قالــو قميص عامر او عثمان
وقالوا قميص نفيسة نشـــف
وقالوا مــرض حـــامــد
وقالـــوا لون زينــــب

وقالوا وقالوا جزمة البرنس

مش مهم مين عامر او عثمان ..
ومش مهم مين هي نفيسة
ومش مهم مين هو حامد ومرضوا
ومش مهم مين هي زينب وماهي حكاية لونها ..

بس المهم جزمة البرنس ....

الجزمه دي ياطارق عشان يركلو بيها الكوره في القون وفي اثناء التهديفه الجزمه حتتملص من سيدا وحتقع في وش اقرب وصيفابي

والله خايف الجزمة ما تقلي قداهما الا قارورة موية وعينك ما تشوف الا النور وممكن تحكو لينا عن الرقم 2 والرقم 12 ولا احسن الهجين لانو حفرتكم قريبة من زريبة العيش

تحيه يا ابو الوضاح
الجزمه صارت اكثر شهره
ما بين البرنس والرئس
(بوشنكه)
دمت


____________
لله الحمد والمنة

فليكن في معلومكم جميعا
المقاس 43

جزمة البرنس ولاتونس[

الأخ الهلالابي الكبير محمد ابراهيم الطيب

يا للروعة ويا للجمال .. بس الواحد يقعد يعاين في الصورة .. طول الوقت ومايمل أبدا ..

قالوا على شقى ومجنون

لحبيب ابووضاح
يقولون كل اناء بما فيه ينضح
ويقول اخرون
(البئة تتحدث)

سؤال مهم جزمة موسي الزومه بيكم ومقاس كم
ولا بشيل باقي ناس منير امبده لانوصاحبو

الجزمة دى يا ود المامون دحين ما الشات بيها

القارورة

الأخوة
صلاح الشيخ
محمد الطيب ابراهيم
زيادة ابو محمد

ود التلب

جميعكم أحبكم ..

التباين والأختلاف بين الناس وارد .. ولكن هل ظلمنا أنفسنا أم مظلومين حينما قلنا (( قالوا )) ..

زي ماقال الشاعر : وظلموها حينما (( قالوا )) لها ..

الحبيب الباشمهندس وليد
وانت الصادق( نعم ركل بها قارورة الماء)حين تم استبداله
(وجعلنا من الماء كل شئ حى)
وهى ذاتها التى ركل بها هيثم الطاهر(ولدنا)
فى بدايه عهده بالهلال..حينما خطف النجومية منه
وهى ذاتها التى ركل بها احمد سعد فى مباره الهلالين الاخيرة فى بورسودان
واحمد سعد زميل ولاعب سابق بالهلال(لا عشرة ولا ملح وملاح)
وهى ذاتها الى اساء بها للحضرى حارس الاهلى( ونال الجائزة قلم باركر من الحضرى)كاول سودانى
يحصل على جائزة خاصة من لاعب مصرى(الله يرحم ايام كاوندا وفوزى المرضى
وهى التى اساء بها للملك الخلوق العجب
حينما اصطادته كاميرا التلفزيون القومى..وكادت ان تنطق باقبح الكلامعلى لسانه
وهو يتمتم به لاسطورة الملاعب السودانية المهذب العجب حبيبى
سنتختم بتصريحات احمد سعد لاعب هلال الساحل
ومدرب الفريق الذى لعب للهلال ايضا
بعد الاحداث التى صاحبت المبارة
ان هيثم مصطفى هو السبب فى اشعال الفتنة
وانه غير جدير بارتداء شارة كابتن الهلال
وان الخلوق عمر بخيت اجدر منه واحق بها
لذلك حق لجاهير الصفوة ان تطلق عليه لقب
سيد اللبن

الأخ الحبيب ابو محمد

لك التحية . ـ

لكل إنسان جوانب مضيئة في حياته .. والنظرة يجب أن تكون لنصف الكوب المليلان .. لا نتصيد الهفوات ونحكم ..
ولك محبتي ..

