كعكعة الهوت دوق

-
-
-
-
الشعب السوداني عندو ميزه تختلف عن العالم
عندو ميزة التكافل
الشراكه
المساهمة
بقيف جمبك في السراء والضراء
في صيوانات العزاء اي واحد بجيك شائل عمودو
في الاعراس في كراس الكشف
ده غير مساهمات الاهل براهم والاصدقاء براهم
في النهايه انت مابتخسر الا القليل جدا
حتي في الاصدقاء لو عاوزين يطلعو رحلة
بتشاركو في الحاجات
البجيب بارد
والبجيب بيتزا
والبجيب الشاي والقهوة
حتي لو عاوزين يعملو كيكة هوت دوق بتشاركو المكونات
التكافل ده في كل شئ
ومامحصور علي فئيه دون الاخري
الناس لو عاوزه تطلع مظاهرات مفروض تطلع كلها
من كبيرنا لصغيرنا
الكعكة الانتو بتعاينو ليها دي ماهينه
ما بتتاكل من جوة البيوت
عاوزه مساهمة
عاوزه شراكه
عاوزة اتحاد
بس ده كلووووووو مافي
الناس منتظره مرحله نضوج الهوت دوق بس
يرسلو في الشفع وفي شباب الثانوي للصرافات الاليه
يرسلو في الشفع لبصات الولايه
ويعمل مقابله في قناه اجنيبه ويطلع يقول
انا الان جاي من المظاهرات والبمبان جوة عيوني
عيونك بالتنقلع يارب
الناس البستضيفوهم ديل تعالو اطلعو
مالكم مكسرين
ناس لندن الخايفين علي البلد من الكيزان
تعالو اتظاهرو معانا
مش انتو الوحيديييين العارفين في مجموعات مندسه
تعالو ورونا ليهم
الكيكه بالطريقه دي مابتنضج
تعالو هببو معانا
ولا مابتعرفو
تعالو شوفو امبده والثورات
تعالو شوفو شارع الستين و مدني الجميله
فالحين لي بس في القنوات الاجنبيه والتهويل
عمرو التهويل ما بنضج الهوت دوق
يا تاكلو ني يا تجو تطلعو مع الشعب
مالكم ناقصين دين وعقل انتو برضو
عاوزنها جاهزه من غير ماتتحرقو
طيب ذنبنا نحن ننحرق ليييه
مادام عاوزين لينا السمح وقلبكم معانا
طلعونا معاكم لندن
ورونا فنادق لندن دي عامله كيف
الواحد بس فالح الغلاء الغلاء الغلاء
هو انت ليك ميه سنه ماشفت البلد دي
بتعرف شنوووو للغلاء
مرتبك بقعدتك سنه كامله في السودان
غير الكلام مابتعرفو لحاجة
خلي الكعكه تنفعكم
تشموها قدحة لو ماطلعتو
خايفين من الرصاص
البموتو ديل فطايس
زعماء المعارضه الجوة البلد
تعالو ياخ
ارح نطلع
مريم الصادق شغاله من العربيه لاسكاي نيوز للجزيره
طيب تمام تمي جميلك وتعالي امبده والثورة وجبل اولياء
الصادق المهدي تنظير بس
طيب حلو تعال نظر لينا ننظم المظاهره دي كيف
نشيل ياتو لافتات
ناس الختميه المولانات اها ماشفناكم معانا
طبعا ماندعو الكيزان لانو اصلا هم مامعانا
ياخي عليكم الله خلونا في حالنا دي
شغل الخبث والفتن والمؤامرات ده لو بطور
كان سوريا الان وصلت القمر
والله العظيم مافي زول حاسي بمعاناة الشعب غير الشعب نفسو
مافي زول شغال بالشعب
لاحكومة ولا مايسمي معارضه
هسي في زمتكم عاوزين الترابي يطلع ويهتف
انتو بتحلمو ولا شنو
ده هسي بكون شكل الحكومة ونصب روحو رئس للبرلمان
انتو بتحلمو والله لو زول نزل ليكم من الخمسه نجوم وجاكم
تعالو نحسبا
الليله اليوم الخامس
الطلع منوووووووووووووووووووووووووو
نحسبا تاني
احسبو الطلعو في الشارع والطلعو في قناة العربيه
ياربي العربيه دي تكون شارع رئسي في السودان ونحن ماعارفين
فاكرين الجزيره دي هي الولايه العندنا
الناس ديل اتلخبط عليهم الاختصاص
يكونو ركبو بص الوالي ونزلو غلط
الواحد يكون نازل الكلاكله ينزل اسكاي نيوز
ماتخافو الله عليكم الله
لمن نلقي روحنا مخيرين بين الامن والغلاء
فالامن اولي
لمن نلقي روحنا مخيرين بين الثوره والامن
فالامن اولي
لمن نلقي روحنا مخيرين بين النهب والسلب والامن
فالامن اولي

