على وزن راح شمار في مرقة
راح خم رمادنا كبدة بي بصلة
والقصة خم رماد نخمو بما تشتهيه النفس الامارة بام فتفت ولانها عزيزة جدا لايمكن الحصول عليها الا في مزارع خاصة
توجهنا في عز وقت الذروة الى المزرعة والتي كلفتنا ساعتين سواقة
واخترنا من الخرفان مارايناه مناسبا لحما وشحما وام فتفتا وعادة ماكنا نقوم بتنضيفها حينما يكون مشغولا الا ان حظنا العجيب
لم يكن مشغولا واصر على اكمال المهمة بنفسه
وليته لم يصر وليتنا لم نسمع له
لانو الراجل ماشي الحج ولدو قال ليه يابوي ماتنسى تجيب الفرشات
الاب قال ليه انا برا الفرشات المودينا الحج شنو
بالزبط ده المودينا المزرعه ام فتفت
الراجل قام نضف الشغلانة كلها المكلمة للكمونية الا ان الشئ المهم والاهم قام بكل اسف برمي ام فتفت ولم ندري الا بعد ان وصلنا البيت
وبحثنا عن الكنز الثمين ولم نجده وراح خم رمادنا كبدة متمومة بي بصل
نشوف خم رمادكم كيف

خم الرماد
في بلاد العم سام
مافي كلام
وخم رمادنا خلينا للايام

نحن اصبنا(بحمه) الرماد ...وجأتنا خمة نفس ...وعندنا الرماد كال حماد...واصبحنا ننفخ في رماد..!
الكمونيه..بدون نيه ومرات نيه (بفتح النون) من عدم الفحم(الاسود)...لذلك بنخم الرماد في اخرخميس في رمضان (بالرحمتات) ياعادل ياخيار(ي)

نحن خم رمادنا بي غباشه
لله الحمد امورنا ماشه
وداير اعلق والشبكه طاشه
وسبقوني ياعادل عوض وعكاشه
قلت احسن من الطناشه
والعيون بقت تشوف طشاشه
وعوض الله ساب الإندراشه
وفطورو ذرديه وعداهو كماشه
ولله الحمد امورو ماشه

لك التحيه اخى عادل خيارى وانت تحرك كل سواكننا بام فتفت والمحدقات وينبغى لك ان تقيم مأتم عزاء لهذا الفقد الجلل ونحن نواسيك فقط اثيرياً واعزرنا لبعد المسافه متمنين من الله ان يعطيك خروفاً اخر وتتعظ مما سلف وتنتغم فى المراره .. كل سنه وانت طيب وبهذه الاريحيه الدراميا .

تحياتي الحبوب عادل خياري السعوديين بقولوا علينا سحارين بناكل اللحم الني لو تذوقوا حلاوة ام فتفت بالدكوة والليمون والالتي والشطه الخضراء وفلفل اسود كان كل يوم قطعوا البحر وجونا هناك ودخياري كدي نسالك الالتي مايكون برضو رماهو لان بزبط الشطه وليهو مذاق خاص تحياتي ياغالي

يا عادل تعليمات جانبو دى ما واضحة
ما قال اى صاحب خم رماد احرس رمادو
وييييييينك
لكن ماعندك بربلم نحن حراسة
وحراسة بوستك دا مغرية
لانو الشغلة فيها خم رماد وكدا

عمارعبدالله التلب كتب:

نحن خم رمادنا بي غباشه
لله الحمد امورنا ماشه
وداير اعلق والشبكه طاشه
وسبقوني ياعادل عوض وعكاشه
قلت احسن من الطناشه
والعيون بقت تشوف طشاشه
وعوض الله ساب الإندراشه
وفطورو ذرديه وعداهو كماشه
ولله الحمد امورو ماشه

يا سلام ياسيد البشاشه
وياالننجيض وما بتعرف الهشاشة
وشبكتك مابتطش كلا و حاشا
وعيونك اوضح من اى شاشة

ابو الطيب بركه الوجدتو الكبده لو رماها كان خلي خشمكم ملح ملح

الجاتك فى ام فتفتك سامحتك

ياعادل .. انا لو منك اقرش لى قرن شطة خضراء زعله سااااااااااااى .. !!

زولكم دا ماكان تدوهو خارطة طريق واضحة .. !!

بعدين ياخوى انت فى امريكا .. وامريكا دى فايتانا بالاف السنين الضوئية .. !!

يعنى المسافة والزمن عندها رمشة عين ..