لحبيب ابووضاح
الحقيقة دائما مرة
وانتم من يجب عليكم ان تروا سيد اللبن على حقيقته
قال امير حسون المدير الفنى لهلال الساحل بعد احداث المبارة الاخيرة
ان هيثم صناعة اعلام الهلال
وهو من تسبب فى الازمة
وهو لا يستحق ان يكون كابتنا للهلال
على فكرة امير حسون لعب للهلال
وهناك حادثة مشهورة تنم عن سوء الاخلاق للاعب
عندما زارت لجنة دعم المنتخبات القومية
ويراسها اللواء محجوب كجو..قبل احدى المباريات لتقديم ميداليات
فرفض هيثم استلامهودخل فى مشاده مع اللواء وتلفظ
وعندما حاول احد اعضاء اللجنة التدخل حاول الكابتن الاشتباك معه بالايدى
لولا تدخل مازدا ..
وهيثم له مشاكل مع اللاعب الحريف النعيم
وهى ذات المشاكل التى افتعلها مع مهند
يستهدف كل حريف يطرب الجمهور
انه كابتن الهلال
بل عجبت ويسخرون

الأخ الحبيب ابو محمد زيادة
لك التحية . ـ

أنا شخصيا ضد أن نضع الناس في غوالب معينة ونحكم عليهم .. وربما نحن نراه بعين الرضا رغم الأنات ..
ولكن نهديكم عيونا عشان تشوفوه بيها ..

قميص عامر قصتو شنو؟

لحبيب ابو وضاح
لك التحية
عيونك احتفظوا بيها
لسنا بحاجتها لاننا نرى فى كل الاتجاهات
وانتم مصابون بعمى الالوان
وترون الشحم من فى لحمه ورم

مظلومه الجزمه(من شابه جزمته فما ظلم)

طارق مامون كتب:

قالــو قميص عامر او عثمان
وقالوا قميص نفيسة نشـــف
وقالوا مــرض حـــامــد
وقالـــوا لون زينــــب

وقالوا وقالوا جزمة البرنس

مش مهم مين عامر او عثمان ..
ومش مهم مين هي نفيسة
ومش مهم مين هو حامد ومرضوا
ومش مهم مين هي زينب وماهي حكاية لونها ..

بس المهم جزمة البرنس ....

أولاً لك التحية الحبيب الراكز العم طارق مامون علي هذا البوست .
تعليقي؛ هو أنه صحيح جزمة البرنس مهمة خاصة يوم الأحد القادم؛ ولكن هذا لا يعني أن بقية الأشياء التي ذكرتها غير مهمة.
مثلاً إذا سلمنا إنه حامد ما مهم؛ لكن في الوقت ذاتو مرضه مهم ومنتشر بصورة كبيرة، عشان كدة محتاج مناقشة ومعالجة.
وطبعاً يا أبو وضاح لأنك مشيت في العمر وإن كانت الروح لسه في مرحلة الشباب؛ لهذا السبب أنت غير مشغول بنفيسة ولا بحامد لا بمرضه؛ لكن نحنا مشغولين بيهم، ومشغولين كمان بجزمة البرنس يوم الأحد.
شفت الفرق! هههههه

الأخ كباشي خياري

قميص عامر .. مفصل بي مقاس ومواصفات معينة .. يعني زي قميص عمك التلب ( رحمه الله ) .. يعرفه حرفاء الوست فقط ..

الأخ الحبيب ابو محمد زيادة

لك التحية . ـ

العيون .. في الأصل واحدة ..
عيون كبيرة .. عيون صغيرة ,, عيون مدورة .. عيون عسلية .. عيون ناعسة .. عيون كاحلة .. عيون مريضة .. عيون راجفة .. عيون واجفة .. عيون بها حور .. ( عيون زرقاء .. وعيون بيضا ء ) .. (عيون حمراء .. عيون صفراء ..)

