بقينا ملطشة برة وجوة
سائق عربية الاداري بالسفارة يوزع المخدرات بعربية السفارة
الناس الشغالين باسم السودان ديل مابعملوا اي معاينات وفحوصات من كلو امانة واخلاق وتعامل وحسن سير وسلوك
قبض في كمين للشرطة وحاول الهروب ولكن تمكنت الشرطة المصرية من القبض عليه
وشوف رد السفارة
ذكرت سفارة السودان بالقاهرة أن السائق وليد سر الختم الذى ذكرت بعض وسائل الإعلام فى مصر أنه تم ضبطه وبحوزته لفافة مخدرات غير مقيد ضمن طاقم السائقين العاملين بالسفارة.

وأشارت السفارة - فى بيان صحفى يوم الثلاثاء - إلى أن هذا السائق متعاقد بصفة شخصية مع موظف إداري بالسفارة لمدة شهرين بغرض توصيل أبنائه إلى مدارسهم، ولم تتوفر للموظف الإداري بالسفارة أي أدلة على تعاطي هذا السائق للمخدرات قبل التعاقد معه.

وأفاد البيان بأن السيارة التى يعمل عليها السائق المذكور للاستخدام الشخصي للموظف الإداري وليست للاستخدام الرسمي للسفارة، وإجراءات الإفراج عنها والإجراءات القانونية تجاه السائق جارية وفقا لما نسب إليه من حيازته المخدرات بغرض الاستخدام الشخصي دون أدنى مسئولية للسفارة، خاصة أنها ضبطت بحوزته خارج السيارة.

وأكدت السفارة، فى بيانها، انضباط جميع موظفيها ومراعاتهم واحترامهم جميع القوانين المحلية والتزامهم التام بها.

يعني حتى لو كان موظف في السفارة برضو ح ينكروا لأن الشينة منكورة ( ودقي يا مزيقة )

الله المستعان على مايصفون .. ياااا ودخيارى اين يكون الخيار هذه قمة الكوارث كونها تكون من السفاره حيث الواجهه ومراية الوطن للاخرين فاذا كان هذا الراعى فماذا بالرعيه .

ان كان ماكتب صدقا فيا ساعى وين الراعى وخربانة من كبارها

كمال دفع الله محمد كتب:

يعني حتى لو كان موظف في السفارة برضو ح ينكروا لأن الشينة منكورة ( ودقي يا مزيقة )

سلام ياحبيب كمال
المزيكا دقت لمن قدوا الدلوكة زاتو بس منو البسمع
الله يكون في العون بس

تحياتي ابوالطيب بس يااخوي كان بشوفوا الموظف المشغل السائق دا اكيد ياما تحت السواهي دواهي ويكفي عبدالرحمن سر الختم كان سفير في مصر يعني خربانه من كبارها وحتي اثيوبيا رفضتو

الله يستر من ال..... يكون بتعاطوها

غايتو الخبر العندي قالو هي عربيه السفاره ذااااتا والسواق مؤجرا لزول تاني ببيع بيها المخدرات ولمن قبضوهو لقو عندو مخدرات ومبلغ من المال نتيجه بيعه لجزء من الكان معاهو

والله هذا البلد الطيب السودان
لايستاهل مثل هذا الهوان وهذه الملطشة
لطخوا سمعة هذا البلد الطيب وعن طريق سفارته وهي الممثل الشرعي والرسمي
للسودان .. والله فعلا إنه زمن المهازل
ولانقول غير حسبنا الله ونعم الوكيل

الحمد لله بقينا نصدر.............. الله اكبر ولله الحمد