عن غير غير قصد الاخ علاء عمل الاعتصام
فى منتدى الشعر والنثر لذا كان لزاما علينا
ان نفك الاعتصام فى المنتدى العام وبى بقصيدة
نعمل شنو قلنا نكلم الشعراء افكونا من الاسر دا
او نحاول برانا اها حاولنا فك اعتصام التشجير
بما إنوا ماكان فى إعتصام كان مجرد كلام
لتحريك المياه والسلام وبى حركة الاخوة الهمام
تما المرام والخير مقبل على مدى الايام
والتحية لكل ابناء الهدى الاعلام .


ياريتنى اقدر اقول اجمل من الاتقال ليك
لانى بريدك وغيرى كتير بموتوا فيك
بقيف شامخ بفاخر بيك
ياوطن العز بحييك

الحلم الاخضر بى سواعدنا بسطر
ياالله على روعة المنظر
شتيلاتك الفرهدن فى قلوبنا بتتحكر
وبقن لى طاقة الشباب مصدر

وايد فوق ايد وللتشجير بنتعسكر
ولتغير توبك فتحنا معسكر
وبنحقق الحلم للشباب اسكر
وبكره تكونى انضر وانضر

ولادك يمة للخير سباقين
وفرسانك للخيل راكبين
وحالفين يمين ويمين
فى طريق الخير ماضين

شبابك نوروا كل الشوارع والميادين
وفيك مجتمعين ومتلمين

منو الزيك وزى ناسك
وكلهم ليك بساسك
ولراية رفعتك الكل ماسك
وفى كل المحافل مرفوع راسك

ومافيهم زولا برضى مساسك


قامت ثورة التشجير
انضما ليها كل صغير وكبير
بى فكر مستنير
هيا على التشجير
هيا على التعمير

اقتباس :

وبنحقق الحلم للشباب اسكر

انتو ياعوض عاوزين تزرعو بلح والله شنو

ماشاء الله وعينى باردة

ورد فى الاخبار على صفحات الفيس بوك تحت عنوان :

(( إعتصام شاب ))

ان هناك شاب تحول بقدرة قادر من تاجر ( قرع ) الى شاعر

ينافس على جائزة امير الشعراء ( للشدر ) .. !!

والجدير بالذكر أنه : أنه تشوعر بعد أن تشودر .. !!

ههههه هههه هههه

عوض خيارى كتب:

[color=darkblue]
شتيلاتك الفرهدن فى قلوبنا بتتحكر
وبقن لى طاقة الشباب مصدر

ان تعتصم ..لست وحدك
تعتصم معك كل المرافي ء والمدن ...
تبكي القوافي .. نزرف الدمعات شجن

شكرا لهذا الأعتصام المؤقت .. زي الإفراج المؤقت ..
الذي فجر كل هذه الطاقات الشبابية الكامنة

ياعمنا .. ياسائق الفيات .. إنت معتصم وين ؟..
حمدا لله على السلامة الشفناك .. بحلم أخضر .. حلم واعد .. وأمل مشرق .. وطاقات بتفجر ..

[تحيات وآمال عراض للاخ عوض ، مع الطل البدى يندى على حدب الفريق،معكم نحلم بشباب واعد ومستقبل جميل ،سيروا يا رعاكم الله ،وسنحتفى قريبا ببيئة مختلفة وساحات مختضرة

وين يا عوض ليك وحشة نشكرك على الشعر الجميل

حسن اسماعيل كتب:

اقتباس :

وبنحقق الحلم للشباب اسكر

انتو ياعوض عاوزين تزرعو بلح والله شنو

هههههههههههههه
ابو على فكرة طيبة وكان مقترح من واحد من الشباب
على ما اظن علاء قال لى شوف ليك مُصاصة ازرعها
وبفك بيها الاعتصام

عصام الطيب بابكر كتب:

مرحبتين عونا حبابك
عودة حميدة وحمدلله الف علي السلامة
يعني لو ما علاء الدين دخلك في الشعر
كان حتحرمنا من الكلام دا ؟؟

يا عصام بدون استذان شلنا احساسكم
وزرعنا الفال الاخضر وباقى اللوحة الفى
الدوحة مرهون بيكم وثقتنا كبيرة
فى الله وفيكم.

وليد التلب كتب:

ماشاء الله وعينى باردة

ورد فى الاخبار على صفحات الفيس بوك تحت عنوان :

(( إعتصام شاب ))

ان هناك شاب تحول بقدرة قادر من تاجر ( قرع ) الى شاعر

ينافس على جائزة امير الشعراء ( للشدر ) .. !!

والجدير بالذكر أنه : أنه تشوعر بعد أن تشودر .. !!

