فلنفترض انه تم اختيارك رئيس جمهورية
السودان او نائبا للرئيس او وزير او والي
وابوك او امك قال ليك لو ماتركت الوظيفه
دي انا ماعافي منك بتعمل شنو وأدونا
رايكم بصراحة وبعد داك انا عندي رأي

اولاً اذا توليت اياً من المناصب او كنت مسئولاً او موكل اليك اي عمل وظيفي براتب او بدونه فهذه امانة صعبت علي الجبال والسموات والارض تحملها هذا الإنسان لضعفه وجهله فصعب علي الإنسان ان يتحمل امانة دولة كاملة ، دعك عن رئيس او وزير فانظر ما يدور حولك بقطاع الهدى ماهو دور رئيس الوحدة الإدارية ؟ هل قام به ام لا ؟ ماهو دور رؤساء اللجان الشعبية هل قاموا به ام لا؟ ما هو دور موجهي ومشرفي التعليم بالقطاع قاموا به ام لا ؟ اذا منعي ابي او امي من تولي اي منصب وان علي علم ومقدرة بان اعدل ساحاول إقناعهم بانني علي قدر المسئولية وساقدم الخير للناس بكل ما استطيع فإن رفضوا تركته ،، لانه لابد من طاعة الوالدين ؟

لك التحية اخي متوكل وكفيت ووفيت واتمني ان تواصل ولاأسكت الله لك حسا ياغالي نعم نحاول اقناع الوالدين باللين وان صعب علينا فلنكسب رضاهم اهم وبرضاهم نكسب رضا رب العالمين ونكون موفقين في دنيانا وأخرتنا

سلام اخونا عزالدين
اولا والله رئيس دي مسؤليتها كبيرة جدا
وقال سيدنا عمر لو عثرت بغلة في العراق لسألني الله لِمَ لَم تسوي لها الطريق
وعندنا طريق اسمو عديل طريق الموت مش عترة بغلة موت بشر باستمرار امشي اقول لله شنو قياسا على بغلة عترت
خليك من خيانة من كبار المسؤلين والموظفين الانا مسؤل منهم بحكم انا مسؤل من الدولة
لكن لو بقيت اجيب كل الوزراء واقول ليهم انتو مسؤلين من اي تقصير او ظلم لمواطن لانكم كل حسب وزوارته مفروض تكونوا متابعين
ياوزير الصحة مسؤل امام الله من حال المستشفيات والعاملين بها وتوفير الحد الادنى من الاحتياجات الطبية ومكافحة الامراض
وانت ياوزير الري مسؤل من اي مواطن مزارع عِطش الزرع بتاعو
وكذلك كل وزير اديه امانة يتحملهاعشاان ما اخد ذنب العباد دي براي
وبرجع ليك الجماعه نادوني للغداء

لك التحية اخي عادل نحن وين من زمن سيدنا عمر وين مع ناس بحلفوا بالله انو بترول الجنوب مايمر بالسودان ثاني والان شكلو كده بمر سيدنا ابوبكر كان كل يوم يخرج من داره لينظف ويجهز الاكل لامراءة عمياء ومقعده لها ولابنائها وحينما علم به سيدنا عمر قال قولته المشهورة (أتعبت الخلفاء من بعدك ياابابكر ) هذا ابوبكر خليفة رسول الله صلي الله عليه وسلم والصديق هل يفعلها قادتنا؟

رضي الوالدين ثم رضي الوالدين
الرئاسه في البيت اديناها المدام

عز الدين يا خوى فى فهم خاطئ جدا لموضوع المناصب نحن بعيدين جدا من الفهم الصحيح للمنصب لو مؤهلاتك وصلتك لمنصب فى الدولة مهما كبر او صغر هذا المنصب فانت محكوم بتنفيذ القوانين وماف حاجة عايزة منك جهد كبير طول ما انت بتنفذ فى القوانيين وما بتخترع حزعبلات من راسك تودى الدولة فى 60 داهية
فى حاجة اسمها الدستور الذى وافق عليه الشعب هو الذى يسيير البلاد والمطلوب من كل الناس وضع هذا الدستور والقانون نصب أعينهم
فى رائى لو اى زول فى اى منصب احتكم الى دستور البلد ونفذه بحذافيره لن يكون المنصب يشغل بال احد
بعدين فى سبيل الوطن يهون عليك امك وابوك ولأولادك كمان مافى حاجة اسمها عافي منك ولا رضيان عليك

