ااعيش هذه الايام ..ويشاركنى الكثيرون ..حالة فوق العادية ..
من التفكير المستمر مما يمكن ان نطلق عليه..
(الدخول فى الشبكات هين...والتامل فى الخروج )
الخروج من مستنقع شر ر الغربة
قال شاعر ...
ابوكم ادم سن المعاصى ...وعلمكم مفارقة الجنان..
ونحن نعيد السؤال ...
من من ابناء ابونا ادام علمنا مفارقة الاوطان...
يا وطنى يا بلد احبابى فى وجودى اريدك وغيابى ..
ووطنى لو شغلت بالخلد عنه نازعتنى اليه فالخلد نفسى
وبلادى وان جارت على عزيزة واهلى وان ضنوا على كرام..
ينعى الينا القادمون من الوطن كل يوم واحدة من سماته...
ينعوا الينا جمال الاخلاق والقيم..والمثل...
تفشت المحسوبية والرشوة
وازدياد الظلم...
والحروف تاكل فى اطرافة
االانسان والدواب والشجر
واخطر من الحرب ...
حالة الغلاء الفاحش والتى ضاعفت اوجاع المجتمع
..وضافت من هوجسنا فىى رسم خارطة الطريق للعودة
ولن اليد الواحدة ما بتصفق هذه دعوة منى لكم
للمساهمة فى اعادة رسم خارطة طريق بمعالم اوضح

االتقيت قبل اسبوع الاستاذ محمد احمد
وهو من ابناء النيل الابيض قدم من اجازته السنوية
وسالته عن البلد وفى النفس امل فى العودة ..
فرسم لى صورة مظلمة (اظلم من الليل اذا عسعس)كما يقول عم حسن حمد الله يطراه بالخير
واسهب ثم فاض ..فقال ..
والله الجماعة هناك قالو لى والله
االسعوديين ديل لو قددوا اضنيكم وساقوكم منهن ما تخلوا السعودية...
رباه ...وهل ما يحدث فى وطنى اسوا من ان نساق كالقطيع
ااهو اسوا من العبودية ...

الاستاذ الرشيد...من ابناء كنانة ...
تحسر على ما يجرى حتى كاد ان يزرف الدمع ..
فتوقفت عن طرح الاسئله عليه...

الاستاذ عبد الرحمن من ابناء جنوب كردفان...
لم يكن بافضل من السابقين...
وقال انه عندما اكمل اجراءات الخروج من الوكن
تنفس والاسرة الصعداء...
وكادوا ان يزفوه كالعريس ..
عجبت لقوم يفرحوا لفراق مودعهم
لولا ان فى الامر اشياء...

احد ابناء الهدى فى رحلة البحث عن العودة
ذكر لى انه يكاد ان يكون قد التقى بكل المعتمرين السودانيين
فى رمضان ..ليسالهم عن الوطن
ولم يجد مخرجا ..فصار من حسرة الى حسرة
كالمستجير من الرمضاء بالنار

احد الاخوة السعودييت كان فى زيارة للسودان بفرض الاستثمار
ذكر لى انه عندما حطت اقدامه مطار الملك عبد العزيز بجدة
سجد لله شكرا ان عاد لوطنه مما راه فى السودان...

احد الشباب الجد القادمين للعمل فى السعودية
وهو خريج تقنية معلومات من ابناء ام درمان الثورات
قال انا لا افكر فى الزواج
لانه يتطلب منى اموالا لو اشتغلت باقى عمرى ما حا اوفرها
ونقل لى صورة عن طريقة الزواج فى الثورات ..
فهى اشبه بالخيال ...

منو الممكن يتخيل انو فى بلد زراعى
جركانة الزيت سعة 20 رطل تباع ب200000جنيه
انواع الويوت
زيت الفول
زيت السمسم
زيت بذرة القطن
زيت زهرة الشمس
زيت الذرة..
دى كلها زيوت نباتية
حتى لو مافى مشاريع لزراعة محاصيلها
يمكن ان تقوم بموية المطر ..يعنى بروس..

فى بلد زراعى ..منتج لصناعة السكر
وبه اكبر مصنع فى ...كنانة ...
يباع جوال السكر سعة 100 رطل
ب200000 جنيه..

فى بلد به ثروة حيوانية لا تقدر
يباع كيلو اللحم البقر بمبلغ 30000 جنيه..
وادهشنى ان الدولة تستورد ابقار من اثيوبيا..
فى حين انها تبرعت لمصر بابقار
فيما سمى (بكرامة ) رحيل مبارك..

