رمضان كريم أخي صديق.

يبدو أن آيام الإسكندرية هي من أتتك بالجرسة، وليس الكبر. الكبر ما بجيب الجرسة.

كان قعدت في القاهرة وواصلت شغلك عادي ما كان حصل الحصل.

وتقبل الله منا ومنكم صالح الاعمال.

salah كتب:

دايرنا نبدأ الجرسة و رمضان ما مشي فينا لسه؟

عارق يا صلاح ىانا جيت داخل هسة من الشغل وفاضل ساعة كدة للفطور
من الصباح بعد ساعتين خلاص التفكير وقف وقلت لا حول حا نستمر شهر كامل كدة

salah كتب:

جرسة من امها :
هسي يا ود الماحي شعبان ده كان راجل كان شال رمضان دخلو في شوال

ههههههههههههههههه
هههههههههههههه
شعبان جبان جبن لاحقنا التقول ولدوه فى السودان

ام ضحى كتب:

ابو وحيد .. وجميع اعضاء المنتدى
متعكم الله بالصحه والعافيه
تصوموا وتفطروا على خير
رمضان كريم

الله
اكرم يا
ام ضحى
الرد دة بعد الفطور
زودتى لينا الجرسة بى صورك الكاربة
الحمد لله شفتهم قبل القطور بي شوية والأذان أذن
كان ما لحقنى الأذان كنت متحايل

حسن اسماعيل كتب:

رمضان كريم وتصومو وتفطرو علي الف خير يارب
تحيه خاصه للصايمين في السودان حيث الشمس والسخانه والغبار وغلاء الاسعار
تحيه تانيه لصايمي المملكه السعوديه وديل ضاربين التكييف والرغيف
اها نجي نحيي ناس العم سام وديل كمان كل سبعه يوم يحسبوها ليهم بيوم
اما اهلنا في شمال الوادي فالحال من بعضو هههههه ولا ماكده يا صديق

حسن ود سماعين
مصر سخانتها الف
كان ما الجقمتين بتاعة الوضوء ديل كان متنا عديل

السلام عليكم ايها المتجرسون
افو انا بتجرس (من الجرسه ما قدرت
اتصفح المنتدى الا اسى بعد الفطور )

الليله حصل معاى موقف الساعة كانت
ماخره 35 دقيقه خشيت الجامع قلتا اصلى
العصر لقيت الجامع ملان متجرسين راقدين
فى الجامع وحسب زمنى الصلاة لسه
صليت ركعتين وقعدت اقراء قران
ومنتظر الصلاة .
وهاك يا انتظار
بعد شوية ارفع راسى واعاين لى ساعة
المسجد القى إنو الناس صلت قبيل .
اها رايكم شنو برضو تقولوا فى جرسه

ام ضحى كتب:

حسن اسماعيل كتب:

[ندعوك للتسجيل في المنتدى أو التعريف بنفسك لمعاينة هذه الصورة]



تقبل الله منا ومنكم

اتفضلو اي واحد يشيل ليهو ملوه

البلح دا هنا عزيز شديد
تقبل الله منا ومنكم

رمضان يجمعنا

عوض خيارى كتب:

السلام عليكم ايها المتجرسون
افو انا بتجرس (من الجرسه ما قدرت
اتصفح المنتدى الا اسى بعد الفطور )

الليله حصل معاى موقف الساعة كانت
ماخره 35 دقيقه خشيت الجامع قلتا اصلى
العصر لقيت الجامع ملان متجرسين راقدين
فى الجامع وحسب زمنى الصلاة لسه
صليت ركعتين وقعدت اقراء قران
ومنتظر الصلاة .
وهاك يا انتظار
بعد شوية ارفع راسى واعاين لى ساعة
المسجد القى إنو الناس صلت قبيل .
اها رايكم شنو برضو تقولوا فى جرسه

الصلاه هينه
السحور كيف
اتسحرت بعد ما الشمس طلعت مش
هههههههههههههههه

صديق الماحي كتب:

تقترح هئية تجاريس الكبرى ابعاد الجاسوس أم ضحى التى تعمل لصالح المدعو رمضان كريم
لحدى الآن هئية تجاريس صامدة رغم اغراءات مدام ام ضحى

لاهاااااااااااااااااااي قريييييييييييييييبه ياصديق
نبعد نجيب اوكامبو ويشوف ليهو صرفه معاها

صديق الماحي كتب:

حسن اسماعيل كتب:

تبقي من الزمن اربع ساعات حسب التوقيت المحلي للسودان

اهو اليوم مشى الله يستر من يوم بكرة يا حسن من هسة لى بكرة باقى بينا كم ساعة كدة؟

داير الزمن بتقيت ساعه خياري المقدمه والله ببتوقيت اذاعه امدرمان
ههههههههههههههههههه

