قد يكون اسرع كوبرى تم تشييده فى العالم وذلك لحرص الشركة المنفذة والجهة المالكة لتقديم خدمة سريعة ومريحة

ومعبر آمن للمواطنين ..

وهو كوبرى فولازى روعى فى تصميمة الخفة والمتانة وسهولة التشغيل والمقاومة العالية لقوى القص وعزوم الانحناء حال التحميل

وقد تجلت فيه عبقرية الصناعة .. وهو مصنوع اصلا لمن يمشى على رجلين !! وليس لاصحاب الاربع فيه نصيب !!

وهو يربط بين منطقتين ليس بينهما رابط سواه .. القسم و حى النور !!

والذى شيده ذالكم العبقرى الماهر محمد حمد ؟؟ والذى يلقب بالرقع !!

ظريف وطريف من ظرفاء المدينة تجده هاشا باشا لا يتسرب اليه الزعل ابدا وقد حظى بحب كل اهل الهدى ..

اين ما ذهب تسيره جماعات الاطفال فى هتاف تكتمل هارمونيتة بايقاع الطبول الصاخب

تل تل تل ........ الرقع .... تل تل تل ......... الرقع .... دل دل دل .........الرقع .... دل دل دل ............الرقع !!

والكوبرى تحتاج لان تكون ملما بنظرية التوازن حتى تسير فية لان من شيمتة الاهتزاز طيلة فترة العبور!!

ومن عجائبة ان ليس بة مجال للركشات .. ليس امتثالا لقانون المرور وكن ازعانا لقانون الرقع !!

ومن غرائبه ايضا ان من بناه لا يستطيع عبوره !!

واجمل ما قيل عن صاحب الكوبرى .. شعر احدى الحسان

لا قيتو فى المصنع وبالجزمة يترفع ××× قايلاهو حبيب روحى لقيتو دا الرقع !!

وووووووب على انا

ايه ياود الابداع ده
عايزين نموت من الضحك
براحة علي اعمامك

عمو صلاح تحياتى

وانت فى الهدى بالله ادى الكوبرى نظرة وحيى معاك الرقع !!

بالله وين ود الشريف ؟؟

قول ليهو خلاص اظهر راجى كشح الجماعة و قفل الموسم خلاص

تحيه طيبه ليك يا أخ وليد ولجميع الاخوان وللخاله

بالنسبة لكبرى الرقع كل البعرفو انو قصر المسافة للمزارعين العندهم حواشات بدل من اقطعو مسافة كيلو عشان اوصلو لكبرى ودالفيل .
بس انت بتعرف عنو شنو

شكرا محمد خالد على المرور

كبرى الرقع وكبرى ود الفيل

وجهان لترعتان اثنان

وفعلا انشئا لاغراض الربط بين المزارعين و قصر المسافة الطويلة

لكن كوبرى الرقع يحمل دلائل ذات خصوصية

الف شكر للاخ الرقع وليك ياأخ وليد
الرقع ماقصر انجز وترك تاريخ وساعد بعض الاشخاص
والقصد في البدايه اقول ليك انو الرقع ساعد سكان الهدى وارجو ان يثبتوه ليه ومايفسرو بطريقة خاطئة

لك الشكر محمد

ولا يسعى لإثبات الفضل لا صحابه الا اؤلى الفضل امثالك .. والرقع يستحق التحية

وهو يسعى مرحا بين الناس وتواصلا يعجز عنه الاقربين ومرؤة نادرة

فله منا كل تقدير واحترام

تســــــــــــــــــــــــلم

وانت كـذلك يا معـــــــــــــــــــــــــز حموده

احتفائية كبري الرقع
ياريت الواحد اعرف تاريخ
انشاء هذا الكبري الهام
الذي يعد معلم من معالم الهدي

التحية للرقع (محمد حمد) واجمل التحايا حقا للمبدع دوما وفي كل المجالات اخونا وليد التلب ...الذي جعل الكبري ينتزع من الكل الضحكات ... اخي عوض الله _طارق_محمد طيب _رايكم شنو نسجل وليد في الموج الازرق في التكميلية ويا حسن اسماعيل الحقنا بي هههههههههههههههه

عوض خيارى كتب:

احتفائية كبري الرقع
ياريت الواحد اعرف تاريخ
انشاء هذا الكبري الهام
الذي يعد معلم من معالم الهدي

فعلا هو معلم بارز واثرى وتاريخ تشييده يرجع للعام 2002 م ابان فترة كأس العلم بكوريا واليابان !! والله اعلم
وياريت يا عوض تذهب للمصدر والذى هو على بعد شبح شبحين من المزرعة إياها وتؤكد لينا المعلومة

مضوي عبدالرحمن كتب:

... اخي عوض الله _طارق_محمد طيب _رايكم شنو نسجل وليد في الموج الازرق في التكميلية ويا حسن اسماعيل الحقنا بي هههههههههههههههه

يا مضوى اشكرك جدا على دعوة الانضمام للموج الازرق ،،،، لكن معليش ( داير أقرأ )........!!

