لاعضاء المحتفلون اليوم بعيد ميلادهم : ابراهيم حمدالتلب (31), الصادق عكاشه (40), المعز حمودة على (28), ايمان الهدى (35), بكري الطيب محمد الهادي (54), خالد ملك الدار (34), زهير بخيت (36), زيادة عبد الباقى (53), سراج الدين الفاضل (42), عبدالله حمد (33), عبدالله خالد حاج النور (25), محجوب محمد غانم (24), محمد برعي البشري (31), محمد خالد الامين (28), محمد صالح عبدالكريم على (43), مصعب عصام الدين محمد (25), موسى خالد (33)

[img][ندعوك للتسجيل في المنتدى أو التعريف بنفسك لمعاينة هذه الصورة][/img]



[ندعوك للتسجيل في المنتدى أو التعريف بنفسك لمعاينة هذه الصورة]

انت كم عشان ننقص شهر

الحبيب عادل
كل عام وانت بخير وطالع في جبل عرفه
ديل شهادات مزوره ولا اصليه وطبعا اي واحد بنقص كم سنه هههه

هههههههه والله انت فضيحه ياعادل

عادل خياري
سلامات ياخي
غريبة إسمي واسم ود الياس ما مكتوب
----------------------------------------------
في الثانوي العام كنت مصاحب ود المفتش
توطدت الصلات الطيبة حتى دخلت بطن البيت
واول مرة اشوف البلاط لكن ما عجبني للجدادة لمن تجي تبيض
طق البيضة بتنفقش وشلت هم لركضانا
ولما اوصلت لهم مخافي هذه عرفت انهم ما عندهم جدادة ولا كديسة ذاتو
شيل ودق شيل ودق الليام تمر واليوم داك عزمني لعيد ميلادو
شبعت شبعة لمن دايرة تبقى علي حكاية العنز البتاكل على حلاة اللسان لمن اشرطا العيش
ولما لم اجد سلوى كسرت ابريقى ودفقت على الثرى كأسي
وقلت كدي شلت معاي حاجات وحاجات كتيرة كدا عشان احندك بيها البحاحي ليهن رب العالمين
امي الله اديها العافية واطول عمرها جنها وجن حاجة غريبة تجي داخلة طوالي تخضعنا تحت التحقيق
دا شنو دا ... وجيبتو من وين .... ورروك وورك وفلتعوا وتركتو حتى يطمئن قلبها
وتعرف انه غسيل نضيف ومتفوف تف ... التف تف ... التف تف فوق ضهر ترعة نضيفة
بعد تعب شديد شرحت ليها حكاية عيد الميلاد وكيف الناس بتفرح بعيد ميلاد اولادا الا اتو يا يمة
اها اتيمنت وحلفت باسم ابوها بس ما كومت توبا فوق نص راسا
وحات ابوي ووحاتك ات اسوي ليك كرامة عيد ميلاد ناس الحلة والباجور اتكلموا بيها باقي نحن
في دندنة اللقيط ( يعني في عز موسم لقيط القطن ) ونص ناس الحلة في الباجور
عن طلق القطن اسوي ليك كرامة عيد الميلاد
هي يا يمة هوي عيد الميلاد مو كدي عيد الميلاد عندو يوم
انا ولدوني متين يا يمة ؟