ودالطيب سلامات قلت لي قنعتو من خيرا فيها أحسن برضو

اخي صديق تحياتي اختلف معك وبشدة كيف مافي عافي منك ورضيان عليك يااخي والله نطيعهم في اي شئ الا معصية الله بعدين يااخي رضاهم في رضا الرب الا نكون قد تناسينا انهم والدينا مافي كلام زي دا يااخي نحن بدعواتهم موفقين في كل شئ

تحياتي اخي صديق وين الدستور دا مافي دستور ولاشفنا دستور شوف مصر والسودان وليبيا وتونس واليمن والعراق ومالي وكثير من الدول تعاني ماتعاني لو اصلا في دستور او قانون او اي مسميات ثانيه البحصل دا كان بكون موجود يااخي دي امانه ورفضتها السموات والارض والجبال وتحملناها نحن لماذا لاننا لانعرف قيمتها وجهلنا بها اخي المراير كثيره واقرب ليك مثال ناس لجنتك الشعبية ديل بتناشد فيهم الزمن دا كلو في حد قال ليك بغم

يااااااااااااصديق
بغم
ههههههه

اول قرار اتخذه
اقدم استقالتي
ثم بعد ذلك
اتي لاصافح
امي وابي
الرئاسة
في ستين
والوزارة
في سبعين
ههههه
هههههههه

لك التحية اخي مضوي ودا الكلام الصاح احييك ياغالي

يا زول ها في زول بتمني اكون ريس الزمن ده
ولا برشح نفسي ذاته للرأسه اكان انا في النوم حلمت حاابقي ريس اقدم استقالتي قبل ما اصحي
واقول دي احلام شريره
تعوذ بالله حمانا الله

يامبارك تحياتي لك يازول بطل جرسه

يا عز الدين الوطن أكبر من اى ام واى اب
فى سبيل الوطن تضحى بى امك وابوك وكل الدنيا الوطن الوطن
لو ابوك مثلا كان رئيس دولة وفاسد وقال ليك لو ما فسدت ماعافى منك تبقى فاسد عشان ترضيه .. لا طاعة لمخلوق فى معصية الخالق ..
انت الوطن محتاح ليك وسمعت كلام امك عصيت الخالق على طول وبدون فلسفة اى نعم هى خائفة عليك ومن حقها تقول هذا الكلام ولكن ربنا أختصاك بهذا المنصب لتنفيذ ما أمر الله به فكيف تخالف لاوامر الله لمخلوق هو امك .. كلام فارغ .. الوطن الوطن أغلى من اى شى وتضحى من اجله بالنفيس والعالى حتى والديك
فى دستور انت بس ما قريتو
وفى قانون احتمال لم تسمع به
دى مشكلتك يا عز الدين وماليها دخل فى الموضوع

اخي صديق كلامك انا لااطيع والدي في معصية الخالق لكن اقول الام والاب اغلي من الوطن ورضاهم هم رضا للرب ومعصيتهم في معصية الخالق انت اثبت لي كلامك دا جبتو من وين ودليلك شنو يااخي لااطيعهم في معصية ربي صاح بس طاعتهم واجبه وحق عليك تاكد حقا وناقش ولاتاخذك الهاشميه ساي وكلامك انت الفلسفه نفسها لانو بر الوالدين اهم من اي شئ وبطاعتهم اصبحت انت البار بعدين ياخوي منو القال ليك الوطن اهم من الوالدين ودا الكلام الفارغ نفسو وجهاد الوالدين اهم من الوطن تريث اخي واختلاف الراي لايفسد للود قضية

وانت بتضحك علي نفسك وين الدستور البتكلم عنو دا اصلا مافي انسان بعمل بيهو ووين القانون البتسمع بيهو دا اذا سرق فيهم الشريف تركوه واذا سرق الضعيف اقاموا عليه الحد يااخي انسانا بلاهي لادستور ولاقانون

لا تعليق طبعا

اقتباس :

ودالطيب سلامات قلت لي قنعتو من خيرا فيها أحسن برضو

____________________________________________

سلام عزالدين
والله كابتن فريق ما داير

أحسن شئ وتريح نفسك