ولئن غاب حسن فإرثه فينا باق ههههههههههههههههههههههه

وليد طبعا لميت ليك في الرقع
وقريت ليو كلامك دا وهو مبسوط
وبشكرك
وغايتو ضحك جنس ضحك٠

انت الرقع الكلمة دي
كان بدلنا الراء محل القاف والقاف محل الراء بتبقي شنو٠

ببقى ؟؟ ببقى ؟؟ ببقى ؟؟
طمـــــــاطـم

الاخ الباشمهندس
صاحب الكبري له موقف طريف وهو قادم من مدني واوقف الحافله جنب الكبري وفوجيَ بالترعه ممتلئه بالماء فاحتار يعمل شنو وبعد تفكير عميق توكاء علي يديه والرجلين داخل الماء حتي وصل الجانب الاخر والبنطلون ملئ بالماء وما كان من صاحبنا الا كثره الضحك

محمد طيب ليتك طيب

التسجيل ساهل لكن الكلام الجاز !!

ونخشى على سيد ( اللبن) من التحول لسيد (القرع ) ويغلبو حتى عبور كوبرى الرقع ......!!
ههههههههههه

يا وليد صباحك ورد وقرع
اسمع قبل الكيرى بحكى على ود
فكى عيسى اللة يرحمه قال لى
جابن من قدام ومعاى فكى سليمان
وكانوا متقلين شوية فكى سليمان قال
لعلى الكبرى بعيد نفطع بالترعة لكن يا
فكى النرعة مكحلة : قاليه ماتخاف نحنا
بنمشى فوق سطح الموية :
على قال انا حسب طشمتى قلت الزول دا فكى
امكن يعملا لكن انا امسك فى رقبته لو طار
اطير معاه ولو غطس افكو :
ونا قلتلبهو وبعدين ؟
قال لى والله غطس لى اضنيو::::

ياود الشيخ سلامات

وطبعا على عيسى (له الرحمة) صاحب حكاوى وطرائف كتيرة

وفكى سليمان ( الله يرحمه ) له فتواه الخاصة فى ذلك ,, الترعة مكحلة وداير يقطعها؟؟

والله بالغ !!

وعلى عيسى بعد شاف الفكى والموية لي اضنينو , , , ما فكت منو ؟؟

وليد التلب كتب:

لا قيتو فى المصنع وبالجزمة يترفع ××× قايلاهو حبيب روحى لقيتو دا الرقع !!

وووووووب على انا

الصفقه تعبانه

هيييييي يا الســـــــــــــر !!

حمدالله على السلامة ,, وينك يا سيد الركشة ؟؟ خلاص فتحوا ليكم الكوبرى ؟؟
جيت بى كوبرى الرقع ؟؟
من اول جيه ليك بالركشة تانى ما جيت المنتدى ,, مشاويرك كترت ولا شنو ؟؟

الصفقة طبعا بحرروها أهلها ( ناس القسم ) !!

وليد التلب كتب:

محمد طيب ليتك طيب

التسجيل ساهل لكن الكلام الجاز !!

ونخشى على سيد ( اللبن) من التحول لسيد (القرع ) ويغلبو حتى عبور كوبرى الرقع ......!!
ههههههههههه

-------------------------------------------------------------------------------------------------------
الاخ وليد
خايفين نسجلك لكن تبقي لينا زي الجابوهو بالطياره واعارو بالخساره والتكميليه قربت اعمل حسابك

نحن يا محمد طيب

جبنا واعرنا لكن الكلام خوازيقكم الماتت ليكم فى يدكم ,,

الطريقة التخارجكم منهم ساى غلبتكم ....!! ,,,,, والاعارة دى سااااااى ما لقيتو ليها درب

مؤخر الصداق ما حاااااااااااااار !!

يا حليل الارباب عديل الوالى !!

قلت لى علاء الدين شلاليت ماشى البرازيل ؟؟

والله إلا يشيل ليهو كدنكة ويشتغل فى مزارع البن ...... !!

ياسلام يا وليد التلب والله حركت فينا زكريات جميلة عن الرقع وكبريه الجميل الرقع كان فى ادارة نادى الرابطة بتاع حى البان وكان لاعب مع الاتحاد خسرنا 3صفر وبعد نهاية المباراة ما لقينا حاجة نقولا للرقع الا وسيرناهو الرابطة حلاتا اخدت تلاتة

الرقع يا مصطفى من الظرفاء الذين يجدر الاحتفاء بهم
ومرة عمل فيها رئيس اتحاد المعوقين والعمال
وشايل ورقو وحايم ,, لاقانى فى السوق,, قال لى : دايرك تعمل لى خرطة تكون دار للاتحاد
قلت ليهو جدا ,, بس اهم حاجة تجيب شهادة البحث بتاعة القطعة ,, قال لى القطعة جاهزة وهى فى فسحة حى البان غرب جامع البدرى !!
ساق معاهو جماعة ومشى يمتر فى الواطة ,, وصادفهم عمك البدرى
دا شنو يا الرقع ؟؟ ,, قال : دى دار الاتحاد ياعم البدرى ,, أدونا ليها .. !!
عمك جاب عكازو وسكاهم ,, لى يوم الليلة ما جاب سيرتها
ههههههههههههههههههههههههههههههههههههههههههههههههههههههههههه