تبقي 28 يوم للعيد
الحمد لله
هانت ياناس
ربنا يتقبل منا ومنكم يارب

الليله الظاهر الجرسه قلت
الحمدلله الليله اكان عندنا يوم لايوصف يوم جميل امطار وجو جميل ونسمات خريفيه
ويوم بارد اها كان رمضان كلو بقي كدا اظاهر اننا حا نمطو او نهاودو يومين تلاته،

ايها المتجرسون نهارا
مساكم عافيه
سيبو الضلله والتكييف
تعالو لجاي
بطلو الجرسه
واتلمو ... صواني ام ضحي يعني تخلوها لصديق براهو
مااااااااااااااااااااممكن

الجرسه الان حوالي 2:35 بتوقيت اخر متجرس دخل

[خلاص يابووحيد كدى انتهى عشر 1/10 رمضان باقى بس تسعة أعشار ويجى العيد يعنى إمكن قبل نهاية محاكمة مبارك نكون عيدنا

محمد احمد الياس كتب:

[خلاص يابووحيد كدى انتهى عشر 1/10 رمضان باقى بس تسعة أعشار ويجى العيد يعنى إمكن قبل نهاية محاكمة مبارك نكون عيدنا

ما تخلو العيد بكرة يا جماعة
27 يوم ما بيناتنا اتفاصلوهم كدة
ولا اكتبوهم لينا شيك كدة آجل

ههههه والله ياصديق انا اتجرست فى رد كدا بتاع تداعيات لايام خلت

لكن ماعارف الرد مشى وين ... لكن كدى النتذكر .. اها قصه انو سحورك يعاين فيك

وانت تكون قاب قوسين او ادنى من البكاء ...(بكاء على الاطلال )

نحن زمان زمن الجاهليه شفنا ليها حل (لحظى ) الوكت داااك كنا فى الثانوى .. وكوريه الرقاقه جنبك فى

طربيزه افتقتو على موعد للتلاقى فى الساعات الاولى من الصباح .. جنبى الود متوكل ودالصينى وكنا فى

الصالون نائمين .. الوكت شتاء .. الستائر مسدله .. والوكت مشى .. صحينا ونحن فى شك .. لكن قلنا الشك

دا الا نجهجهوا .. فتحت عينا قبلنا على الكوريه .. كرطع .. كرطع .. ماعاينا لزمن ولا يحزنون اها الجنا

متوكل لشلاقتو مشى على الباب ورفع الستاره المسدله شويه (وعينيك ماتشوف الاالنور ) وبعفويه جميله

اذ بى اصرخ انا نززززززل الستاره يااااااااااااااااااااااااااااخ

صديق ....ده ..بوست ..اكتر من ..رائع
من اول دخولى البوست....حسيت انك حتمتعنا
على طريقتك المميزة ذات العلامة الخاصة...
واجمل تعليق لصلاح التلب ..هو برضو من اللطفاء والظرفاء
وام ضحى ...تخصص فى المطبخ.....الوان واشكال من الطعام اللذيذ
اجمل صورة لبراد الشاى ..بس لو غيرنا الكبابى لكبابى سودانية
بدل الكبابى البشحتف الروح دى ..دى عندنا ناس بياخدوها فى بقة واحدة
بعدين بطل الجرسة رمضان فى القاهرة جربناه..الا تكون اتحنكشت ...
فى السعودية زى ما قال ابوعلى ضاربين المكيفات زول بمرق لبرة مافى رطوبة عالية
الشغل بالليل والنهار نوم الا وقت الصلاة والعودة بالخطوط السعودية سريع للنوم
ناس عادل خيارى وام 16 ساعة صوم ..جرى وطيران الاتنين ما بتلقى ...
ناس السودان ربنا شايفن الجو مكيف طبيعى بالامطار ...ربك ما كريم على اهلى الغبش....
نحن برضو جوع وعطش مافى نوم تقيل
الجرسة الصحى من الدوام الطويل من 8مساء الى 3 صباحا
وزى ما قالو مافى زول راضى بحالو
كل ناس متجرسين ويشكوا
كلما يجى رمضان ..تجول بخاطرى نكته حكاها الحبيب الدكتور صديق المهل
واحد من ال العوض قال لاخوه رمضان السنة دى حار شديد
التانى قاليهو والله لو ختينا البقة البناخدها مع الوضوء دى ..نتعب شديد
مع خاص تحياتى للحبيب صديق وامنياتى ودعواتى له بعاجل الشفاء

الاخ صديق الماحى كابتن وراس حربة فريق المتجرسين ..

المتجرس الاكبر ..