ههههه هههه هههه

الوليد سيف المنتدى هههههههههه
ما سيف القذافى
يعنى الواحد ما اهظر معاكم
طوالى فيس بوك واعتصام
انتو قنعانين مننا
انت ما عارف الفيس بوك
يعنى تنحى
الحمدلله ربك ستر وجاءت سليمة
واتفكت الزنقة زنقة

طارق مامون كتب:

عوض خيارى كتب:

[color=darkblue]
شتيلاتك الفرهدن فى قلوبنا بتتحكر
وبقن لى طاقة الشباب مصدر

ان تعتصم ..لست وحدك
تعتصم معك كل المرافي ء والمدن ...
تبكي القوافي .. نزرف الدمعات شجن

شكرا لهذا الأعتصام المؤقت .. زي الإفراج المؤقت ..
الذي فجر كل هذه الطاقات الشبابية الكامنة

ياعمنا .. ياسائق الفيات .. إنت معتصم وين ؟..
حمدا لله على السلامة الشفناك .. بحلم أخضر .. حلم واعد .. وأمل مشرق .. وطاقات بتفجر ..

العم طارق قول ما شاء الله ربنا ازيد وابارك
وانا قاعد اصلى لا فتا لا فايت
وعمنا ابو شيبة طوالى معاى وبقانى باشكاتب
بقول انا خطى فى الكمبيوتر ما سمح اكتب لى اتا
وبكتب ليو لا كليت لا مليت لازهجتا
امكن اشيل من كلام السمح حته

محمد احمد الياس كتب:

[تحيات وآمال عراض للاخ عوض ، مع الطل البدى يندى على حدب الفريق،معكم نحلم بشباب واعد ومستقبل جميل ،سيروا يا رعاكم الله ،وسنحتفى قريبا ببيئة مختلفة وساحات مختضرة

ودالياس طالما ما نفسكم معانا
ما بنشوف مُعاناة
بفكركم المعروف بالرصانة
بنشوف الهدى بالخير كتير مُزانه

مصطفى البله على كتب:

وين يا عوض ليك وحشة نشكرك على الشعر الجميل

ودالبله قدح الخير المعلاء
تحياتك وصلت ناس الحله
ود الفته ودالشرق ودالنور
ود جبريل
وكان ما بخاف الكضب
اقول ليك حت ام قله.

مصطفى البله على كتب:
وين يا عوض ليك وحشة نشكرك على الشعر الجميل


يا ود البله -عمك عوض دا كده حا يصدق وباكر حا يرمينا تاني بواحدة-- بس ما تكون بعنوان (الكتاب الاخضر) -

الحلم الاخضر -الوادي الاخضر - الدرب الاخضر- الاخضر الابراهيمي -الاخضر بلومي- الاخضر برييش



2000سلام

مرت لحظات وكمان ساعات

طالت وحياتك منتظرين

لو وشوش صوت الريح في الباب

يسبقنا الشوق قبل العينين

يا حبوب كدى شوف ليك موضوع تاني واعتصم من أجلو عشان يتم والجماعة يتحركوا وينجحوا المشروع , ونحن نهتف وراك نحن وحاتك معتصمين

محمد احمد الصادق المقبول كتب:

مصطفى البله على كتب:
وين يا عوض ليك وحشة نشكرك على الشعر الجميل


يا ود البله -عمك عوض دا كده حا يصدق وباكر حا يرمينا تاني بواحدة-- بس ما تكون بعنوان (الكتاب الاخضر) -

الحلم الاخضر -الوادي الاخضر - الدرب الاخضر- الاخضر الابراهيمي -الاخضر بلومي- الاخضر برييش



2000سلام

ود المقبول صدقتا فى واحدة جاية بعنوان ((الزول الاخدر))
ودى حاستعين فيها بى الصادق عكاشة اقول ليهو
افصلا حسب مقاسك تشكر ياحبوب

علاءالدين الصديق الخليل كتب:

مرت لحظات وكمان ساعات

طالت وحياتك منتظرين

لو وشوش صوت الريح في الباب

يسبقنا الشوق قبل العينين

ونعاين فى الشارع
ونملاهو ورد وياسمين
علاء ؟؟؟؟؟؟؟؟؟؟؟؟؟
خلى الطابق مستور

عمر خليفة كتب:

يا حبوب كدى شوف ليك موضوع تاني واعتصم من أجلو عشان يتم والجماعة يتحركوا وينجحوا المشروع , ونحن نهتف وراك نحن وحاتك معتصمين

جدا ياحبوب والمرة الجايه الاعتصام داخل ميدان المنتدى
ولا رايك شنو ؟
بس نعمل حسابنا ما اندسوا بينا ناس مخربين ؟؟

هلا بالمعتصم بعد فك الاعتصام
وبظهورك ظهرت شجره مورقه ودا دليل علي خضرة قدمك
وزي ما بقولوا كراعك خدرا