رحبوا معى بكل الود والترحاب بالاخ عبدالله ود البوشنى ، الذى ملات اسهاماته الافاق وحان نصيب الهدى ،اهلا وسهلا ودايرين نشوفك بالوش الفى المخلاية

نرحب به ترحيبا حارا
بس عرفنا بيهو زيادة

الاخ عبدالله ودالبوشني
التقيته قبل يومين في سودانيز اون لاين وماان وجهت له الدعوة وارسلت الرابط في سودانيز اون لاين بادر مشكورا بالتسجيل
ولكن التسجيل فقط غير كافي مالم نرى بصماته واسهاماته التي ملأ بها المنتديات اسهاما وابداعا هنا
نشكر الاخ زيادة الذي وشى به انه في سودانيز اون لاين لاصطاده هناك

السلام عليك يا ارض الهدى
والسلام على من اتبع الهدى[/b]

صديق الماحي كتب:

نرحب به ترحيبا حارا
بس عرفنا بيهو زيادة

.
.
زيادة عبدالباقي ؟
مرحبا أخي صديق الماحي
.
.
عبدالله محمد عبدالله ود بوشني
مسقط راسي قرية العتامنة وعشت كل طفولتي ودرست الابتدائي والثانوي العام بالهدى
وبعدها درست الثانوي في حنتوب ومن ديك وعييييييك اخذتني الحياة في دروبها الشاقة
والان في ارض المهجر بالسعودية الرياض
وبيتنا كان في حي المهدية ..... الزمن داك ما كان في اسامي للاحياء
وبيتنا هو بين عمنا ابراهيم ود العاصقيل وعمنا مختار ود الصباحي له الرحمة
وبعدما رحلنا من الهدى في 1971م كان بيتنا من نصيب عمنا المختار ود الصباحي

حللت أهلا ونزلت سهلا اتاريك انت ما ضيف بل نحن صيوف عليك
نرحب بك مرة اخرى

الدار دارك ونحن اهلك وانت معنا
حا نبنيها البنحلم بيها
نورت الدروب

صدفة عجيبة جمعتني بالأخ عبدالله
لا أدري .. هل يذكرها أم لا ؟
شاب بكامل أناقته .. ( فوول سوت ) كما يقولون .. يترقب قدوم الواصلين عبر بوابة الوصول
في مطار الملك عبدالعزيز بجدة ..
لم يعرفني .. ولكن من كان في إستقباله في صالة المطار عرفني .. وتم اللقاء .. على الرغم من إنني
أتذكره جيدا .. وأتذكر والده عمنا ود البوشني
ودارت الأيام ولم أسمع به إلا هنا في هذا المنتدى

حبابك الأخ عبدالله ود البوشني
نور المنتدى بإنضمامك ..
نتمنى أن نري إسهاماتك في هذا المنبر الإسفيري ..

عبدالله ود البوش كتب:

أخي العزيز طارق المأمون
كيف لا اذكر ... وهل ينسى ذلك اليوم
كانت ايام يا وطني زي الاحلام يا وطني
ياخي اشكرك جدا لحرارة الاستقبال
وفي دروب الهدى نلتقي

لك التحية الأخ العزيز عبدالله
ويبدو من آخر مرة شفتك فيها .. والآن
إذا كانت الصورة المنزلة حديثة .. فأن الزمن غير كثير من ملامحك .. وزي ماقال الأستاذ عمر الصديق
الله يطراه بالخير .. دي ماصلعة .. ديل جلحات ساااااااااااااي

اهلا وسهلا بك يا ود البوش
اولا انا من قراء سودانيز انلاين ومتابعين لكل الاقلام التي لها صدي كبير في وجدان الشعب السوداني
ومن ضمن المداخلات البوست الكان بي اسم الرحمتات الكان في رمضان الفات

لو تكرمت نزلو لينا هنا حتي نتشبع بي الكرم العالي من تور الرحمتات
لك تحايا خاصه من قريه عوض العليم

اخونا مبارك النعمة سلام وتحية
حبابك وحباب عوض العليم وناسا الطيبين
اولا آسف على تأخير الرد لان هذا الموقع كان معصلج معاي ساهي كدا معاكسة منو عشان احرمني
منكم الفترة الطويلة ولكن اليوم فكت منو وفتح معاي والحمد لله
وادناه رابط الرحمتات افجخ الرابط واضبح واقرم واجغم
[ندعوك للتسجيل في المنتدى أو التعريف بنفسك لمعاينة هذا الرابط]

حمد الله علي السلامه حبيبنا عبدالله وين الغيبه دي ياحبيب نورت وثاني مرحب بيك

أخونا عز الدين سلام وتحية
والله يا عز الدين وما طالبني حليفة لا ايدي ولا كيبوردي الموقع ستين يمين ابا كلو كلو
افتح معاي وحتى لمن افتح الجهاز اعلق معاي وكلمت ود الياس لكنه احتار معاي برضو
اها بس بقيت اليوم والتاني والحالة في حلا بس الليلة الخزين خرجو
وطوالي جيكن جاري بشوق ومحبة ودمعا جاري
.
.
حب الهدى تسرب في مسارب الروح يا عزو
شكرا جزيلا ياخي

شكرا يا ود البوش
ادينا من دلك شويه وكتر الاشواق في المنتدي
نزل لينا في انتظارك
متحكرين وجالسين
لك تقديري