فرفرت الوالدة ذاكرتا سريع وقالت لي ات مولود سنة التخديرة
وكان الوالد له الرحمة والمغفرة يدق ليهو في وتد في الوطا باقي حمارتنا الزرقا
كل يوم بتقلع الوتد ما ها عاقر وسمينة وفنطاطة جنس فنططة وعليها جنس دغالة
وجنها وجن الشفع الصغار طوالي تعصر الواحد علي الحيطا ويا ويلك لو كانت الحيطة
لياس جديد والزبالة خشنا الكرو لا اكل لا شرب لكن الجديد في الكرو سمح
ابوي ادق في الوتد دخل في الخط سنة تخديرة شنو يا فالحة سنة التخديرة انا كنت مع بت الصالح
وكان ما اخاف الكضب اقول ليك كنت مصافح بت خالي علي ود العيس
ات يا ود الفكي وكت ما متوكدالغلات ليك شنو والمرة دي كومت توبا في نص راسا ما جات سيرة البحر
الغريق عاد
.
.
اوووووووك ديل بتغلاتو في السنة
اكان كدي انسوي لي يوم وشهر براي اصلو السنة ما مستفيد منها حاجة
سوي الجبنة يا المبروكة انربط المسنوحة دي ما تعير واطريك يوم ولادتو ويوم سمايتو
سمح يا ود الفكي وهدي كمان جاتنا عمتي عشة بت مصطفى وبت ود الضريص بودعا
حبابكن والله حبابكن ادخلن لا جوة ... ودنقري يا بت مصطفى من العود المايل ما اشيل عينك
البخيتة بالله ......
اها اقعلي تاني آ المسنوحة ملتفتا الى حمارته الزرقاء ينظر اليها شظرا وترنما
.
.
وكت العيش بقى بالملوات يا اب آمنة حوبتك جاتك
لي لي لي .... ابوي وينو البعصر جناي ... ابوي وينو الليدو عطايا
ابوي وينو الجاتو العرايا ... هكذا جمل الجلسة راديو ام امدرمان
مغنيا خلف الله حمد ......
الرادي حجارو تسوي كحا بو ... من النوع ابو كديس
كدي يا بتول اختي ارمي ودعك وحمدينا
اها اذكرت عبدالله ولدي دا ولديهو قبل التخديرة بشوية في شان يوم ولادتو الرزقالة ( المشاية )
حقت الكنار كان يا دوب ختو حجارا وشفع الكنبو كل واحد ماسك ليهو حجرين اطقهن لمن اولعن شرارة
بالليل لمن حميرنا جفلن من الشرارة البتقوم في الضلما دي .... اها كلامي دا مو كلام توكيد
.
.
يا با ... عيد الميلاد مو كدي يا ابوي عيد الميلاد بدور اليوم والشهر
قسمت باسم ابوي يا ود الفكي ما قبل التخديرة بتذكري يا بت البوشني سنة البرجم الحارة ديك
المات فيها جدي عبدالمولى بعد شكلة ناس جبارة وود بترو في اللرض
القالوا فيها
ود بترو جبارة شترو
وكت شاف اللمة جاتو نسى عمتو ونعلاتو
بتذكرن اليوم داك آ حريم ؟
اها انا حامل بيهو في الشهر السابع ودخلت في التامن
وحبوبتي عشة بت مصطفى في عالم تاني تتر في كيفة خيطا وتترنم بترانيم تحتاج لترجمان
يمة هوي خليتو يوم عيد ميلادي بعزل لي يوم لكن الكرامة شنو ؟
الكرامة جدادة سمينة تغدي فكينا والفضلة تجينا
هوي يا فالحة ات ما عندك شغلة تقضيها الجنا دا قاليك العيد دا كل سنة وعندك تسعة جنيات
واسع ما شايف غير جدادتك الحمرا والتانية المبيضة في حور القصب والديك المزعمط دا
.
.
كان كدي يا جنا حرمان عليك بيت المفتش وكل البيوت البتعرف عيد الميلاد الله اقدرنا على جلابية
عيد رمضان المشختة ..... قوم ودي الدقيق دا الطاحونة ادوك الرواعية

هذا هو حال معظم جيلنا جيلي انا جيل التضحيات مجهول الميلاد
وشهادة الوفاة لا حاجة لنا بها فهنيئا لكم ابنائنا فقد سجلنا لكم على ظهر شهادة الميلاد بالدقيقة والثانية
بس ابقوا عشرة على المبادئ

يا ود خياري موية قمحك دي مما فتحتها ما جيت راجع ليها تاني
اها غرقت بالناكوس
عوافي

سلام من الآخر كدة
ودالبوش يافاكهة المنتدي ماتغيب علينا انت طلتك تدخل البهجة والسرور

اقتباس :

. غريبة إسمي واسم ود الياس ما مكتوب

بنجيب الهواا لي روحك مالك وقت الله مرقك يكون سنتكم دييييييييك الكمبيوتر ماقدر يتذكرها
في داعي لي جنس ده اسه
عمرك طلع أكبر من الكمبيوتر زاتو لمن ماقدر يعرفو ليك. هههههه

ود البوس يامستهبل الفصول كلها كانت بلاط
غايتو ودالمفتش ده إلا يكون عندهم سراميك او مزايكو
فعلا الزمن داك مابنعرفو
ياخي انت تضحك اي زول تسلم ويسلم قلمك المتبري منك ده

سلام ود الماحي

اقتباس :

. انت كم عشان ننقص شهر

صديق الماحي بطل سلبطة يازول شوف ناسك وكوس مقاسك
قال نقص شهر قال قول زيد خمسة سنة ممكن نجاملك نعفي ليك الباقي مابيناتنا

سلام محمد الطيب
تشكر علي المرور

اقتباس :

. وطبعا اي واحد بنقص كم سنه هههه

المقلب هنا ياشاب تقول ماشين عمرة شفت المشكلة طلعوا مطلوبين للخدمة الإلزامية

الحمد لله
اسمي ما ظهر