تقول لى مشينا مسافة ساعتين عشان تلقوا الخروف .. !!

اتخيلتك تقول اشتهينا نخم الرماد بام فتفت .. جبنا جهاز فرز الفتافت .. حددنا بيهو موقع ام فتفت من الخروف .. !!

بعد داك جبنا جهاز سحب ام فتفت من غير الم والخروف ما يشعر ..

وبى كبسة زر ام فتفت جاتنا جااااااااااهزة بى دكوتا وشطتا .. !! اسسسسسححححح .. !!

نحن هنا رمادنا لسه .. قررررربنا نخمو .. لكن قالوا ما ثبت .. !!

عوض الله سيد الحوش
تشكر على المرور
وانت خليناك مش للايام خليناك على كيفك
منتظرنك ماقريت الرسالة ولا شنو
عايزين نجدد البيعه وكسوة رمضان وكدة
مازلنا منتظرين
رمضان كريم

سلام الصادق عكاشة
تشكر على المرور

اقتباس :

  بنخم الرماد في اخرخميس في رمضان (بالرحمتات        

يازول فرق بين خم الرماد وخم الرحمتات
واحدة قبل رمضان وواحدة قبل العيد

عمار التلب رمضانك كريم جدا
طبعا لانك حلاوي تايوان عشان كدة ظهرت فيك الغباشة
يازول نحن رايحة لينا ام فتفت في ظروف رمضانية صعبة ونفيسة صاقطة شحتفت روحنا
تقول لي غباشة وكماشة كانو الموضوع ماهاميك
تشكر على المرور على كل

ودالعمدة سلام شديد
ورمضان كريم جدا وصياما مقبولا وذنبا مغفورا
وان شاءالله تجيك ليلة القدر على جنس الكلام الطيب ده

اقتباس :

وينبغى لك ان تقيم مأتم عزاء لهذا الفقد الجلل ونحن نواسيك فقط اثيرياً واعزرنا لبعد المسافه متمنين من الله ان يعطيك خروفاً اخر وتتعظ مما سلف وتنتغم فى المراره

حاسي بيك حسيت بي شديد
كانك مريت بموقف مشابه
تشكر على المواساة

سلام عزالدين
والله انت جيهتها جيهه شديدة خلاس
عارف المطايب وين وكيف بتتعمل

اقتباس :

الالتي مايكون برضو رماهو لان بزبط الشطه وليهو مذاق خاص تحياتي ياغالي

الحمد لله ده عزانا الوحيد

سلام ابووحيد
تشكر على المرور
ورمضانك كريم جدا

اقتباس :

الجاتك فى ام فتفتك سامحتك

دي زي قدر اخف من قدر

وليد اللذيذ
كل عام وانت بالف خير
ورمضان مبارك جدا
بجيك صاد وبالعدم سين وجيم

سلام استاذ عوض الله سيد المنتدى

اقتباس :

     نحن حراسة
وحراسة بوستك دا مغرية      

ان تلو بتحرس كان رديت على الرسائل لزوم بعض التغييرات
منتظرك لي كم يوم ياخ

تسلم حبيبنا الغالي عادل
الله اكرم _ اعاده الله علي الامه الإسلاميه بالخير واليمن والبركان _ وتقبل الله منا ومنكم جميعآ
ياحبيبنا نحن جبنا لينا عتود (عنبلوك) ياخ مالك دا متغذي بي فتريته بس وبي سعرات حراريه معينه والمويه باللتر موية صحه من (الترعه ) طاااااااذجه دا فيه جنس مرررراره وقمنا حضرنا الفلفل الاسود+ الملح+الليمون+الشطه+الألتي +البصل الابيض المتوسط+الكبده+ام فتفت +ابغازي*الفشفاش
ياخي ياعادل ضربنا ضرب وحوحه ذي الوحوحه وجينا لي رمضان بي نفس مفتوحه الحمدلله وحلينا بي غباشه

ولكم ودي

جوعتنا يا عمااااار _ شكيت محنك

عادل خياري كتب:

سلام استاذ عوض الله سيد المنتدى

اقتباس :

     نحن حراسة
وحراسة بوستك دا مغرية      

ان تلو بتحرس كان رديت على الرسائل لزوم بعض التغييرات
منتظرك لي كم يوم ياخ

اسكت
ساي
شبكة ذي الطين
والله الردود زاتا
باخر نفس
ومرات نشوف
من بعيد لي بعيد
بعد محاولات عديدة