احبتي ماادخلته الانقاذ من لجان شعبيه
وماشاكلها يعتبر سرطان العصر انظروا مأسينا مع اللجان السرطانيه كنت في اللجنه الشعبيه لحي البان في فترة 1994 ومعي محمدبابكر المهدي وصلاح العبد وياسر يوسف وبعض الاخوة المهم كنا نوزع السكر في حي البان اذكر حينها في نادي حي البان والانسان المابجي ياخد السكر بنبيعه لمصلحة الحي وانتهت دورتنا وانا اصلا قنعت من حاجه اسمها لجان وبدأ تكوين جديده وكتبوا اللسته بالتراضي انا اصلا قنعت من لجان شعبيه بس كان عندي راي في ناس معينين واحتجيت في النادي ووقفوا مع نفرين فقط من الحي وأسمع نقاشهم وجهلهم في
اخوانا اثنين كانوا كل واحد في اللجنه القديمه ماسك شئ استثماري وأعني استثماري يعني سكر او وابور مياه وشوفوا التخلف دا اي
واحد بقول للثاني انا يافلان لو دخلت اللجنة
مابخد منك السكر او وابور المياه المهم
الورقة بتاعت اللجنة داخله علي المحلية وانا
كنت بحتج بشده اخونا بتاع السكر لانو ضمن
سكرو قال بالحرف الواحد امشي لاهلك فو
حي المستشفي دا ماحي اهلك وانا والدتي
واهلي مولودين في الهدي دي امة بتقدم
ليها بلد انسونا بلا لجنه بلازفت

سلام عزالدين

اقتباس :

ليها بلد انسونا بلا لجنه بلازفت

كيف تنسى الحي بتاعك وانت بتشهد بنفسك على الفساد
ولو انت نسيت اللجان فهو واقع لابد من وجودها عاملة او خاملة او غير امينة
لابد من وجود شباب امينين من الحي مجتهدين متطوعين في عمل الخير خدمة لاهلهم دون من او اذى لابد من وجود هؤلاء الشباب للمساعدة في قفل الثغرات التي ذكرت وتنبيه من تراخى عن الامانة في السر اولا وان تمادى فلابد من توضيح وتمليك الحقائق للعامة وهم اهل الحي الذين انتخبوه
ولكن ان تترك الحبل على القارب والجمل بما حمل فان الزفت سيتشري في الشوارع ولكن بكل اسف يزيدها وحلا
انتم منتخبون من اهل الحي هل هناك اجتماع شهري دوري بالقاعدة لتنويرهم بمدى عملكم من خلال هذه الاجتماعات ان وجدت يجب توضيح الحقائق لاهل الحي بان هناك من يبيع سكركم لمصلحته وهناك من يسرق الجاز وهناك من يزور في الاراضي
لكن اي حد يطلع يقول انا مالي
طيب مال منو

اخي عادل اشكرك علي المداخله القيمه بس نحن بنستهون الامور تشتكي لمنو ديل اصلا ناس ضمائرهم انتهت قانون مافي افضل شئ تاخذ حقك بايدك وبس لانو اصلا لجان مايفقهوا ماذا تعني كلمة لجنة شعبية ولايعرفون الدستور الذي يخص اللجنة بعدين هي اصلا أصبحت شبهة زي رجل الشرطة في السودان مابالك في الهدي ناس يقبضوا انسان ومسؤل كبير بيسرق في ادوات الكهرباء من مخزن في الهدي ويتركوه والله لو كنت موجود اضربوا ضرب وخلي يعدموني الكيزان بعد داك يااخي الماسي كثيره ربنا يعين بس