رمضان كريم وتصوموا وتفطروا على خير وربنا يتقبل

اذا كانت الجرسة من الجرس .. يا خى جرس الفطور ضرب شيل شنطتك ويلا جرى ..!!

والجرس ضرب زى الاذان اذن .. وفطروا فطروا

وجغمتين الوضوء خليهن لانو الجو عندكم باااارد خليهن لى ود اختك عوض الله

حايم النهار كلو بى عجله ومن شدة الجرسة يصور فى الاكل ..

بعدين يخيل لى كدا انت بى جرستك دى مؤيد اقتراح الحلفاوى القائل :

رمضان دا حقو يبقوهو زى كأس العالم كل اربعة سنة فى دولة !!

ام ضحى كتب:

[ندعوك للتسجيل في المنتدى أو التعريف بنفسك لمعاينة هذه الصورة]

ام ضحى سلامات ورمضان كريم

دحيين دى خدرة الخلاء ؟؟

ام ضحى كتب:

[ندعوك للتسجيل في المنتدى أو التعريف بنفسك لمعاينة هذه الصورة]

بذمتك يا ام ضحى خالك المتجرس دا بجيبو ليهو تلجة عائمة فى الجك كدا

فى النهار الحااااار دا ؟؟

غايتو لو عملا وشال ليهو جغمتين ذنبو عليك !!

وليد التلب كتب:

الاخ صديق الماحى كابتن وراس حربة فريق المتجرسين ..

المتجرس الاكبر ..

رمضان كريم وتصوموا وتفطروا على خير وربنا يتقبل

اذا كانت الجرسة من الجرس .. يا خى جرس الفطور ضرب شيل شنطتك ويلا جرى ..!!

والجرس ضرب زى الاذان اذن .. وفطروا فطروا

وجغمتين الوضوء خليهن لانو الجو عندكم باااارد خليهن لى ود اختك عوض الله

حايم النهار كلو بى عجله ومن شدة الجرسة يصور فى الاكل ..

بعدين يخيل لى كدا انت بى جرستك دى مؤيد اقتراح الحلفاوى القائل :

رمضان دا حقو يبقوهو زى كأس العالم كل اربعة سنة فى دولة !!

الجو عندنا نار نار
ورمضان نار نار
والحلفاوى دة زولى تب
والغايظنى عندى رحصة ما قادر أسوق بيها رمضان خوفا من أيام أخر
بالمناسبة شدرك كيف ؟
خلى بالك الشدر دة هو الصديق ضد العدو الفتاك رمضان ود عمنا كريم

وليد التلب كتب:

ام ضحى كتب:

[ندعوك للتسجيل في المنتدى أو التعريف بنفسك لمعاينة هذه الصورة]

بذمتك يا ام ضحى خالك المتجرس دا بجيبو ليهو تلجة عائمة فى الجك كدا

فى النهار الحااااار دا ؟؟

غايتو لو عملا وشال ليهو جغمتين ذنبو عليك !!

خالها تفتيحة يا وليد ما بمسك الكى بورد الا بالليل
انا أصلى متحايل
لو شفت البوست بالنهار
أشيلها ليك ذنوب الدنيا والعالمين
شوفها عند غافل
المشكلة انا ما خائف اشيلها الذنوب لكن خائف من متعمد
دى فيها ما عارف شهرين وستين مسكين وهلم جرا
رمضان أرحم من عمدا دى

سيد جرسة ..الليلة وينك....
ليكون غرقت فى شبربشكير

عارف ياابووحيد
عندنا زوا فى البيت جرسة جد
من ما اجى الضهر
الجك جمبو مليان موية من الزير
النهار كلو
امضمض فى خشمو
وارشرش فى كرعيه
واغسل فى وشو
طبع اكيد دى ما ام وحيد
دى فى الصوم فلاتى بس

يا بو وحيد

قالوا السترة والفضيحة متباريات ,,

يا خوى بطل الجرسة رمضان انتهى خلاص !!

ابو وحيد هين الكلام الناكر
الجرسه وليد التلب

السلام عليكم إيها المتجرسون
طبعا نحن بره
عشره كاملة الدسم بدون جرس او حتى مس كول
الجرسه فوق شنو ياناس ؟رمضان نحن كان شهرين بنصوموا بالطريقه دى ما دام بنصبح بى مطره ونمسى بى مطره
والله الهدى بقت زي الزير اللافنو بي خيشه كلما تنشف يرشوها
رفعت الجرسه

يا صديق نحن ما قاعدين نتجرس أفو أفو !!

لكن رمضان دا بقانا زى حكم الكورة

النهار كلو يعاين للساعة وراجى الصفارة !!

ءامساك الساعة 3:55 ءافطار الساعة 21:10
والحمدو للة صابرين وكمان 8 ساعات شغل