ابييييييييييييييييييييييييييييييييييييييييييييينا

قال كعكة هوت دوق قال
هاك الكعكة دي

لك التحية حبيبنا حسن واحيي فيك الحمية والحميمية والهمة والتفاعل الكبير - اهديك قائمة ماطلعت مظاهرة ولكن رفلعت مذكرة وهم قادة الانقاذ انفسهم (وتخلق ربكة فى صفوف الوطنى ) يتقدمون بمذكرة لرئيس الجمهورية تدعوة إلى الاستجابة لمطالب الشارع وايقاف الاجراءات الاقتصادية والامنية فورا ، وتعلن تبرؤها من قتل المتظاهرين وتعتبره مخالفاً للشريعة الاسلامية .. وهذا نص المذكرة وقائمة باسماء الموقعين بسم الله الرحمن الرحيم السيد رئيس الجمهورية ... المشير عمر حسن أحمد البشير السلام عليكم ورحمة الله وبعد، * حزمة الإجراءات الاقتصادية التي طبقتها الحكومة مؤخراً أحدثت آثاراً قاسية على المواطنين دون مبررات مقنعة * الإجراءات لم تجز من قبل المجلس الوطني، بل هي لم تعرض عليه أصلاً رغم اشتمالها على تعديلات أساسية في بند إيرادات الحكومة * هذه الإجراءات لم تجد قبولاً حتى من قبل قطاعات المؤتمر الوطني * قدمت بدائل من أفراد وخبراء وقوى سياسية لكن البدائل لم تنل اعتباراً وأصرّت الحكومة على تطبيق الإجراءات كما هي غير مبالية بآثارها ومدى قدرة المواطنين على احتمالها * خطاب الحكومة عند تقديم حزمة الإجراءات عبر وسائل الإعلام كان مستفزاً للمواطن ولم تبد الحكومة الاكتراث اللائق لمشاعر المواطنين * لم تسمح الحكومة للمواطنين بالتعبير السلمي عن آرائهم وفق ما يكفله لهم الدستور. وبعدم توفر فرص التعبير السلمي تغلبت العناصر التي تستغل هذه المواقف للتعبير العنيف مما أدى إلى خراب كثير وإزهاق لأرواح عزيزة من بين المواطنين والشرطة وقوات الأمن في مواجهات استخدمت فيها الذخيرة الحيّة السيد الرئيس لقد جاءت الإنقاذ بوعد كبير هو تطبيق الشريعة. ونحن نعلم أن من أهم مقاصد الشريعة تعظيم حرمة الدماء، والعدل بين الرعية، ونجدة ضعفائها، ورحمة فقرائها، وإحقاق الحقوق ومن بينها حق الاعتقاد والرأي والتعبير عنهما. لكن حزمة الإجراءات التي طبقتها الحكومة وما تلاها من قمع للمعارضين لها أبعد ما يكون عن الرحمة والعدل وإحقاق حق الاعتقاد والتعبير السلمي. السيد الرئيس في ضوء ما يجري نطالبكم بما يلي: * وقف الإجراءات الاقتصادية فوراً * إسناد ملف الإجراءات الاقتصادية لفريق اقتصادي مهني وطني، يمكن تطعيمه بعناصر من القوى السياسية المختلفة، وتكون مهمته الاتفاق على وصفة للمعالجات العاجلة للأزمة في غضون أسبوعين * تشكيل آلية وفاق وطني من القوى السياسية لمعالجة الموضوعات السياسية الهامة ومن بينها الإطار السياسي الذي تحل فيه الأزمة الاقتصادية * إيقاف الرقابة على الصحف ووسائل الإعلام * إطلاق الحريات كما يكفلها الدستور ومن بينها حرية التظاهر السلمي * إجراء تحقيقات محايدة حول إطلاق الذخيرة الحية على المواطنين ومعاقبة المسئولين عنه * تعويض المواطنين المتضررين جراء القتل والجراحات والتخريب السيد الرئيس هذه حزمة من الإجراءات المعجلة لمعالجة الأزمة الحادة الراهنة، وهناك إجراءات أخرى مؤجلة لكنها ضرورية سنتعرض لها وفق تطور الأحداث. وإننا ننصحكم بالتعامل مع هذه المطالب تعاملا حكيماً، فإن بيدكم درء الفتنة أو إثارتها، وإن مشروعية حكمكم لم تكن على المحك كما هي اليوم. 28 سبتمبر 2013 الأسماء: ١ د.غازي صلاح الدين العتباني - عضو المجلس الوطني ٢ أ.حسن عثمان رزق - عضو المكتب القيادي للمؤتمر الوطني ٣ د. احمد عبدالملك الدعاك - أستاذ جامعي ٤ عميد معاش صلاح الدين محمد كرار ٥ المهندس احمد خليل حمزة ٦ د. فضل الله احمد عبدالله - أستاذ جامعي - عضو المجلس الوطني ٧ مهدي عبدالرحمن أكرت - عضو المجلس الوطني ٨ ابراهيم بحر الدين عضو المجلس الوطني ٩ جعفر الشريف - ولاية القضارف ١٠ د. عطيات مصطفي - عضو المجلس الوطني ١١ د. عائشة الغبشاوي - أستاذه جامعية - عضو المجلس الوطني ١٢ د. سامية يوسف هباني - عضو المجلس الوطني ١٣ أ. آمال عبد الفتاح ابراهيم - أستاذه جامعية ١٤ د. صفية عبدالرحيم - أستاذه جامعية ١٥ أ. عواطف محمد علي الجعلي - محامية - عضو المجلس الوطني ١٦ د. أسامة علي توفيق - طبيب ١٧ بروفسير محمد سعيد حربي - أستاذ جامعي ١٨ أ. الدخري علي مركز - محامي ١٩ عمر عبد القيوم - الطلاب ٢٠ أ. أسامة سراج خالد - أستاذ جامعي ٢١ الدومة حسن ابراهيم - مهندس تقني ٢٢ لواء شرطة معاش عبدالرحيم احمد عبدالرحيم ٢٣ عميد ركن ود ابراهيم ٢٤ عميد شرطة معاش مصطفي عبدالرحيم ٢٥ العقيد معاش فتح الرحمن عبدالله سليمان ٢٦ عقيد شرطة معاش صلاح الدين ميرغني ٢٧ مقدم معاش مصطفي الزين ممتاز ٢٨ نقيب شرطة معاش أسامة الحاج حسن ٢٩ ابراهيم تمساح - عضو المجلس الوطني ٣٠ محمد صالح الصافي - عضو المجلس الوطني ٣١ سامي عبدالوهاب الأمين - الطلاب"

