يااخوانا بلدنا مليانه بي اشهي انواع الاكلات الشعبيه الشهيه كسره بي ملاح شرموط عليهو شمار وفلفل وكسبره وثوم العجب كان عملتو حاجه رقيه دي مادعايه ويافلان ماتنط لي في حلقي كدي شوفو ملاح الويكاب بالعصيده الحاره والمطره شغاله ياخ مالك والله تاكل وما تحدث زول العجب ملاح النعيميه هذا قليل من كثير وللحديث بقيه اخلي الباقي لل ٠ ٠٠

ماتنسي التبلدي والكركدي بعد العصيده والكسره

التبلدي والكركدي مشروبات لذيذه لسه ماجيناها لسه مع الاكل

يا طلحة بتشها مالك انشاء الله خير؟ جوعتنا رغم عندى التهاب المصران وما باكل الحاجات البلدى دى-

مصطفي ودالبله قال عندو مصران الجابو ليك شنو غير الشرموط المفلفل اديك الصحه والعافيه

يا مصطفي عندك مصران اعور ولا مفتح

يا طلحة كيف بالله احوالك والاسرة

انت يا خوى القضارف ما فيها كسرة ؟؟ ولا شنو؟؟ ولا حاجة رقية وحشتك ساااااى ؟؟ نرسل لها تحايانا عبرك
لكن والله النصيحة ليك يالله ملاح الشرموط سمح بالحيل وخصوصا شرموط اخدر بى كسرة حااااااارة وشطة حمراء وليمون
احححح اسسسس احححح
أم فتفت بس ........ !!

ودالتلب لك التحيه ولل سره الكريمه انا من عشاق امفتفت العجب كان جيت القضارف وجبنا ليك كبدة ابل الله تعلم تاني تطرا اهلك

طبعا وزير المالية اصدر قرار حظر استيراد العربات القديمة وقال اكلو كسره قالوا ليه نركب اخر موديل وناكل كسره؟ دي بتجي كيف؟