زمان كنا ..

وفي الهدى .. إذا مالعبنا ضد أي منطقة من المناطق المحيطة

وبعد إكرام الفريق المنافس .. نقوم بتوديعه حتى لو كنا غالبين أو مغلوبين بشعار .. فزتم فزتم بالأخلاق ..

الرياضة قبل كل شيء هي أخلاق وتسامح ..

وكنا لا نتطلع الىا كأس إي بطولة .. غير أننا نتطلع لكأس

اللعب النظيف .. والتشجيع المثالي ..

ماذا حدث .. وماهذا الشغب .. الذي غير حياتنا ؟

وماذا أصاب أخلاقنا ..

وماهذا التردي الذي لايمثلنا

إننا نشجب وندين مثل هذا السلوك المشين جملة وتفصيلا ..

ونحمل كامل المسئولية لماحدث من شغب عقب مبارتي القمة الأخرتين الى الأعلام الرياضي

حقيقي هذا السلوك لايشبهنا أبدا ..

ويجب على مشجعي الفريقين .. أن يعلموا جيدا .. بأن هذه المنشأت هي ملك للوطن

ليست للهلال أو المريخ ..

عندك حق والله

سلام ياطارق
زمان كان كل شي جميل والاخلاق كانت مقدمة علي العلم
علموا اولادكم علم تستبين به سبل الحياة وقبل العلم اخلاقا
اسه ياطارق لاعلم ولااخلاق ولاكورة كمان
فياخي ماتجيب لي روحك الضغط ساي وانت ماشي علي كبر
حماك الله مشاهدة الكور ة السودانية

طول ماعندنا كتاب رياضيين لا علاقه لهم بالرياضه
ما بنتقدم
كتاب والله مابعرفو كره الشراب مصصنوعه من بلاستيك ولا مطاط
هم في وادي والرياضه في وادي
كاتب بقول لجمهورو شفوووت عشان كسرو وبهدلو وعاسو في الارض فسادا
زي ده عاوز ترجي منو شنو
كاتب بقول زي ماعملتو نحن بنعمل
ده ياربي بطور ليهو رياضه في البلد دي
جرايد همها الهلالاب يشترو الجريده
جرايد همها المريخاب يشترو الجريده
بس
وزاره يقال انها للرياضه همها الوحيد انو الوزير يقرا الصحف الرياضيه كل صباح
بس
ماعندو غير كده
خلي كاتب واحد يكتب في السياسه
بكره يقولو ليك تحريض ومؤامره خارجيه وايقاف صحيفه ومصادرات
ممكن عادي تاني يايرجع يكتب
لكن في الرياضه
لااااااااااا
حرياااااااااااااااااااااااااااات علي الاخر
الحريه في الرياضه زي حريه الرسوم المسئيه
حريه راي كما يدعون
اللهم جنب البلد الفتن
ماظهر منها ومابطن

اعمل ب النصيحة

مع المعذره ولكن كل صحافتنا في الحضيض واميين عديل كده وانا جالست كثير من الصحفيين الرياضيين ديل ماعندهم درايه باي يكتب من فلان وعلان او الفريق الفلاني والله لايمتون للرياضه بصله

الأخ صديق الماحي

الأخ عادل خياري

الأخ حسن اسماعيل

الأخ مصطفى البلة

الأخ عزالدين حسن

لكم التحية ..

حقيقي السقوط الأخلاقي .. شىء لايشبهنا نحن كشعب متسامح

شعب اصيل وكريم ..

تربي وتشرب من إرث ثقافي عريق .. فيه من الموروثات الجميلة التى تحكي عن

فضائلنا وشيمنا الجميلة

ولكننا نحمل كامل المسئولية للأعلام الرياضي

أشكر لكم مروركم وأتمني أن ينصلح الحال

ليعود السودان الى سيرته الآولي .. نأمل ذلك ..