السلام عليكم ورحمة الله
ببزوغ التاسع من يوليو 2011 يكون السودان الكبير ارض المليون ميل مربع دولتين ,,, وما عاد السودان هو اكبر دولة في افريقيا او بالدول العربية . تقزمنا في المساحة كسودان شمالي .. الجمهورية الثانية .. بالمفهوم .. السودان بهذا اللفظ المقصود به ( شمال السودان ) اما الدولة الوليده فهي جمهورية جنوب السودان .
يسجل التاريخ انه في عهد الرئيس عمر البشير تم انفصال السودان وتقسيمه الي دولتين ,, هذا اذا لم يكن في المستقبل دويلات اخر
يسجل التاريخ ان الاستاذ علي عصان نائب ريئس الجمهورية .. هو الذي قاد الوفد المفاوض لتقسيم السودان بما يسمى اتفاقية السلام بنفاشا
محاولة اغتيال حسني مبارك كان السبب الاساسي لوجود علي عصمان رئيس الوفد تحت الضغوط الامريكية لاعفائه وزمرته من الاتهام المباشر بالادلة
واقتياده الي لاهاي .. التي اصبحت من نصيب عمر البشير بلا منازع .. وهي المرحلة الاخيره في حياة ذلك الريس الذي فتت الوطن الكبير
ما يعتبره اهل المؤتمر الوطني انجاز بانفصال الجنوب هو العار والشنار لغالبية اهل السودان .. انا شخصياً اعتبره يوم اسود في تارخ السودان
لا نبكي الا بقدر ما فعلنا لا احد يعفينا من التقصير بتركنا السودان لهؤلاء لتحكموا فينا وفي مصير بلدنا الي ان وقع الفاس في الراس
والجفلن خلهن واقرع الباقيات
لكم الود

يستمر التقسيم في السودان علي منوال الجهوية والقبلية .. والصراع الدائر الان ما هو الا اثبات لنفوذ بعض العصبة الحاكمة والتي تقوم بتوجيه مسار الدول والتخبط في القرار .. وما جنوب كردفان الا مثالاً حياً لما يجري بالسودان

قابلت اربعة جنوبيين قبل ساعتين فى كوبرى فى القاهرة ناحية الزمالك
اى واحد معه علم وكانوا فرحين جدا
اوقفتهم وقصدت صادقا ان اقول لهم مبروك دولتكم الجديدة
رأئت فى أعينهم فرحو عارمة
سلمت عليهم وقلت مبروك وبدون شعور تعانقنا طويلا
هل تصدق يا شيخ الفاتح ى
اول مرة فى حياتى اعانق جنوبيا عناقا حارا كاليوم
شعرت ايضا بفرحة شديدة لفرحهم هذا وعندما تمعنتهم تمنيت تقسيم السودان الى عشرين دولة
انا من أشد محاربين الانفصال

ولكنى اتمنى الان ان تكون الجزيرة دولة لا يدخلها الجعليين وما عندى مشكلة معاهم لكن عشان عمر البشير دة ما اشوفه فى حياتى مرة اخرى

السودان كما هو معروف متعدد الثقافات والأعراق ،وما آلت إليه الأمور من إنفصال للجنوب وحروب متفرقة دليل على فشل كل النخب السياسية منذ الإستقلال فى إدارة ذاك التنوع الثقافى والعرقى ، إنفصال الجنوب رغم إيلامه العاطفى ولكنه فى النهاية خيار شعب الجنوب بعد عجزه عن التوافق مع الشمال عبر تراكمات معقدة يصعب التعاطى معها ،ولذلك احسب أن ما حدث هو أول الغيث نأمل أن يكون عبرة ودعوة للقادة والشعب معا للمراجعة والتعامل مع مقدرات البلد بوطنية وصدق

الاخوه الاحباب
السلام عليكم
صديق الماحي
وانت تعيش الغربة مع المصريين .. قد يكون الاحساس خالي من العنصرية لحد ما ... الغربة فيها
احساس الدونية .. التي عاشها الجنوبيون في بلادهم السودان .. الانفصال يعني التحرر الاستقلال
صحيح نحن الشعوب لا ذنب لنا فيما الت اليه الامور ولكن الحكام ومنذ الاستقلال همشوا ذلك الاقليم .. وبالتالي اختيار الجنوبيون للانفصال امر طبيعي في ظل حاكم ظالم مثل البشير
انا حزين لهذا الامر ولكن عندما اضع نفسي مكان الجنوبيين اتراجع واقنع نفسي بحق اختيارهم
حبيبنا ود الياس لك التحية واوافقكم فيما ذهبت اليه ولكن .. بتر جزء من الوطن له وقع خاص ومؤلم في النفس
نسال الله ان يرفع عنا الظلم

حق تقرير المصير
هذه مهزلة سيكتب عنها التاريخ طويلا
اسرائيل محتلة لى فلسطين وتقرير مصيرهم حق لا لبس فيه
بالنسبة للجنوب فى غفلة من الزمن لقت دولة
هذا اعتراف ضمنى بأنهم كانوا محتلين
من الذى أعترف باحتلالهم ؟ للأسف البشير
فى حاجة غلط