بالامس القريب كانت الخرطوم تقدم اقصى ما لديها من سخانه ..!
وفي كل دقيقه نضرب لناس الهدى(جادكم مطره ...والله ماشاء الجو عندكم بارد...والله هنا اسكتو ساي...و...)
كنت مع الزملاء نسال ماسبب تاخر الامطار فعزينا ذلك لانفسنا وذنوبنا .
فقلت هذا ظرف يستدعي اللجؤ الي الله والدعاء والتضرع له .
وبحمد الله امطرت السماء...صحنا بصوت واحد وبدون مانشعر ارعدي من الخرطوم ما تيعدي

سلام ياعكتشة
ان شاءالله بعد ده تبطل الترشرش والترشح

اقتباس :

.صحنا بصوت واحد وبدون مانشعر ارعدي من الخرطوم ما تيعدي

غايتو عليك جنس حسادة
خليها تعم البلد

نعم الانسانيه يامعري
فلاهطلت علي ولا بارض سحائب ليس تنتظم البلادا
الحمد لله اليوم جو امريكي بس

مرحبتين حبابك ودعكاشه ونحن دائماً نشتم فى حروفك رائحة الدعاش وطلتك علينا هى سحابة امرويق داكن سوادها وفى قبليها شايل ونحن متوسطين خضرة العيش اللتيب .. فانت الخضره والجمال والبهاء .. ونسأل الله يعم المطر البندر والبوادى وفى بوادينا يا ما ليهو حوجه .. ودمت ورمضان كريم

نكتة قالوها فى نميرى زمان ما عارف تصلح لى عمر القشير ولا لا امير المؤمنين بدون مؤمنين
الى النكتة
نميرى صلى صلاة الاستسغاء يحنس فى المطر ينزل والمطرة ما عدلت عليهو ولا نزلت
بالليل جاتو رسالة تقول
ان تنزل ننزل
اخوك المطر

الاخ صديق : البشير يرقص على انغام الكابلي امطرت لؤلؤ من نرجس وسقت وردا وعضت على العناب بالبرد اما الصلاة يتركها لمجلس الذكر والذاكرين ...!
الاخ عبدألكريم : دعواتك وانت في الحرم (ارعدي من المحريبا ما تبعدي)
دكتور صلاح : كنيش وعمنا ألكنين ...زمن يحتاج لصلاة ..!

في خطاب للسيد الرئيس
عزا عدم هطول الامطار
للظلم وسفك الدماء
رايكم شنو؟