والمهم عندنا هنا العيون الصفراء والحمراء .. وهم قالوا بتشوف في كل الإتجاهات .. ما أعتقد يا حبيب يازيادة بأن عيونكم بترى في كل الإتجاهات .. كيف تري في كل الإتجاهات .. وماتشوف إنجازات البرنس .. ولعب البرنس .. وكابتنية البرنس .. وجزمة البرنس ..
العيون الصفراء والحمراء .. عيون مريضة ( الصفار إيرقان والعياذ بالله ) (و الحمراء : بها حساسية ورمد ونسأل الله السلامة )

العيون في الأصل واحدة .. العين تتكون من الشبكية والعصب البصري و إنسان العين .. والعدسات .
والعدسات .. تختلف في عدسة مقعرة .. وأخرى محدبة .. وأخرى بيضاوية .. وكمان في عدسات لاصقة ..

العيون واحدة .. بس .. بختلف الشوف ..
والشوف نفسوا بختلف .. في شوف البصر وفي شوف البصيرة ..

وقلنا ليكم في البداية التباين والإختلاف موجود .. ماتراه .. عكس ما نراه ..

وياريتني اقدر أقول فيك كل الكلام المانكتب ( يابرنس )
ويارتيني أقدر اقول فيك يا عيون أكثر من ماقاله عبدالله النجيب

الأخ صديق خالد

لك التحية ، ـ

دي مش أي جزمة .. دي جزمة القائد والكابتن ..

الأبن الحبيب الزبير

لك التحية ..

مرورك علينا في هذا البوست كان مصدر خير .. وكانت جزمة البرنس على الوعد .. لذلك أخرنا الرد عليكم الى يوم الأحد المنشود .. وتوجها رجال الهلال بصدارة المجموعة ..
ومرض حامد في حوجة الى مناقشة .. ويوجد بوست جارنا بي هنا تبع أخونا وحبيبنا مهند .. يناقش مشكلة عزوف الشباب عن الزواج .. وما أعتقد بأن في السودان مشكلة غلاء مهور وخلافه .. لأن هنالك زواج مباركة ومايسمى بزواج الكورة .. لكن المشكلة تبقي في الشباب أنفسهم ومدى تحملهم للمسئولية .. هذه التى يجب أن تناقش.

لك التحية ياحبيب على مرورك الرائع ..

حنما قلنا قالوا جزمة البرنس
فأننا قلناها بأحساس العاشقين والمحبيبن
وكم هي صادقة ونبيلة أحاسيس المحبين والعاشقين ...
وبالفعل لقد صدق حدسنا وحسنا ..
وأصبحت جزمة البرنس ذات شأن عظيم
ولما لا وهي آخر منتج من شركة الأحذية والمعدات الرياضية ( ( NIKE ..
ووضع تصميمها اللاعب نفسه .. وتم تقديمها له في حفل بهيج ..
جزمة البرنس للذين يعتقدون بأنه شات بها القارورة تباع الآن في الأسواق
بما يعادل 420 يورو ..
وهي الآن معروضة في الفاترينات بجانب أحذية مشاهير وعظماء اللعبة من العالم
أمثال ( ميسي ) ( كريستاينو رونالدو ) .. ( كاكا ) ..
جزمة البرنس مكتوب عليها بالجهة اليسرى البرنس والجهة اليمني سيدا
وفي الكعب الرقم المحبب لللاعب ( 8 ) ..

وللمعلومية اللاعب موعود لإنجاز غير مسبوق .. إنجاز غير مسبوق
من الإتحاد الأفريقي .. وعند تكريمه في هذه المناسبة .. سيكون لنا
عودة الى هذا البوست ( بأذن الله ) ..
وشنق طاقيتك ..
وأقدل ياولــد
وجر النم .. لسيــدا
وللهلال سيد البلــــد

[quote="يزيد خالد عوض الكريم
انا افتكرت جزمة نلسون ماندلة الشى البعرفو فى السودان البرنس اسم صلصة والصلصة حمراة ههههههههههه
[/quote][/quote]

هذه ضريبة الشهرة .. يعملوا ليه صلصة .. وكمان حلاوة ..
زمان لما كنا صغار .. كان في حلاوة أسمها ( جكسا ) غلافها باللون الأزرق
وأيضا حلاوة ماجد ( لون غلافها أحمر ) ..
..
وماتستبعد قريبا .. حيكون في رز البرنس .. والمرأة تقول ليك : يا رز البرنس يا بيت أبوي ..