ودالبوش
الاف التحايا ياخي والله انت زول اكتر من رائع
يمين جملتك دي

اقتباس :

ونركض باللمبة زي شعلة الاولمبيات العالمية الرياضية

ضحكتني وعجبتني شديد قبل مااكمل الموضوع زاتو
ياخوي الكلام الجميل ده بتجيبو من وين
ورغما عن ذلك طلعت زول قديم من زمن حبوبة ونسيني
طبعا نحن ونسونا بيها بس
تسلم يامبدع واصل واتحفنا بالمزيد

شكرا اخي عادل لمرورك وايضا كذلك لمراعاتك فروق السن
.
.
.
كنت قاليك من ناس ضا ضرب طلعت من ناس ضا ظابط
ورغما عن ذلك ضحكت حتى كدت ان تتفنقل على قفاك مما يعني انك مركب مكنة عجايز
اذا صدقنا زعمك بانه تم تونيسك بحبوبة ونسيني تونيسا لا معايشة وتوليعا

نسبة لتأخر الكهرباء من الهدى اى زول حضر حبوبة ونسينى ما تسمع كلام ابو الطيب دة

الجكرة الخبيثة خلت ناس الخرطوم ذاتهم يعرفوا حبوبة ونسينى

والله ياصديق كلامك صاح....اي زول الكبير والصغير حضر وشاف حبوبة ونسيني...لاننا تاخرنا كثيرا عن حضارة الكهرباء العامة...

وهناك خدعة اخرى وهي حماااار النوم..!!! حصل يا خوانا في زول فيكم شالو حمار النوم دا....وهل هدا الحمار فيهو سرج ام لا؟؟.....

حمار النوم دة يا دكتور حقيقة
انا شالنى كتير فى السودان لكن من طلعت من السودان ما شالنى ولا مرة
ما عارف عشان البيوت واسعة ولا عشان النوم فى الخيشان
لكن وانا صغير كل مرة يلفونى نايم فى حتة مرة فى القراش ومرة وين ما عارف

ياخ إنت زول وناس وحكاي وفنان
متخيلك ماسك أضانك وصاري عين ورافع شعلة الالومبياد بيدك الشمال واليد اليمين رافع بيها طرف العراقي_
الكرعين غبش وفرق الأصابع أبو الضباح_يا لذاك الزمان الجميل
شكرأ لزاكرتك العامره

لك التحية الحبيب ود البوشني
وأنت تجتر الذكريات ..
وياله من زمن جميل .. واصيل ..
زمن نرفع إيديا لطيورأم بيوض البيضاء .. حينما نراها في السماء .. ( أم بيوض حننيني .. وبحننك ) .. ونجري وراها في فرح ولهو طفولي بريء حتى نري بياضا يظهر في أظافرنا .. ونقول هيي والله حنننتني ... والسمبرية ام قدوم عيش ابوي بقوم متين .. بقوم باكر مع العساكر ..
ويامطيرة .. صبي لينا في عينينا ...
ولكن الخدعة .. الجميلة .. حينما تكون نهاية السنة .. ومساء اليوم الأخير من السنة والناس تستقبل العام الجديد ... في تلك الليلة يضع الناس عجينة في الراكوبة عشان تستكشف بها الرزق الذي سوف يأتيك في العام الجديد .. أو بالأصح نوع السعاية المناسبة لك هل هي في الحمام او الدجاج او الضان وكل هذا سوف يظهر في صباح اليوم التالي موجود داخل العجينة .. أذا كان ريش فهو يعني أن الحمام أو الدجاج وغذا صوف يعني ضأن وأذا شعر يعني رزقك وفير في الماعز .. وهي في العموم نوع من أنواع الخرافات والإعتقادات .. لا أدري أذا كان الأخوة كبار المنتدي يتذكروا هذا الشىء والله لا ؟