عند مروري ببعض الطرقات التقيت بر جل فكان يسالني ويلح علي بان التعليم في السو دان مازال يهبط الي الاسوأ ويعرف فيني بتعليم العهد الماضي ويقول لي انو انتوا يا اولادي ما حضرتوا زمن ناس استاذ فلان واستاذ فلان رحمهم الله كان في منظرهم علم للكثير قلت ليه لالا ياعمو التعليم هسي بقي متوفر اكثر من زمان زمان تسافر القاهر وبريطانيا عشان تدرس الان في السودان اكثر من خمسون جامعة للتعليم العالي قال لي اسي التعليم بقي ذي حلة العذابة قالت كيف يا عمو علاقة الحلة بالتعليم شنو قال لي اسكت يا ابني كان ما عر فت حلة العذابة قلت ليه وريني العلاقة بينهم قال ان العذابة بيكونو مأجرين المنزل لعدد 9مثلا بيقومو المفتحين بجمعوا رسوم الحلة المفروضة علي الجميع ويمشوا يشتروا الحاجات ناس معينين ويجو يظبطوا الحلة ظبطة صاح والجماعة الاخري دايرة تاكل بس مارفين الحلة كيف والجماعة ديلك يقوموا يطلعوا اللحمة وياكلوها ويسرفوا باقي الحلة موية للجماعة هكذا التعليم بقي الجماعة المفتحين يطلعوا اولادهم بره اشان اتعلموا تعليم مسبك ويتموا باقي الجماعة للتعلم المحلي المنتهي ياخبررررررررررررررررررررررررررررر اسود

تشبيه فى محله تماما