زمــــــــــــــــــــــان قالوا الكديس لما ماقدر يلحق الشرموط ال معلق في المشلعيب قال عفــــــن
والفنانه الاماراتيه أحلام قــــــــــالت (أو تغنت ) ب:
اللي ما يطول العنب حامضا عنه يقول
وأخيرا قيل:
جزركم دا يا الامريكان مسموم ومعفـــن وكمان بايظ.
تعددت الروايات والنتيجة وااااااااااحده

سلام اخونا صديق خالد
لك التحية وحمدا لله على سلامة رجوع النت عندكم
وان شاءالله الامور صارت هادئة ورجعت الى نصابها
نتمنى ان يكون اليمن سعيدا اسم على مسمى
ياخوي الكديس وقت مالحق اللبن قال عفن
ونحن مابنسلم حتى جلد كديس لانو ممكن ينفع يعملوا منو جزمة
حكاية الرئيس مع الكدائس دي شنو؟

لك التحية يا أبو الطيب
كدايسنا ولا كلاب الناس
(علي وزن لالوبنا ولا تمر الناس)
قدام الجماهير نقول ما عايزين الامريكان
وتحت تحت نوسطهم لحل مشاكلنا
ونلهث وراء دعم المناحين
ومن هم المانحون
هم من نتهمهم بالتآمر علينا
(بقليبك تقول لي تعال وتعال وبعيونك تقول لي لا مافي مجال)

حمدا لله على السلامة ظهور اليمنيين
المابتقدر تعاديه صاحبه
انت عارف الامريكان المكروهين ديل عمرهم ماقالوا لى زول خلى الصلاة
ونحن الشماعة بتاعة فشلنا كله هى الأمريكان رغم انهم مافاضيين لينا