عشان كده في اعتقادي الشخصي الثورة ما شرط تكون حرائق ونهب وسلب وتقطيع طرق

المذكره الاترفعت دي نوع من انواع الضغط علي النظام

سلام يابوعلي
حمدا لله على السلامة
شكرًا لمشاركتنا مشاركاتك في الفيس بوك
قد نتفق او نختلف حول بعض الكتابات
ولكن حتما الاتفاق دوما حول أسلوبك الساخر
وقد يختلف البعض حول المضمون ولكن نظرا لحرية للتعبير
التي لاتنتهك خصوصية الآخرين مدنا بأخبار المسيرات اليومية
رهيب لكن انت والله عايز ناس لندن يايجو يتظاهروا معاك يا بسفروك كمان لندن
وفي الحالة دي طبعا المظاهرة تتطير مش كدة اذا فيها لندن

ههههههههههه ياخي نفسي اظهر في قناة اسكاي نيوز وانظر واكورك بكل حسي
الشعب جيعاإاإان
الان يمووت تلاتة مواطنين بالجوع في ود مدني
لقد سقط عشرين شهيدا الان في بري
توجد مظاهرة داخل القياده العامة قبل قليل
ووووووووووووو
لقد تجاوز عدد الشهداء حتي هذه اللحظه الالف شهيد
اين امريكا
اين المحدتمع الدولي
اين اسرائيل
اين اين اين

انها متاجرة بدماء الشهداء ياعادل
والضحيه هم الشباب المغلوب والملعوب عليه

الكيزان سبعت وعايزة تتخارج اى طفل ممكن يعرف تداعيات القرار الغبى دة لكن الكيزان عايزاها تولع قبل ما يمشوا ماليزيا
من الهبل ان نردد كما يريد الكيزان موضوع التخريب والتدمير والحرق لو عايزين المنطق ما هم حرقوا البلد دى بى ناسها فى ربع قرن عايزين يتكلموا هسة فى شوية طرمبات بنزين وهم اصلا السبب فيها مع سبق الاصرار والتردد
الحكومة بتتكلم عن الحرق وعايزة الهبل يتكلموا زيها عن الحرائق والتخريب ويشغلوا الناي عن ما هو اهم
والخطة انظلت على قطاع كبير من الناس ومن ضمنهم صديقنا المهندس حسن الذى بدون ان يدرى فقد اصبح يردد ما تريد ترديده حكومة العفن ورغم انه مواطن صالح ولكن بحسن نية كاسمه جرته الحكومة ليكون بوقا لها وهى مرتاحة
حسن يا صديقى لا تنجرف ويخدعونك بتحريب هم عملوه لكى يجدوا لهم مادة يعرضها تلفزيونهم المعفن زيهم