غادر ارض الرياض الاخ محمد احمد الياس في رحلة عمل تستغرق اسبوعين تقريبا

الى هونغ كونغ
نتمنى الا نفتقدك في سرعة ايقاع االحياة هناك ونعلم مدى حرصك على متابعة المنتدى فواصل عزيزي من هناك
ومدنا باخبارك واخبار تلك البلد البعيده
رحلة عمل موفقه واجازه سعيده في نفس الوقت
حفظك الله في حلك وترحالك
ماتنسى جيب لي معاك معجون ابوورده

تمشى وتجى بالسلامة
جيب لى عادل المعجون ونحن دايرين الوردة

صحبتك السلامة
ورحلة سعيدة
وعودة حميدة
ودالامين

عودا حميدا

اخونا ود لياس
سلامي وتحياتي مرسله اليك عبر هذا البوست
في الحقيقه افتقدناك و( اتلفتنا نعاين ليك و نفتش لمشاركاتك ) لكن اهو الخبر طلع انك مشغول في دوامة العمل ربنا يوفق و ينجح المقاصد و يرجعك بسلامه

الحبيب ود الياس
سافر ففى الاسفار فوائد
الشوق بحر..
وليك وحشة...
اكيد ناس هونج كونج
بغنو ليك..
( نحن ما صدقنا انك بجلالك جيتننا زائر)
التحية فى هذا المقام لاستاذ الغناء..المعلم ابو اللمين

قلنا ماممكن تسافر
ونحنا راجنك بالمشاعر
بس تعال لينا باكر
ونرجاك بالازاهر
ربنا احفظك واسلمك
من المخاطر

تمشي وتجي بالسلامة وتلقانا في رجاك ومنتظرين جيتك وكان لقيتنا صيني يتبرع لينابي فصل فصلين للمدارس يكون كويس

ابوالطيب حبيبى ، انت مجموعة إنسان ، فيك روعات واشجان ،وحلاوة رفقة ،فكم انا سعيد بان تجد نفسى من يتذكرها ويدعو لها على ظهر الغيب،فلك مثله من الله ولك منى الشكر وطيب المنى

صديق الماحي كتب:

تمشى وتجى بالسلامة
جيب لى عادل المعجون ونحن دايرين الوردة

،

سلمك الله اباوحيد من كل البلاء ولك منى باقة ورد ،ولكن اين الظل والنهر،لنسعد بجلسة قرفصاء تبقى فى الذاكرة،لكم التحية وهيبات وجموع الصهاينة

محمد الامين عبد النبي كتب:

صحبتك السلامة
ورحلة سعيدة
وعودة حميدة
ودالامين

الحبيب ودالامين اشكر لك دعاء السعادة والعودة الحميدة ،املين ان نلتقيك فى ميدان المحبة ممطيا صهوة جواد الاصلاح فى مجتمع الهدى الرحيبة،تحياتى للوالد استاذ الاجيال ولكل الرفاق

ام ضحى كتب:

عودا حميدا

شكرا ليك ام ضحى ، ياترى هل لنا ان نحلم بالتجمع على فنجان قهوة فى ضل الضحى،بعد شتتتنا السنون،بين بلدان وعوالم،كما تجمعت الطير لابينا ابراهيم بعد كانت متفرقة بين الجبال

منتصر عيساوي كتب:

اخونا ود لياس
سلامي وتحياتي مرسله اليك عبر هذا البوست
في الحقيقه افتقدناك و( اتلفتنا نعاين ليك و نفتش لمشاركاتك ) لكن اهو الخبر طلع انك مشغول في دوامة العمل ربنا يوفق و ينجح المقاصد و يرجعك بسلامه

ولدنا منتصر لك كل الوفاء ،ونحمد الله اك موجود تصارع من اجل الاخرين فى صبر واناة ،كم نتوق لرؤياك فقد اخذتنا الحياة ولكنا قادمون ان شاء الله ،،،حتما سنعود

زيادة عبد الباقى كتب:

الحبيب ود الياس
سافر ففى الاسفار فوائد
الشوق بحر..
وليك وحشة...
اكيد ناس هونج كونج
بغنو ليك..
( نحن ما صدقنا انك بجلالك جيتننا زائر)
التحية فى هذا المقام لاستاذ الغناء..المعلم ابو اللمين

ابومحمد كم سعدت بتنسم عبيرك فى كل من ابوجا ون (الماسنجر) وابوجا تو(المنتدى) واتمنى ان تجمعنا الوحدة بعد الاستفتاء،صراحة تمنيت لو جمعتنا شوارع تلك البلاد البعيدة ،لننعم بما فى جعبتك بدون مؤثرات صوتية، ودون الحاجة لإضاءة وإخراج من أخونا فضل عبدالباقى ،تحياتى له ولكم جميعا ونلتقى على المحبة رغم البعد والاميال

عوض خيارى كتب:

قلنا ماممكن تسافر
ونحنا راجنك بالمشاعر
بس تعال لينا باكر
ونرجاك بالازاهر
ربنا احفظك واسلمك
من المخاطر

أبناء الرجل الخفيف الظل،الطيب الاصل والفرع على الصادق خيارى، الاخوان كباشى وعوض ،الذين ابت ارادة الله إلا ان تعلن انسجامنا معهم فى مصاهرة طاهرة ،انجبت ولا تزال فلذات اكباد لنا جميعا،لكم منى الشكر والامتنان على كلماتكم الطيبة ،فأنا اتمنى ان اراكم وانتم فى سعادة، وتحياتى عبركم للوالد والوالدة وجميع الاهل

الاخ ود الياس
ايها الرجل الاسطورة
حبابك وانت غايب وحبابك انت معانا
عودا حميدا

رشا الكنانـى كتب:

حمد الله على السلامة فا فى السفر فوائد جمة
وكيف اهلنا فى بلد الاختراعات والعقول المبدعة.

احتراماتى

الحمد لله الذى جمعنا بكم ،فى منبر الهدى الجميل ،ولك الشكر ايتها الحبيبة رشا ،املين ان تصحو العقول السودانية من غفوتها لتكشف الستار عن وجه السودان الوسيم

صلاح الشيخ كتب:

الاخ ود الياس
ايها الرجل الاسطورة
حبابك وانت غايب وحبابك انت معانا
عودا حميدا

اهلا بالحبيب صلاح الشيخ صاحب الطرفة البريئة ،سعادتى فى عودتى لقربكم ،وكله بدعائكم وارواحكم الجميلة ، لكم منى الشكر ووافر الاحترام

الرائع ودالياس نحمد الله الجابك لدارابناء الهدى طيب وشديد والله فقدناك وخلي بالك ماتغيب نحن بنعتبرك رب هذه الديار وابو الناس فيها تقرع الشاردة وترد الغايبة وتصالح ديل وتثبت ديلك وربنا انشاءالله يتقبل منك

سفرا سعيدا وزودك الله التقوى وسهل لك الطريق
وصحبتك السلامه اين ما توجهت