تبرع الاخ وزير الصحه ولايه الجزيره بعدد5 ماكينات غسيل كلي لمستشفي الهدي بجهد من العم فضل المولي عضو المجلس الوطني
وقد احضر تيم لمعاينه الموقع من مهندسي معدات طبيه ومهندسي مباني واجازو المبني ووجهو مجلس الامناء ببعض الاضافات والمواصفات
 وسوف يرفعون تقرير للسيد الوزير والمطالبات عباره عن توفير المياه + مكيفات + تغيير المحول من الهئيه الكهربائيه من100 الي 200كيلو +سراميك نصف الجدار .واشادو بالجهود ويمكن ان تطلبو 10ماكينات وتعتبر خطوه مهمه لمرضي الكلي .

+ لكن هنالك سؤال دايرا بزهني وطرحته علي المجلس
ان مركز الكلي يحتاج الي تيم من السسترات مواهلات علي الغسيل
2" اختصاصي كلي +جراحين كلي +اختصاصي باطنيه
هل من الممكن الحصول عليهم جميعا + دواء الغسيل نفسه سوف يتوفر ؟
رايت بالتلفاز مرضي غسيل الكلي يغفلون شارع الحوادث لعدم وجود مواد غسيل في الخرطوم
اجابتهم كلها ح ح تتوفر
نسال الله لهم التوفيق

والله خبر سار بس ان شاء يتم باسرع مايمكن والشكر لك اخي محمد بالجد فرحتنا

ذكرتنى نكته بتاعت واحد اخونا عندو اخوه مغترب
قال ليهو انا مرسل مكنتن بتاعت خياطة
ردا ليهو قال ليهو وصلت واحدة

اسى يا دكتور قول ليهم وصلت واحدة

ان شاء الله  تكون حقيقة ما مكنات ؟

سلام محمد الطيب
تشكر على الاخبار الحلوة

محمد الطيب وعود جميلة  خال ليتها تصدق بعدما عددت المتاريس وما تبقى زى الظلط

تشكرو احبابي علي المرور
وحبكم لك عمل خير للهدي
ما زلت اسال اعضاء المجلس الي متي تبدو فيما قيل لكم
الله يستر من التبرعات التي تبرعتم بها قبل عامين عندما جاء الوزير في زياره قلتو دي تبرعات صيوان امام الوزير فقط وهذا الكلام في اجتماع رسمي
ثني هذا الراي الاخ مدير البنك الزراعي الاخ غازي الفكي وهم موجودين وقال كيف يتبرعون اسميا ارجو كتابه اسماء المتبرعين سوف امر عليهم
واحد واحد واشرت اليهم بشيخهم الكبير انه تبرع بعشره مليون 5مليون من اتحاد المزارعين الهدي و5من اتحاد المزارعين مدني
والمدير من الخرطوم ويحب العمل الخيري وهو مشارك ونظر لي عمك بعد نهايه الاجتماع انت كل مره دايرين دكاكين من الاستثمار للنقابه
قلت له يا شيخنا تحدثت عن التبرعات وليس الاستثمار الكلام ما دخل اللحم الحي ورفعو الاجتماع بعد ملاسنات معهم الزول يكون صادق في كلامه ما اعلام
رفعت الجلسه وقالو نحددها لاحقا وانا علي يقين بان الاجتماع القادم ما بخطر فيه.