الذهب الاسود البترول والذي تسعى له الدول بشتى السبل لاستخراجه لاستخراج نفسها من دائرة الفقر وانتشال انسانها من حياة العدم الى الحياة العامة العادية كبشر من مستلزمات انسانية من تعليم وصحة وطرق ووووو
بل يتعدى تلك الحياة العادية اذا توفر بكميات كبيرة لينتقل الانسان الى مرحلة البحبوحة كما في بعض الدول ومدن بعيدة تنوم وتصحى على مخدات الطرب كجزيرة بروناي وقطر واللتان تعدان من اكبر دخل للفرد في العالم هنا حق لنا ان نسميه نعمة والسبب نعم لوفرة المنتج ولكن الاستقرار السياسي للمنطقة من اهم عوامل الازدهار
اما في عالمنا الافريقي فيعتبر البترول عندنا مشكلة المشاكل حتى الدول والتي ظهر فيها فهي لاتخلو من المشاكل وليبيا خير مثال رغم بترولها الوفير الا ان واقعها السياسي فرض عليها عزلة دوليه وصارت زي ابل الرحيل شايلة السُقا وعطشانة فهي ترقد تحت كنز وهي لاتستفيد منه
اما نيجيريا فحدث ولاحرج
اما نحن في السودان مع ظهوره ظهرت زيادة المشاكل وهي اصلا موجودة من زمن فظهر الانفصال وظهرت مشكلة ابيي واخيرا ظهر في دارفور وطالبت احدى الفصائل بتقرير المصير اسوة بالجنوب وفصل دارفور لتكون دولة بذاتها
وبات البترول عندنا والافارقة نغمة وليس نعمه
ياترى بترولنا ده مسكون ولا نحن مافاهمين كيف نتعامل مع البترول ده؟

الغرب وامريكا تستورد البترول من افريقيا واسيا لينعمو به ويخلفون المشاكل للاقطار التي تمدهم بالنعمه

كل ذى نعمة محســــــــود ............!!

وأمريكا حينما احتلت العراق بدافع امتلاك البترول المغلف ب( اسلحة الدمار الشامل )

الوزارة الوحيدة التى لم يطالها القذف وفرضت عليها حماية مشددة هى وزارة البترول

حسن اسماعيل كتب:

الغرب وامريكا تستورد البترول من افريقيا واسيا لينعمو به ويخلفون المشاكل للاقطار التي تمدهم بالنعمه

حسن اسماعيل يابترولي انت
طيب متين نحن نستفيد ونتعلم من اخطاءنا ونتصالح مع انفسنا وبلدنا ونفرض بترولنا على امريكا
وغيرها والسوق العالمي مفتوح للجميع بالخير ليت ناس افريقيا واسيا ينتبهوا

وليد يابتاع الشدر انت ان شاءالله دايما ضراعك اخدر وقطعك اخدر

اقتباس :

كل ذى نعمة محســــــــود ............!!

على الكم برميل بتاعاتك ديل عاملات زي جغيمات الوضوء
لكن على قلة تلك البراميل لو صرفت على الاولويات والضروريات ولو صرفت على الوطن وليس الجيوب لحل العمران والازدهار والرخاء ولكن لو تفتح عمل الشيطان ولكان الكل وقف لكل متربص بالبلد لانه سيفقد تلك البراميل ولكن لانه لايحسها لذا تجده لايكترث نكاية بالحكومة

يا عم عادل كيف حالك
با أخي نحن في بلد الشفافيه ما تتوقع حالنا زيكم .
البترول عمره لم يكن نغمه ولكن بخصوص بترول السودان هو أصلا ما حقنا كان في الصين وماليزيا وهرب منهم و فتشوا عنه و وجدوهوا في السودان وتم تسليمه لهم بعد ما أعطوا الجماعه الذين ساعدوهم في الحصول عليه حقهم يعني ناس السودان يكفيهم يشموا ريحة البترول ولو ما عاجبكم ألحسوا كوعكم (بتعرف اللحس ولا نسيتو).
لا مقارنه بين الوضع في ليبيا والوضع عندنا وكأنك تقارن بين بيو يورك والهدي.
نحن كعادتنا نعلق مشاكلنا علي غيرنا وهنا أقصد السياسيين فهم يوهمونا بأننا مستهدفين ونروح نصدق الموال وهم يلهفون ما لذ وطاب ونحن نسب في امريكا والغرب وهم لا يحلوا لهم الا امريكا والغرب.
والموصوع يطول ويطول ولا حلول ولا حلول الا مزيدا من الورم ووجع الفشفاش.
ولك تحياتي

