قريبي بعد تعب شديد اتحصلت ليهو علي وظيفة واليوم مفروض يقابل صاحب العمل عشان اوقع معاهو العقد
اتصلت عليهو قبل شوية وقلت ليهو تعال سريع عشان توقع العقد
والله كنت قايلو بهظر قال يا زول هوي القيامة يوم الجمعة العصر مؤكدة وانا اسع في طريقي لمكة ماش
اتشعبط في الكعبة لحدي يوم القيامة
اشتغل يومين والقيامة تقوم الفائدة شنو ؟ ماداير شغل
فرديت عليهو وقلت ليهو تاني كان خراك ( معذرة للحساسين والحساسات الجنا حرق روحي ) جاني مارق بسلك التلفون مابشوف ليك شغل تاني
فرد علي يا زول هو تاني بلاقيك وين ؟
وجااااااااااااااااااادي
.
.
.
.
علما بانه واقع في الانترنت جديد
كتبت هذا الموضوع بسودانيزاولاين وادناه الرابط لمتابعته
ولكن الموقع كما علمت بانه محجوب عن سودانا الحبيب فعذرا اعضاء وقراء الداخل
افجخ وواصل الحكي علما بانه الموضوع مكتوب يوم الثلاثاء 18 ديسمبر
[ندعوك للتسجيل في المنتدى أو التعريف بنفسك لمعاينة هذا الرابط]

سلام ودالبوش ياحبوبة ونسيني
على وزن انك وناس جدا وحكاي
سلام تربيع وتخميس كمان
اولا حمدا لله على سلامة تذكرك لينا باخ نحن محتاجين ليك بي هنا اكتر من غيرنا كن مواصلا لمدنا بمواضيعك خفيفة الظل عالية الدسم
نرجع لي موضوعك
اها القيامة ماقامت زولك عمل شنو على الشغل

اقتباس :

علما بانه الموضوع مكتوب يوم الثلاثاء 18 ديسمبر

عملت زي ناس السينما اول حاجة يعرضو الفيلم في السينما لمان يطلع حقو ويخلسو قروشهم حتى بعد كدة يفكوه لي ناس الفيديو وناس الفيديو يبيعوا فيه لمان يطلعوا حقهم للتعريفة حتى بعد كدة يفكوه لناس التلفزيون
اسه انت وديتو بي هناك السينما اول من يوم 18 وفعلا متابعين جاب حقو حتى جانا بي جاي
اها نحن ناس الفيديو ولا التلفزيون
مواضيعك شطة ماتغيب ياخ

ودالبوش سلام
صاحبة المفردة الفريدة
او ان صح التعبير علي السجية
دون تكلف تحيات كميات
خطرت لي نكتة
(يوم القيامة واحد شاف الناس جارين علي النار قبض واحد سالو
الناس دي مالا جاريا علي النار
قال ليو الجنة اتملت والنار قربت
والباقي مودنو السودان صاحبنا عض جلابتو وجري مع الناس)
اها قريبك دا اقطع لي تذكره
وقول ليهو ودوك السودان

عادل خياري يا صاحب سلام واحترام
أني اعلم تماما أن البلومك بدورك
ولتعلم عزيزي عادل أن احب البقاع الى قلبي الهدى مرتع الصبى
والكل يعلم ماذا يعني تراب الصبى .... والكل يعلم ماهي الهدى
واقولها ليك من جوة القلب الهدى دي انا ما بصاقع في حبها كلو كلو فدحين نوم قفا
المواضيع التي اجلبها هنا اعتقادي يختلف فيما تعتقد فمن هناك اعزل ليكم السمحة السمينة واخلي الجلافيت قبلا
شكرا عادل على الاطراء
واتمنى ان اكون بينكم دائما
تحياتي واحترامي الذي لا يغباك

عوض خياري يا حبيب
سلام واحترام
مفرداتنا العامية متعة حديسنا وأئ انجراف عنها يعتبر فلهمة عوراء
شكرا للاضافة
واتمنى ان يكون الرابط مقروءا
مع تحياتي

عوض خياري
عاين جاي
شفت ليك ( ود ) بتاء مربوطة .... عدل صاحبة المفردة لصاحبها يا صاحبي مع تحياتي

ناس السودان لو الرابط ما ظاهر ليكم خلوني اعتل الخفيف ومفيد

لك التحية والسلام الاستاذ عبد الله
فمرحبا بك وبتواصلك معنا

صاحبك دى دائر يجيب القيامة قبل علاماتها ولى شنو
المهم انا عندى ليهو شغل بنفع معاهو
فى الحرم هنالك مصلون يعطون راتب شهر لمن يحجز لهم مكان فى الصف الامامى عند كل الصلوات لانهم ياتون مع الزمن لانهم مقيدين بدوام حكومى براتب وقدره الف ريال -
دى اسلم وظيفة عشان ينتظر القيامة فى الحرم يكون ثلاثة عصافير بحجر -راتب - والقيامة - واجر ثواب الحرم -
ومدام انت داخل فى حلف رسل لى رقموا - او رقمى 0558821489

لك التحية الحبيب عبدالله ود البوشني

زمان الناس بتقول ليك .. الحساب يوم الحساب

وأن يوم القيامة يوم الجمعة العصر .. قديمة ومن زمان الناس بتقولها

غايتو زولك دا ضيع على نفسو فرصة عمل صعبة بلحيل في زمن

كل النطاقات فيهو حمراء

الله يعينو