يا قهوتا
ويا شهقة النفس المزاج
يا قعدتا
ويا سرحتي
شفت العيون عبر السياج
يا ضحكتا
ويا متعتي
تبدو الأنامل هي الزجاج
يا البن تحرق و تنحرق
لو كان منجض مرتين
أنا يومي بتنجض نجاض
يا كيفا
ما تقول لي كيف
و يا طيفا
أبقى لي ضيف
ما إيدي من إيديها فاض
من كبتا
ما كبتا.. المن كبتا
كل الخلائق حبتا
الموية نيل
و الشوق تقيل
و الريدة لما تكون مزاج
القلب ما بعرف تردد و احتجاج

==
الشاعر قاسم ابوزيد .. ملأ حياتنا عبقا جميلا .. وهذه من جديد الشاعر ..

لك التحيه الحبيب الغالي طارق وانت تنثر الدرر الغوالي وتمتعنا ولك تحياتي ياغالي

الشاعر : قاسم ابوزيد
نبذة
من مواليد مدينة مروى 1959م
· تلقى تعليمه العام بمدينة الدامر ( 1965-1978م)

· تحصل على بكالريوس المعهد العالى للموسيقى والمسرح- تمثيل واخراج 1982م

· تحصل على دبلوم فوق الجامعى ( تاريخ فنون) – جامعة السودان للعلوم والتكنولوجيا – كلية الفنون الجميلة- قسم الدراسات الانسانية

· عمل معلماً بالمرحلة الثانوية- معاهد التربية – كلية معلمات الدامر- معهد تدريب معلمات المرحلة المتوسطة عطبرة- ام درمان.

· مخرج مسرحى قدم العديد من المسرحيات

· مخرج تلفزيونى متعاون بقسم الدراما بالهيئة القومية للتلفزيون

· عضو مؤسس لجماعة السديم المسرحية

· له اسهامات فى مجال الكتابة الدرامية والبرامجية بالاذاعة السودانية

· له مجموعة مسرحيات قصيرة معدة للنشر بعنوان ( خمس لوحات على جدار الواقع)

· له مجموعة شعرية معدة للنشر بعنوان ( الهوامش)

· يعمل استاذاً بكلية التربية جامعة الخرطوم- قسم الوسائل والمناشط

· متزوج وأب لطفلين

طوريتـــــك
قاسم أبو زيد

حتى الفصول صابه الجفاف ...
لا غيمة لا زفة هرع ...
والسنمبر البفرح صغيرة ...
غشانا وإتقاطر رجع ...
وشجرنا من لفح السموم ...
عطشان وقع ...
لاشابا لريحة دعاش لا هش لى برقاً لمع ...

طوريتك في الطين مرمية ...
وكوريتك يابسة ومجدوعة ...
لاغيبتك كانت مرضية ...
ولا فوتك كانت مبلوعة ...

اللهب الضوى الليل قناديل ...
في عيون النجمة القطبية ...
والتعب المد ضراع النيل ...
سجادة فقراء مزاورية ...
سائلين عنك ويوماتي رحيل ...
لمواني المدن النفحاية ...
وشقيش ما تقبل يا أبو الحيل ...
في قلوبنا مواجعك متكية ...
تايهين في بحرو مراكبية ...
أطفال عمال ومزارعية ...

كيف حال يا أبوي ...
كيف حال يا خال ...
بتمسي بيوتنا الكاكية ...
حزنانة بتبكي مال الحال ...
والزمن الساقكم عيدية ...
طوريتك في الطين مرمية ...
وكوريتك يابسة ومجدوعة ...

تسلم يا طارق المامون

اتمني ان تكون من نصيب واحد من الشباب ذو صوت مميز وايضا ملحن ممتاز
وقاسم ابو زيد ما بجعه الخلاء بختها في ماعونا وبتلقي البصونه
في الانتظار

لكم التحية على هذه المجادعة الشعرية
وهى حقا تعبير صادق عن ثقافتنا وتراثنا
التحية لك حبيبنا طارق والتحية لك اخى مبارك
وللعملاق قاسم ابوزيد

والتحيه لكم جميعا
والشكر لي قاسم ابو زيد الذي جمعنا بي قصائده الصادقه
ومعاكم متواصلين

عندماء يذكر قاسم ابوزيد
مصطفي سيد احمد يكون حاضر

قهوه عمي حسن البلة احلى قهوه
تسلم ياغالي ياصفوة

التحية للأخوة الأعزاء ..
1- عزالدين حسن
2- مبارك النعمة
3- الشيخ مهند الأمين
4- موسى على بخيت

وأشكركم على المرور والإضافة في حق الرجل القامة قاسم ابوزيد .. والذي ملأ حياتنا بأرق الكلام
وأعذب الألحان والأشجان :
كوني النجمة ( مصطفي سيد أحمد ) :كونى النجمة

كونى النجمة
قولى الكلمة لصمت الليل
وطولى النجمة
وامشى معانا درب طويل
وكونى النجمة
وادى الفرح امتد مساحة
نادى الامل الجوة عيونة
شوق الشوق اتجدد تانى
باقى احلامنا جدار من كونة
نار الالفة البينا سنين
صحت فينا احلام يوم باكر
غيم الامل الشارد يوصل
وانت معانا فى عمق الخاطر
ايد مبسوطة تقابل الحنة
نغم الليل السال شبال
نخلة تغازل فى عيون طفلة
طفلة وحفلة ورقصة فال
وادى الفرح امتد مساحة
نادى الامل الجوة عيونة
شوق الشوق اتجدد تانى
باقى احلامنا جدار من كونة
----

( اقمار الضواحي ) : ـ

عشان الحزن مايجرح
عشان الصبح مايروح
يلا نغني للفكرة
يلا نغني شان بكرة
للبلد الصبح ذكري
يالقابضين على الجمرة
يا النايمين بدون تمرة
يصحوا على حلم راجع
يكتبو في الفضا الشاسع
يحلمو بي وطن واسع
وطن واسع وطن شاسع
وطن واسع
لامحزون ولا مهموم
لا مسجون ولامحموم
ومهماضاقت الأحوال ..
أكيد قلم الظلم مكســـور
أكيد قلم الظلم مكســـور


--

ونشوة ريد ...
نشوة ريد .. إحساس إكليل
وردة وصلك .. جنـّة أصلك
نجم الليل الوصل جميل
**********
نحنّ مشينا الخطوة الأولى
وإنتى معاى مشوارنا بيقصر
بكرة بنحكى الشوق للذكرى
نار الريد الغابت .. تظهر
*********
الأطفال يافاطنة بغنوا
الأفراح لابد من ترجع
الأحلام الدونك فاتت
لو واصلنا صباحا بيطلع


وغيرها الكثير .. والجميل .. فله منا كل الشكر والعرفان ..