تعالو يامتظاهرين
اقعدو كدي قدامي هنا
لو ما عارفين نعرفكم
لو جاهلين نوعيكم
لو مشاغبين نأدبكم
لو لو لو
البتعملو فيهو ده ماثوره
والله حركاتكم امبده ماتوصلكم خلي كمان الثورة
دي فوضي
ده شغب
دي فتنة
اها بص الوالي واتحرق
ياربي الوالي بكره حيغيب من الشغل مثلا
طلمبه واتحرقت ياربي عمر البشير عربتو حتقطع بنزين
مالكم كيف تحكمون
فيديو في مدني بظهر نهب واتلاف وسرقة اثاثات
زكرتني العراق ايام الغزو
دي اسما قلة ادب
دي ماثورة
انتو بس ماسكين في الكلمه وماعارفين معناها
الطامة الكبري البوضح الجهل اللي نحن فيهو من راسنا لساسنا
مافي زول قال الكلام ده عيب
الفيس بقي فتة اشد من القتل
لمن تولع ابقو اقدرو اطفوها
اتحدي كل الصفحات ان كان واحد من مديريها جوة السودان
انا مع التظاهر السلمي الممنهج
التجمع السلمي او العصيان المدني
دون شغب دون حريق دون نهب دون قلة ادب
كفايا الشايفنو في الصومال سوريا ليبيا مصر بعد الثورات
مبادئ الثورة احترام حقوق المواطنين
تنهب بقالة اها القصد شنو يعني
ذنبو المواطن الشغال في طلمبة تقطع رزقو
ذنبو سواق البص تقطع رزقو
امشو اقرو عن الثورات وتعالو
ذاكرو كويس
الاساليب الحضاريه دايما هي الاقوي في مواجهة الحكومة
اساليب الضغط ليس الشغب فقط هنالك انواع اخري اجدي وانفع
عصيان مدني ممكن يسقط النظام في تلاته ساعات اكثرها تلاته يوم
بس اقدرو اعملوها
نظموها صح
نظمو احتجاجات ومسيرات سلميه بكل ذووق لحدي البرلمان
اعتصمو هناك
اعتصمو قدام القصر الجمهوري
شغلو مخكم
لكن صحي الخراب ساهل والدمار ساهل
واحد بعلق في الفيس بقول عاوزين نولعا
بالله ده اسلوب واحد عاوز تغيير
خليهو يتغير هو اول وبعدين يفتش للتغيير
ثقافتنا نحن اقرب للحرب
حتي داخل البيت
ماعندنا ثقافة اخري غيرا
في المواصلات اقل سبب تلقي الشكله ولعت
الفاظنا ذاتا كلها تحريش
طبيعتنا كده
نعمل شنو بس
عاوزين بس الببدا الحريق
بدل مانقول عييييب
نجيب الجاز والبنزين وبنتمها
لا للثورة لو كانت بالاسلوب ده
فليبقي البشير لو دي ثورتكم
ابينا ماطالعين لحدي ماتعقلو وتعرفو الصح من الهمج
ده انتو عاوزين ذاتكم ثوره
ثورة ضد ثقافتكم
ضد افكاركم
ضد اسليبكم
سمعتو الفيس عمل ثورة ومسكتو فيهو
خمو وصروووو لو عاوزين كده

لا للهمجيه نعم للثوره الحقيقيه

سلام سيد حسن
كلنا ضد الخراب وضد الجريق وضد السرقة
لكن ماضد التغيير خلاص كفاية 24 سنة نفس الشخصية وكانوا حواء السودان عقمت من ان تاتي
برئيس ينقذ هذ البلاد
جربنا حكم هذه الطغمة الحاكمة ولم تزيد البلد الا بؤسا وضيقا على المواطن المغلوب على امره
انظر الى حال المدارس
المستشفيات
مشروع الجزيرة
الخدمة المدنية عموما
الذمم السودانية التي باتت للمساومة نظرا لضيق ذات اليد
ياشباب ثوروا وكسروا وحطموا قيد الحوف
واحرقوا قلب كل مرجف لايحترم هذا الشعب
فالحق يعلو ولايعلى عليه انتم الحق فالنصر آت مع الصبر

بس ما بالطريقه دي ياعادل
ده افتراء علي الثورة لو كانت بالاسلوب ده

ابادة قرى كاملة فى دارفور هى مظاهرة سلمية طبعا لا يستطيع حسن ان يشجبها
وفصل الجنزب هو منتهى الرقة والاحترام فى التعبير الحكومى عن ارادة الشعب
وحرق شوية طرمبات بنزين هو الاجرام بعينه
كشحوها وفكونا من محاكمة شعب ولا تحاكموا المتسبب الحقيقى فى هذه الفوضى
بس فصل الجنوب هو جريمة ناهيك عن اهلنا فى دارفور المعترف بيهم ود القشير الحقير دة
دى تجى ايه جنب البحصل حاليا برضو الذنب ذنب الاهبل دة بقراره المعفن دة
عينكم فى الفيل تطعنوا فى النمل الما عندو ذنب
كل مصيبة فى السودان سببها عمر البشير
نرجوكم ان تنتبهوا البلد دى ما بيت ملك لى عمر البشير
هو الاولى بالنقد لجرائمه فى حق هذا البلد تتركوه وتشجبوا الشعب يا امة ضحكت من هبلها الامم

كاريك
سلاام وكل عام وانت بخي
نعم الحريه لا للتخريب دي ممتلكات شعب