الفنانة المصرية نادية مصطفي كسرت الدنيا باغنيتها سلامات سلامات ياحبيبنا يابلديات كان هذا في منتصف الثمانينات ومازالت ترن وتعزف أوتار الحنين الي البلد
ح أحاول انزلها من النت ان وجدت الي ذلك سبيلا
أغنية معبرة عن حال كثير منا
ان لقيت في الغربة المال فين ح نلقي راحة البال
يابن بلدي صدق من قال مافي شيء عننا يغنيك
الآن بعد كل هذه السنين راحة البال تتمثل في توريث
حب الوطن للأبناء
نعم يواجه المغترب مشكلة كبيرة في هذه الناحية
لاتوجد عاطفة تربط جيل الخارج بالوطن والمصيبة
في الارتباط الأسري عمة الطفل جدو خالو وما تقول لي
أخو أبوك ود خالتو طبعا دي زي الفزورة بالنسبة ليه
أكيد بيعرف الأسرة من الدرجة الأولي واحتمال جزء من نوع صلة القرابة
من الدرجة التانية
ولكن هل يحسهم وجدانيا
دي واحدة بس من عدم راحة البال
ربنا يستر

تحياتي اخونا عادل لا لمينا في المال ولاراحة البال اها رايك شنو

شكرا اخونا عزالدين للمرور
وهاك رابط الاغنية

الحبوب عادل خياري
لا لمين في المال ولا راحه البال
نحمد الله علي القسمه المقسومه لينا وربنا يعطينا كلنا الصحه والعافيه
اهلنا العرب بقولو كان سلم العود اللحم بعود

وكان لقينا الكهرباء النت يتعكس علينا
مصيبه هههههههه

التحية ياحبيبنا عادل
الغربة اقصى نضــال .. ياعادل .. ونلوم أنفسنا لتقصيرنا ..
وأطفال الغربة ياعادل مظلومين واصبحوا مشوهين
مابين حقيقة الإنتماء الى الوطن والوطن البديل
وقطعا الناس مفروض تكون مربوطة بجذورها عبر الإجازات
حتي يتعرف الأولاد على الأصول والفروع والجذور من الأهل
وكمان يتعرف أكثر على الموروثات .. بدل مايعملو ليهو إمتحان ثقافة سودانية عند الإلتحاق بالجامعة
ويقوم يرسب في هذه المادة ..
معاناة كبيرة ياعادل .. وبقت مشربكة خالص
والمشكلة لا لقينا المال ولا راحة بال
ومسلسل كدح مستمر ومامعروف نهايتو شنو

لو لقيت فى العربة المال حا اخمو وجرى لى راحة البال فى الوطن
كدى بس النلم فى المال وما تقلقوا على فى موضوع راحة البال دة حا اظبطوا ليكم

عزالدين حسن محمد كتب:

تحياتي اخونا عادل لا لمينا في المال ولاراحة البال اها رايك شنو

سلامات عزالدين ياحبيبنا يابلديات
ده الجنن عبدالقادر
ربك يستر ويرجعنا سالمين غانمين
قول يالطيف

سلام حبيبنا محمد الطيب
تشكر على المرور وهناك الله على حمده

اقتباس :

نحمد الله علي القسمه المقسومه لينا وربنا يعطينا كلنا الصحه والعافيه

امين يارب الصحة للجميع

محمد الطيب ابراهيم كتب:

وكان لقينا الكهرباء النت يتعكس علينا
مصيبه هههههههه

يادكتور ده تهرب من الاسكايب ولا شنو
عايزنك افتح طاقة تواصل

اقتباس :

يادكتور ده تهرب من الاسكايب ولا شنو
عايزنك افتح طاقة تواصل

____________________________________________

سلام يا حبوب والله ما تهرب مشاغل الدنيا تجبرني اخالف وعدي واتلوم
كان بمننا نصل لي عندكم في اميريكا ونسلم ونرجع. في تريقه هههههه

سلام ودالمامون رد الله غربة الجميع سالمين غانمين
وطبعا كلامك ناتج عن تجربة معاشة من الواقع بحكم الخبرة والمعايشة مع الاقدمين غربة
لذا كلامك على العين والراس

اقتباس :

وقطعا الناس مفروض تكون مربوطة بجذورها عبر الإجازات
حتي يتعرف الأولاد على الأصول والفروع والجذور من الأهل
وكمان يتعرف أكثر على الموروثات

اجازات ويييييييييييييييين ياطارق في السخانة دي
والله عندنا اسعار تذاكر قول يالطيف وكمان عيلة دي تجيب ليها اجلاس لمدرسة الصفاء كلها وماتخلي طالب قاعد في الواطة بختكم انتو قطعة بحر يس تفطر في جدة وتتغدى في الهدى
ومامحتاجين شديد للمعرفة البلد عربية مسلمة متشددة حافظين دين زي العجب
ياخ نحن عندنا اولاد تحفظهم الفاتحة ينسوا ليكم اهلهم تحفظهم اهلهم ينسوا ليك بنبر معناها شنو وهكذا
نحن العايشين غربة حقيقة غربة وطن واهل ولغة ودين
ربنا يحفظظ بس

سلام ياحبييب

اقتباس :

نصل لي عندكم في اميريكا ونسلم ونرجع

اصدقك في الاولى( نسلم)
والتانية مااظنها ( نرجع)

صديق الماحي كتب:

لو لقيت فى العربة المال حا اخمو وجرى لى راحة البال فى الوطن
كدى بس النلم فى المال وما تقلقوا على فى موضوع راحة البال دة حا اظبطوا ليكم

سلام ودالماحي
تسلم على المرور
المشكلة المال العايز تلمو ده ماعندو رقم محدد عشان كدة اي مال تقول لسه والعين متيملاها الا التراب
فتش لي راحة البال بس كان لقيت طريقة

الاخ عادل الله يكون في عونك
كتر ليهم من مشاهدت قنوات السودان عشان ما ينسوا شكل السودانيين.
و بعدين حكاية الاهل دي لو ما عاشوا في وسطهم ما ح يحسوا بطبيعة العلاقة
عندي واحد من اولادي لما مشينا السودان كان تعليقه ان الخرطوم دي كلها سودانيين( طبعاً في السعودية بشوف اجناس مختلفة)