سلامة من وجع الفشفاش والورم
النعم في طي النغم والمزايا في طي البلايا كما قال الامام المهدي
سؤال تعجبي واستفهامي ومنطقي ؟؟؟؟
الاجابة لا تكون نعمة او نغمة الا بسرد مجموعة من التفاصيل ؟ وهل السؤال يدخل في باب التنمية او السياسة او الاقتصاد ؟؟؟؟
علي كل في راي ان البترول
لعب دور سلبيا ندفع في ثمنه اليوم للاسباب الاتية :
1. جاء في وقت غياب هيكلة توزيع الدخل القومي وعدم عدالته .
2. سبقته سياسة التحرير الاقتصادي مما فتح الباب امام التلاعب والنهب
3. غياب الشفافية وسريةالعقودات مع الشركات
4. غياب الديمقراطية
5. اهمال الزراعة والاعتماد عليه وانا اعرف احد اصدقائي الكيزان اشتري له عقال وهو يكفل اثنين من الحبش .
6.الترويج الاعلامي بالرفاه والجنة في الارض بعد تدفق البترول .
7.اشعل المطامع الدولية علينا
8.زاد الصراع بين ابناء الوطن والان ينقسم السودان واحد الاسباب الكبيرة البترول .
9.ابرز الجهويات والتهميش والفساد
10. اصاب السودان بلعنة الموارد
11. اصحاب السودان بالداء الهولندي
12. العجز المريع في النقد الاجنبي
13. ابيي وغيرها .
ولم ندخل النادي النفطي العالمي
ولم تنتعش حياتنا
ولم يحل مشاكلنا الاقتصادية والاجتماعية والسياسية
ولم يكفينا شر الدين ومازلنا نستدين حتي الان
ولم
ولم
ولم
هل يمكن البترول نعمة ؟ كيف ؟
دا سؤال يطلب حكم راشد ومؤتمر اقتصادي وتنموي
وارادة وضمير كيف ماتساني
ودالامين

سلام عزيزي صديق خالد
تشكر على مرورك المترع حبا للوطن رغم البعاد
حقيقة البترول في حد ذاته لم يكن يوما نغمة كما اسلفت بل النغمة في الطُغمة الحاكمة الطامعه في كل قطرة لمصالحها الشخصية ولذر الرماد في العيون يرفلوا ماعلق بين اسنانهم بعد ان مُضِغ جيدا ليبصق ارضا ممتلئا بخطاياهم التي سودت النعمة ليطلق عليها طريق اسفلت غير صالح للاستعمال طويل الامد

البترول قصة وحكاية ورواية
هل هو كل البترول الموجود فى
الجنوب هل توجد حقول فى الشمال
وهل توجد استكشافات فى الشمال
وزارة النفط علماء ومهندسين وشعب
وعمال وراء كل هذا الكسب والمكاسب
كل هذه المجهودات لايمكن ان تذهب ادراج
الرياح .
البترول نعمة نزلت علينا من السماء
وفرح واستبشر بها اهل السودان
لماذا نشكك فى حق محمداحمد بان يتفاءل
بالغد المشرق ؟
الرسول الكريم صلى الله عليه وسلم قال
نحن قوم علمنا الادب نقول للمحسن احسنت
اجتهدت الحكومة وسهرت الايام والليالى
وتدفق الخير وعم كل ارجاء البلاد كهرباء
وابارجوفية وزاد دخل الفرد وتعدلت الرواتب
رغم الظروف والحصار والبلاك لست الموضوع
فيها السودان.
والبترول موجود بحيرات بالشمال جاهز وسوف
يرى النور باذن الله بحيرات من الفرح قادمة

وعند هجليج الخبر اليقين

[quote="ياترى بترولنا ده مسكون ولا نحن مافاهمين كيف نتعامل مع البترول ده؟[/quote]
مسكون بي منو
ام بعلو والبعاتي
بسمعوك
يا ريتو
.......
........
........
........
........
تحياتي

نتمني ذلك وان يكون نعمه

اخونا كباشي
تسلم وتشكر على المرور القديم

اقتباس :

هل هو كل البترول الموجود فى
الجنوب هل توجد حقول فى الشمال
وهل توجد استكشافات فى الشمال

محول لعناية الاخ حسن اسماعيل لاجراء اللازم

طارق المامون كتب:

وعند هجليج الخبر اليقين

سلام ابووضاح
يازول بتقلع في المحن مالك الموضوع طلعتو من وين اسه انا سيدو نسيتو
ونتمنى النعمه والاستقرار للسودان

استاذ مضوي لك التحية
ود ام بعلو اكتر من الحارسنو ديل
طيب شوف لينا شيخ كارب يطرد الجن الحارسو ده خليه يفرجها على امة محمد دي خلااااااااااااص
وصلت الحد

عزالدين حسن محمد كتب:

نتمني ذلك وان يكون نعمه

الاخ عزالدين نؤمن معك

عادل خياري كتب:

طارق المامون كتب:

وعند هجليج الخبر اليقين

سلام ابووضاح
يازول بتقلع في المحن مالك الموضوع طلعتو من وين اسه انا سيدو نسيتو
ونتمنى النعمه والاستقرار للسودان

الحبيب عادل

لك التحية

تم رفع الموضوع لأنه حديث الساعة

ولإرتباطه بما يجري الآن في السودان

مع صادق دعواتنا للسودان بالنعمة والإستقرار