علماء الفلك يتحدثون عن قرب المذنب ( الينين ) من الأرض
ومدى خطورة هذا القرب من الأرض ..وأحصوا كمية من الزلازل والبراكين والأعاصير .. تسبب فيها
ا قرب هذا المذنب من الأرض .. فكلما زاد القرب زادت الخطورة والمشاكل ..
وقالوا سوف تختفي دول .. وتغرق دول .. وأخري يأتيها فيضانات ..
هل ياتري القيامة دايرة تقوم والله شنو ..
المهم الموعد المحدد للكلام دا يوم 26/9/2011
وربنا يلطف ويستر بي عباده ..

العلماء الأمريكان حيرونا .. ودائما توقعاتهم .. تدخلنا في متاهات ..
فرانسيس فوكوياما ( صاحب نظرية نهاية التاريخ ) .. وهي نظرية سياسية .. يرى بأنه سوف لن يكون
هنالك أي تطور أو جديد في المباديء والأخلاقيات والعبادات والمؤسسات بعد هذا التاريخ .. ويرى بأن الليبرالية
أي النظام الرأسمالي الأمريكي سوف لن يأته بعده جديد .. وبالتالي يكون التاريخ قد إنتهى عند هذا الحد .. على الرغم
من التاريخ أحداث يصنعها الإنسان ..
فهل يا تري إذا ما تم تطبيق الديقمراطية كنظام للحكم .. تنتهي المظالم والإضطهاد في العالم ...

التحية لك يا ابو وضاح
غايتو الشغلة دي يمكن يكون فيها مصلحة لأهل السودان
لو بقت قيامة يكون أتخلصوا من حاجات كثيرة ويكون تم انقاذهم حقيقة
بس من هم الخاسرون؟

اسبوعين والقيامة
من خشمك وللسماء يارب
الا يوجد زمن اضافى كدة لتحسين الأوضاع والمناقسة
اهم حاجة الراحة بتكون أبدية
ولا مش كدة يا ابو وضاح؟

سلام ابووضاح
قلت لي القيامة نهاية الشهر ده قربتها شديد لكن
ذكرتني واحد مسطول سالوه قالوا ليه نهاية العالم سنة 2012؟
قال ليهم ماصاح لانو انا عندي علبة تونة مكتوب عليها لغاية 2015
جادي
على موقع وكالة ناسا هناك تكذيب لهذا الخبر والاشاعه انها ستكون نهاية العالم 21/12/2012
وليس 2011 ولكن حسب ماورد في الاحاديث الدالة على العلامات الصغرى والكبرى
فنحن الان في انتظار الكبرى وهي خروج الدجال
وظهور الشمس من المغرب
والدابة (وهي فصيل ناقة سيدناا صالح)
والدخان
وظهور عيسى عليه السلام
ومابين كل حدث 40 سنة
فهذا الكلام لايمكن ان يحدث في سنة او سنتين ولكن يمكن ان تنتهي ايام اي منا في اي لحظة فهل نحن جاهزون
هنا نهايتنا نحن وليس كل العالم

التحية ليك يا ابو وضاح
التحية للاعزاء
صديق خالد
صديق الماحي
الدفعة عادل خياري
الناس كلها بتتمنى القيامة املاً في تغيير احوالها و الظفر بجنة.
و من الناس من تضيق به الحال ويتمنى النهاية حتى لو يدخل النار ما فارقة معاه.
وكان الشاعر حسن الزبير دلو في ذلك بعد شاكوش عاطفي.
وتمنى قيام القيامة قبل ظهور المذنب هذا.
منقول من مشاركة الاخ وليد التلب.

ان شاء الله القيامة تقوم

ن شاءالله القيامة تقوم
عشان ريدك معاي ما بدوم
ناس سهرانة طوالي
وناس طول الليالي تنوم
أشوف انا كيف حسابك يطول
على الوعدالدوام ممطول
وانا الشايف كتير أحباب
بعيشو الريدة عرض وطول
أنا الشايل دوام همك
وأريدك ريدة زي أمك
وأغير من غيرتي زاتا عليك
أخاف أنا يا الخفيف دمك
ان شاءالله القيامة تقوم
وكل زول يمشي في حالو
عشان ما قلبي يرجع يقول
حبيب الدنيا في بالو

الأخ الحبيب صديق خالد
الأخ الحبيب صديق الماحى
الأخ الحبيب عادل خياري
الأخ الحبيب الهادى محمد يحيى
الأخ الحبيب صديق الماحي


لكم التحية جميعا ..
طبعا أنا لما قلت الخبر دا للمدام ( ام وضاح ).. قالت لي سجم خشمي .. .. أسمع ياراجل هوي .. في اليوم دا أوع تمشي الشغل ونمشي مكة طوالي عشان نموت في بيت الله الحرام ؟ ..
طبعا كلكم اخدتو مقلب كبير .. التاريخ المذكور في البوست مش الزمن المحدد ليوم القيامة .. وأنما هو موعد مضروب الى وصول مرحلة بعيدة جدا وخطيرة جدا من القرب بين المذنب والأرض .. وليس هو يوم القيامة ..
وقطعا وإييمانا بأن يوم القيامة لايعلمه إلا الله وحده .. وكذب المنجمون ولو صدقوا ..
وأنما ربطوا هذا القرب بحلول بحوادث خطيرة من زلازل وبراكين .. ومد وجز .. ودول تختفي .. ودول تدخل في دول أخري .. يعنى عادى ممكن تكون في إفريقيا .. وفي ذلك اليوم تصبح في أسيا ..
وممكن البحر الأحمر دا يجي شاقي السودان كدا .. ويخلي جزء من السودان مع بعض دول أفريقيا في قارة تانية .. وربك يلطف ..
واحد من الزملاء قلت ليهو .. الموعد المحدد لقرب هذا المذنب يوم 26/9/2011 .. قال لي يعنى قبل ما نستلم الراتب ..

