انا يجيرني المجير في الفاقد المفقود
ويبكنك بنات لابسات دهب وعقود
يا إبن الاصول ما كنت عاق وحقود
لو كان في الحياة حتما ل رثاك جقود
يا الضرس الاصم الي السنين مدفور
في الدنيا ام قدود انا كنت بيك فخور
ما بهمك عضم لو دواخلو صخور
,,,,,,,,,,,,,,,,,,,,,,,,
حليل ضرسي العزيز الانفقد
واسوني الجميع وفيك عزتي
كم فشيت فراخ ما قنعت يوم من بوش
الليله الضرس فارقني منو قمر
حليل ابن الاصول ضرسي العزيز البار
خطير ساعة الرخا وعند الفلس صبار
............................
يا الضرس الاصم اللي الحجر بتصادم
كم كاسر عضم لي الفتة دايماً هادم
وكت حصل القدر وصار متهادم

قلعلو ليك قمر مساعد ولا شنو

هو ضرس
ولا ضريس
يا ود ال ..........
إزيك يا محمد الطيف
نشكر لك روحك المتقدة
نهنيك على تفاعلك الكثيف بالمنتدى

نهنيك اولاًياودالسني الضرس عزيز لان الضحية قربت
المثل بقول اي زول تديهو الا طبيب الاسنان البقلع منك
واشكرك وإن شاء الله التواصل ما ينقطع

يا أخي
عظم الله لكم الأجر في ضرسكم العزيز الغالي ..
فقد كبير ،، خاصة انو أتي في زمن اللا تعويض .

لك التحية . ابو وضواح

اشكركم لان انتو عارفين قدر الضرس في الضحية وحاجات تانيه
كم فتت دجاج ،ما بين مبيض ولاحم
افراخ الحمام ،،ما كان ليهن راحم
وكت حصل القدر بي سرعة ليكلجنا
في وداعة الكريم ،نتلاقي يوم الجنة

الاخ وليد شعارك ذكرني
ياطير ياماشي لااهلنا ارجوك وصل رسائلنا
بالشوق ما تنسي زول في الحلة الا سلم عليهو
وبوس ايديهو