سلام استاذ زيادة
ياخوي والله اركز بس واصلو جلدك تخن على الغربة يعني مافرقت معاك 25 سنة تاني
في اتصال مع الاخ محمد احمد محمد احمد عبدالحليم قال
ياعادل معاك الحجاج امسك فيهم قوي والله البلد دي بقت صعبة خلاص والعيشة بتاعة الاكل والشراب بقت في تلتلة
وقال
انا زمان كنت ضد الناس البهاجروا من السودان او البتكلموا وبقولوا انو صعب لكن اسه انصح اي حد برة البلد خليه برة بس ماتنسى المساكين المرميين هنا ساعدوهم بي اي شئ
لكن ترجع البلد
نهي على راي الهنود
ربنا يصلح الحال

التحية للحبيب ابو محمد
الشايل هموم الوطن أنات وجــع

كل المؤشرات والدائل والتقارير تشير إلى أن هنالك كارثة ...
كارثة إنسانية .. ومجاعة أصعب من مجاعة الصومال ..
والفرق شنو بينا والصومال ؟ ونحن أحسن حال منهم في شنو ؟
أذا كانت سباب المجاعة في الصومال ..
الحروب والحكام والجفاف ..
نحن لسنا أقل منهم .. نعاني نفس مايعانون .. ويضاف اليها ..
تدهور في سعر الصرف .. غلاء طاحن ..
والبداية ماورد الآن عن مجاعة في الشرق ....

ولاحولة ولاقوة إلا بالله ..
ونسأل الله أن يلطف بأهلينا ..
اللهم كما ابتليتنا بمثل هؤلاء الحكام .. نسألك بأن تلطف بنا وبأهلنا وتعيينا ..
ولا نملك إلا أن نبكي .. كما بكى من قبل الشاعر الفذ القدال في رائعته خوف الطواقي ...
ماخايف المطر
يتحاشى الضهاري الراجية قولة خيرا
ولا خايف المطر
يمشي على الضهاري تلمو في بشكيرا
خوفي على البلد
الطيب جناها وقمنا في خديرا
شاحدك ياالكريم
لايحصل خراب أرجي يوم وديرا ..
..
ومايحصل الآن هو ودير وخراب .. ليس للوطن فحسب ..بل ودير وخرا للنفس التى بين جنباتنا

الحبيب ابو محمد ..
لا تأمل في الوقت الراهن إلا للخروج من الوطن
في هجرة ربما لا تلوح لها في الأفق البعيد من عودة ..

الحبيب عادل ..خيارى ...
كلما ازدادت سنين الغربة كلما ازدادت حالة الاشتياق للوطن
كل الشعراء والكتاب والفنانين والنشكليين والممثلين سطروا احلى اعمالهم فى الغربة.
انظر الى نجاح موسم الهجرة الى الشمال الذى يدرس بسبعة لغات فى جامعات اوروبية وامريكية
والى اليا ابو ماضى ونزار وجبران خليل وطه حسن..
ذلك لان امكانية العودة ووالرجوع متاحة..
التحية عبرك الى الحبيب محمد احمد عبد الحليم ..
والذى ذكرنى بالحبيب عبد الغفورمحمد نور فهو يتخذ ذات المبدا ..عدم الخروج من الوطن..
والان اصبحوا معنا كلنا فى الهم شرق...
و مع وجود كل هذه الثروات والخيرات فى السودان
فان الاحصائيات تقول ان 9000000 مليون قد هجروا الوطن.
وان الملايين منهم قد نالوا جنسيات اخرى
بل ان الكثرين قد ذهبوا الى اسرائيل للاقامة هناك..
ونقلت الاخبار كثيرا من الحالات ...تهريب ووفاة
على الحدود المصرية الاسرائيلية
بل ان هناك فتيات سودانيات ..
اى عقل ممكن ان يتخيل
لك الله وطنى العزيز ..

الحبيب ابو محمد ....
لا تأمل في الوقت الراهن إلا للخروج من الوطن
في هجرة ربما لا تلوح لها في الأفق البعيد من عودة ..
......الحبيب ابو وضاح...
اسعدنى مرورك ...
وهيج اشجانى .....وحنينى ...
ساعود ...اليك ..
برواقة ....

السوق الفات فى الهدى
5 حبات طماطم بى 5000 جنيه
يعنى حبة الطماطم بى 1000 جنيه
البرتقال الدسته بى 12000 جنيه
يعنى الحبة بى 1000 جنيه...
يعنى الزول الداير ياكل كسرة بموية
محتاج لى ميزانية ...
القراءة فى واقع السوق فياسا للارتفاع الحاد فى الاسعار
نهديها لوزير المالية والذى صرح سابقا بالعودة الى اكل الكسرة
بدلا عن الخبز وما كان يدرى ان سعر الكسرة اعلى ...

سلام ياابومحمد
طبعا الغلاء في السودان بقى زي البورصة بالساعات يعني كل ساعة تلقى ليك سعر جديد

اقتباس :

السوق الفات فى الهدى
5 حبات طماطم بى 5000 جنيه

مشكور على اتصالاتك بالهدى ومدنا بالاخبار
بلاي لو سمحت في اتصالك الجائي عرج لينا على موضوع الزلط وشوف لينا النجيضة
وكمان بالمرة ادينا اخبار المدارس
واغشى المستشفى
شفاك الله من كل داء