سلام تاني ياطارق
خليتنا نفتش ونبحث وجينك بالاتي اتفضل

لا اله الا انت سبحانك اني كنت من الظالمين

والله يا طارق ده كلام يخوّف يعني من الليلة نعتكف في المساجد عشان القيامة تجي تلقانا داخل بيوت الله , يعني يا طارق أهلك في الحلاوين جاريين جري عشان يكملوا ليهم الظلط .. يعني ظلتنا ح يروح شمار في مرقة
والقيامة أصلها جاية لكن متى ؟؟ علمها عند الله ولكن ما بالكم من القمر الصناعي الأمريكي والذي قيل أنه سيسقط في السودان في نهاية الشهر وفي مساحة قدرها 400 كتم مربع وفي منطقة مأهولة بالسكان وسرعة القطعة 6 كيلو متر في الثانية يعني لو وقعت قطعة في رأس زول ح يغوص الى أعماق الأرض .. لا كفن لا قبر
أنا كلما أتذكر سقوط هذا القمر أضع يدي على رأسي حماية له ويا حظ أصحاب الصلع فربما تنزلق القطعة دون أن تسبب ألم ... حظك يا صديق الماحي أنت بعيد عن مكان سقوط هذا المطر الأمريكي

على حسب الراهن
فالسودانكثرة فية الحمم والبراكين والمد والجزر وغلاء
شديد وعجيب وتاثر بهذا الكوكب اكثر من الازمة الاقتصادية
فصدق الامريكان وكذبنا نحن
(ويقولون متى هذا الوعد ان كنتم صادقين *قل انما العلم عند الله وانما انا نزير مبين ) صدق الله العظيم

حسن اسماعيل كتب:

لا اله الا انت سبحانك اني كنت من الظالمين

لك التحية الحبيب حسن
ونصلي لله ونعبد
وله نسبح ونحمـد
ولا أله إلا أنت سبحانك إني كنت من الضالمين ..

كمال دفع الله محمد كتب:

والله يا طارق ده كلام يخوّف يعني من الليلة نعتكف في المساجد عشان القيامة تجي تلقانا داخل بيوت الله , يعني يا طارق أهلك في الحلاوين جاريين جري عشان يكملوا ليهم الظلط .. يعني ظلتنا ح يروح شمار في مرقة
والقيامة أصلها جاية لكن متى ؟؟ علمها عند الله ولكن ما بالكم من القمر الصناعي الأمريكي والذي قيل أنه سيسقط في السودان في نهاية الشهر وفي مساحة قدرها 400 كتم مربع وفي منطقة مأهولة بالسكان وسرعة القطعة 6 كيلو متر في الثانية يعني لو وقعت قطعة في رأس زول ح يغوص الى أعماق الأرض .. لا كفن لا قبر
أنا كلما أتذكر سقوط هذا القمر أضع يدي على رأسي حماية له ويا حظ أصحاب الصلع فربما تنزلق القطعة دون أن تسبب ألم ... حظك يا صديق الماحي أنت بعيد عن مكان سقوط هذا المطر الأمريكي

لك التحية الحبيب كمال دفع الله ..وشكرا على المرور

غايتو في قمر حاليا سقط وناسا لا تعرف مكان سقوطه ..
كدي بالله فتشوا السودان دا .. شوفوه لينا وقع وين ؟
ونتمنى صادقين أن تكتمل كل مشاريع التنمية ..
وترى منطقة الحلاوين وكذلك منطقة الهدى .. الزلط قريبا ..

على احمد ابوشنب كتب:

على حسب الراهن
فالسودانكثرة فية الحمم والبراكين والمد والجزر وغلاء
شديد وعجيب وتاثر بهذا الكوكب اكثر من الازمة الاقتصادية
فصدق الامريكان وكذبنا نحن
(ويقولون متى هذا الوعد ان كنتم صادقين *قل انما العلم عند الله وانما انا نزير مبين ) صدق الله العظيم

لك التحية عمك على شنبو
براهين كثيرة ودلائل ..
على أن واقع الحال لايسر..
وكل هذا الغلاء وهذه الأزمة الإقتصادية .. عمرها قصير بعد الإنفصال بس ..
وربك يلطف بي عباده ..

اقتباس :

المهم الموعد المحدد للكلام دا يوم 26/9/2011

game over
we ok

عادل خياري كتب:

اقتباس :

game over
we ok

الحمد لله .. ولا إله إلا الله وحده لا شريك له ,, وكذب المنجمون ولو صدقوا
ومر اليوم كغيره من الأيام ..
نسأل الله أن يحفظنا في إيماننا ..وديننا

تخريمة :

زمان محمد المصباح ( الشهير ب أبو عضل ) .. كان يتمنى أن تقوم القيامة
ولما سألوه ليه ؟

أجاب وقال : عشان تتشك وتوزع من جديد .. ونكون في بلد ثاني غير السودان دا ..

والله لو عارف إنو السودان دا مافي بلد زيو في العالم ..
بس لو خلصت النوايا ....