تطلع العصريه تمشي لحدي شارع الجامع تتجه شرقا تصل نهايه الشارع مع منزل اهلنا المدثراب كم موقف مره بيك لحدي هنا كارو شايله قصب ٠دكان جمبو شلة شباب٠نساء ماشات اواجبن للمابعرفو اواجبن يعني امراه نفسا ادوها قروش ٠واحد سايق عجله ماشي السوق والسوق براهو حكايه٠صغار يلعبون الكره٠ودرحمه يجلس امام المنزل٠تر موتر جاي طرطرطر٠عمنا القليز اديهو العافيه سايق موترو اصاله والله ٠مغربت ٠شيب وشباب علي الجامع ربنا يتقبل٠تطلع من الجامع ٠الحوري وامامه صاجه والطعميه الريحه تجيب الضهبان٠ناس الدبيبه جو جابو اللبن ورد ورد٠للحديث بقيه