تسلم ياصفوة
على الموضوع الجميل
سهل الطريق بين الهدى
وحي النور وحي الصفاء

\ مهند برضو ولدنا\

تسلم الاخ وليد علي المواضيع النيرة والجذابه البتخلي الاعضاء تظهر وتقول حكاويها الجميله

الاخ وليد التلب صدقنى انا اول مرة اترقع فى كبرى المنتدى الجميل بوجودكم احبتى يا وليدانت ناس الاستا ذ مضوى والخال محمد طيب قالو دايرين يحولوك الى سيد لبن دااااااااااا كلااااااااااام ويييييييييييييييييييين بعدكم

وليد التلب اين انت يا حبيب
وقعت من الكبرى ؟

صديق الماحي كتب:

وليد التلب اين انت يا حبيب
وقعت من الكبرى ؟

هههه هه ههههههههههههههههههههه
كوبري الدمازين

كبري الرقع ياوليد_ دامفروض يسجل في كتاب جينيس للأرقام القياسيه حسب المواصفات التي سردتها_أضف لزلك إمكانيه عبور أصحاب الدراجات الهوائيه _بشرط أن تحمل علي الكتف ويكون الجركس محازي الساق_ دايره حرفنه شويه لكن المضطر بركب كبري الرقع_
إقترحت علي الرقع أن نبحث عن شركات راعيه لتطويره لمعبر الرقع السياحي (مارفح) _يكون جسر طائر كدا _وماعلي الرقع الإ يضع كرسي ويخلص من العابرين بإستخدام زر يقفل الجسر في حالة عدم الدفع_
رحب بالفكره ومنتظرك تحول ليه الخرطه من دار إتحاد لجسر طائر بدورو يقدما للجهات الراعيه_
المحيرني ماالكبري الرقع دا كفيلو منو في البلد دي_


والله إشتقنا لقفشاتك ياريس _الدبازيق دي حقة ناس علي دبازيق؟

يااااااااااااااااااااااااااااا وليد تعال
بالكوبري تعال بالشرمة
المهم تجي

مضوي عبدالرحمن كتب:

يااااااااااااااااااااااااااااا وليد تعال
بالكوبري تعال بالشرمة
المهم تجي

هههههههههههههههههههههههههههه

سلامات يامضوى

الكبرى مقفول للصيانة .. والرقع يمنع العبور بدون رقعة .. !!

ولو جينا بالاسكيف .. فى غنم كتاااااااااار قافلات الشارع حقات منو ماعارفهن .. !!

اخير لينا شرمتنا ..

وليد الكبرى تاريخ والبوست دا ذاتو تاريخ جميل
انا قريتو وكانى اول اقراه

عوض خيارى كتب:

وليد الكبرى تاريخ والبوست دا ذاتو تاريخ جميل
انا قريتو وكانى اول اقراه

نعم ياعوض نحن ننبش فى تاريخ قديم .. !!

طبعاً اخوك طول الغيبة شوية  .. !!

عشان نسدد البوست لازم نرد على كل الاخوة الذى مروا من هنا .. !!

موسى علي بخيت كتب:

 تسلم ياصفوة
  على الموضوع الجميل
   سهل الطريق بين الهدى
    وحي النور وحي الصفاء

موسى على بخيت سلامات وتحايا ..

جميل انت يا موسى .. وكل اهلنا بحى النور .. !!

جاينك جهز اللقيمات .. !!

tagwa elmahi كتب:

وليد التلب كتب:

الصفقة  طبعا بحرروها  أهلها  ( ناس القسم ) !!

تسلمو جميع اهل الهدى

واحنا ناس القسم لو قلنا نصفق ...اكيد الصفقه للكل  بدايه من الرقع ... وكاتب الموضوع... ...الى اخر عضو شرفنا بمروره ع الموضوع

ويا الرقع
  ومد في عمرك

وللاخ وليد

 

نعم نعم يا تقوى الصفقة بحرروها اهلها .. !!

ونحيى اهل الصفقة  من القسم لااااا  عند اللعوتة .. !! ونصفق ليك انتى ولمواضيعك المميزة والجملية .. !!

مشيتى وييييييين .. ؟؟  العنى ابليس وتعالى راجعة .. !! سمح .. ؟؟

عثمان ابوعلامة كتب:

تسلم الاخ وليد علي المواضيع النيرة والجذابه البتخلي الاعضاء تظهر وتقول حكاويها الجميله

ابوعلامة عثمـــــــــــــــــــــــــــــــــــــــــــــــــــــــــان
سلامات يا شاب .. اشكرك على المرور .. اظهر اظهر ..