مرحب الخدمات
هذا الزلط يعنى الكثير يعنى العمران يعنى لنا
تقدم الخدمات من طى للمسافات وازدهار السوق
يعنى لنا الثقافة والتواصل الاجتماعى
يقدم لنا الكثير الكثير
فالشكر اولا لله
وللجان القائمة على هذا العمل الكبير
وعلى راسهم دكتور سيف الذى يعمل ليل نهار بالتنسيق مع بنوه الوفياء لاتمام هذا الجهد
نسال الله التوفيق للجميع

اول الغيث قطرة
والهدى تستاهل اكثر من هذا
وشكرا لود الصديق على النقل الحى
وربنا يتمم
ولجميع القائمين بالامر احر التهانى
ولكم العتبى على الغياب
ولكن حتما الملتقى قريب
لكم ودى

يعجز اللسان ان يقول كلمه

انجاز عظيم ,,, وفرح كبير

التحيه لكل القائمين بهذا الانجاز العظيم

التحيه لك حبيتنا الغاليه هدى الصالحين

متعكم الله بالصحه والعافيه

شكرا كتير الاخ علاء على هذا النقل الذى افرحنا جدا


الى الامام دوما ,, دمتم سالمين