[b]وصل السودان الحبيب للمربع الذهبي في كأس أفريقيا للمحليين وكان وصوله بمعدل هدف في كل مباراة (ما عدا مباراة الجزائر بدون أي هدف) أي نصيبه في الأهداف المباشره هي ثلاثة أهداف فقط.
هل سيواصل صقور الجديان الانتصارات بهذا المعدل حتي الحصول علي كأس البطوله أم سيكون هناك رأي آخر للعيبه؟
نتمني أن يزيد معدل التهديف في المباريات القادمه حتي نصل للنهائي ونظفر بالكاس.
ما شد انتباه الناس في هذه المباريات هو التفاف الجمهور السوداني حول فريقه الوطني ولم يكن هناك نشاز بل كان الكل صقور جديان السودان وأختفت ظاهرة الانحياز للالوان المعروفه ودمت يا سودان.
فوق فوق سودانا فوق

الحمد لله وبعد خمة نفس اوصلنا المنتخب الى المربع الذهبى

على مازدا مراجعة كثير من السلبيات المصاحبة لمباريات المنتخب الثلاثة ,,

خصوصا الضعف الهجومى وضياع الفرص السهلة وعدم التركيز ورعونة التهديف ,

والاعتماد على ثلاثة محاور دون مراعاة لطبيعة المنافس,, وعدم تجانس الهجوم مع صناعة اللعب

يا صديق قصة مازدا مع التلاتات دى شنو ؟؟

السلام عليكم اخوانا صديق ووليد -- الحسانية بكرة عندهم سباق حمير ؟

اهلا يا وليد
يكون عنده شوية شجاعة ويقدر يدير المباريات وفقا للفريق المنافس ولكنمازدا صورته بخاف من الاعلام شديد وانت عارف اعلامنا سليط اللسان ممكن يكسر مازدا في لحظات ولكن اذا لم يقاوم مازدا كل الضغوط فسوف لن يتقدم كثيرا فيجب ان تكون عنده الشجاعه الكفيه واقناع الآخر.
بخصوص التلاتات طبعا دا نوع من الغرام زي ما الناس مغرمين بالأصفار مازدا مغرم بالتلاتات.

يا ود البله كيف حالك
نحن مع المنتخب الآن اوعه انت تكون مشغول بالانتخابات وراسك لافي ما بين الأرباب والكارينال والبرير و الكاروري وال.........
ركز معانا شويه مع صقور الجديان وتاني أركب في الحمير زي ما انت عايز

صديق ياخوى سلام عليك وعلى الاسرة الكريمة قعوى الجديان خلاص فرو الى المياه الراكدة حيث الدغلوب وخرى القعوى وانا كنت فرحان جدا وكنت اشجع انقولا والى الامام والعك الكروى مستمر الاف الناس جايا تشجع فى خيبتنا

يا مصطفي كيف حالك
يا أخي لو كنت شجعت( البرقاوي )كنت كسبت الرهان لكن يا خساره صفر مقابلك حتي في تشجيع الكوره غير السودانيه يعني مصرين علي المحافظه علي الأصفار علي المستوي القاري الله يكون في عونكم.