نتسابق لمعرفة الاخبار عن السودان البلد الماواحد عبر المنتديات وشاشات التلفزة لنكون في قلب الاحداث وقلبي على وطني
وبكل اسف سمعنا بتلك الاحداث المؤسفة والتي راح ضحيتها اناس ابرياء في الدمازين وماآلت اليه من تمزق وتشرزم وحرب ودمار
فهرعت الى تلفزيوننا الحبيب وقنواته الاربع المتاحة لنا من موقع الاحمد وهي تلفزيون السودان والشروق وقون والنيل الازرق نفسها
والتي بها الاحداث
لمعرفة التفاصيل
لاجد على السودان والشروق فيلم اجنبي
والنيل الازرق دعايات
وقون اغاني
وكان احداث الدمازين في بلاد الواق الواق
غايتو التلفوزيون ده عامل زي تلفزيون سوريا يغالط الواقع يجيب حاجات غير الموجودة على ارض الواقع والناس تذبح وتتظاهر لتجده يقدم مسلسل
حاجة عجيبة
اللهم جنب البلاد المحن والفتن ماظهر منها ومابطن

اعلام موجه ياعادل ..
هل تتوقع أن يقال ليك بأن في بلدنا في حــرب ؟ أو مشكلة .. دي أصلو ما تتوقعها ..

لقيت فيلم اجنبي
الحمد لله انو شغال اصلا يا مان

.......!!!

عيدك سعيد يا ولدنا
عيد وأنسي
الحمد لله أنك هناك هناك
الواق الواق القريبة دي
نحن حتي الآن لا ندري ما الذي ضرب مصنع الشفاء هل هو صاروخ أم طائرة 101
وكمان نغني لأمريكا تسلحنا
أرقد قفا البلد ماشة تمام
وبحمد الله تم انقاذ البلاد من المتمردين
وحلت مشكلة دارفور
ومشكلة جنزب كردفان
ومشكلة الشرق
ومشكلة النيل الأزرق
ومشكلة الجن الأزرق
بس باقي لينا نقسم البلد لقري صغيرة وكل واحد ياخذ نصيبة ويمشي محل ما يدور بس بعيد مننا
الكراسي دي ملك لينا
أنت أكيد قاصد تلفزيون المؤتمر وليس تلفزيون السودان
لأن السودان ليس له تلفزيون
والبقول السودان عندو تلفزيون يلحس كوعو

يا شباب ؟
تلفزيون السودان دة هو لسع شغال ؟
انا قايلو بث( تخريبى) تجريبى وانقطع
واللة قناة قون فى رمضان جابت حقها دبل قبينة ؟


فيكم الخير اعلام السودان بتاعة المنتدى مالة حائمة بدون كتابة
انا قلتة نكستوها لى خبر مهم
اوعة تكون ولية النيل الازرق اعلنت انفصالة

لك السلام وعيد سعيد ابو الطيب

انت لسع بتفتح القناوات السودانية
والله انت حنيييييييييييييييييين
خليك على المنتدى فقط البتعرفوا منه اكثر من اى قناة سودانية

صديق الماحي كتب:

انها فضائيات الحيكومة يا باشا

سلام ابووحيد
لكن الحيكومة دي ماعارفة انو العالم بقى قرية صغيرة والناس بتسمع وبتعرف كل حاجة بسرعة البرق
ليش ماتعمل حائط صد تفند او تزعم او تبرر
تقول حاجة مش تجيب لينا افلام امريكية والناس شايلة شفعها وحاجاتها ولافين بالخلاء
وكأنوا مافي شئ حاصل

طارق المامون كتب:

اعلام موجه ياعادل ..
هل تتوقع أن يقال ليك بأن في بلدنا في حــرب ؟ أو مشكلة .. دي أصلو ما تتوقعها ..

سلام ابووضاح المحيا
عيدك سعيد ومرورك جميل
مايقولوا عندنا حرب يعملوا فيها مظلومين يقولوا في قوات معادية اشاعت الفوضى والخوف والزعر لمواطني الدمازين
وتصدت قواتنا الباسلة لهؤلاء المارقين
كان الشارع كلو مرق معاهم ووجدوا تعاطف وتاييد اكثر
لكن نقول شنو في العقلية المتحجرة دي

احمد محمود الضو كتب:

.......!!!

سلام ابن اختي
عيد مبارك
لكن برضو مافهمنا حاجة

صديق خالد ياوجيه
كيفك والعيلة امنياتي ليكم بي عيد سعيد ونهاية سعيدة لليمن السعيدة لانو فيلمكم ده طول خلاص
انت عارف انو مرورك على كل بوست له طعم خاص
مهما كان نوع البوست فتعليقاتك الممتلئة اضافة واحيانا لذاعة تُضفي تلك النكهة
وجميل دائما مرورك لو في الصباح بتوقيتكم او في العصر مرورك عندنا

ود النعمة سلام

اقتباس :

يا شباب ؟
تلفزيون السودان دة هو لسع شغال ؟
انا قايلو بث( تخريبى) تجريبى وانقطع

اتخيل المنظر لو كانت قناة واحدة نقول وقتهم ضيق وماعندهم زمن لانو البرنامج مزدحم
لكن شوف عيني 4 قنوات ده غير شوف عيني هذا على موقع الاحمد
عندك السودان
الشروق
النيل الازرق
قون
حقتك بتاعة الجبنة

مهند الأمين عبد النبي كتب:

لك السلام وعيد سعيد ابو الطيب

انت لسع بتفتح القناوات السودانية
والله انت حنيييييييييييييييييين
خليك على المنتدى فقط البتعرفوا منه اكثر من اى قناة سودانية

سلام شيخ مهند لك التحية وكل عام وانت والاسرة بالف خير
نعمل شنو ادروب ولوف