سواق خاص صعيدى .. أمى تقريبا .. شغال مع أسرة فى مصر الجديدة ..
من البلكونة نادته السيدة التى يعمل عندها
.. هاتلى سارة (ابنتها فى الجامعة )
صاحبنا سمعها بصارة (فول مدروش)وذهب واحضر البصارة وعندما رجع
.. ايه دة يا ابن ال....... أأوولك هاتلى سارة تجيبلى بصارة والبت ياعينى مستنياك فى الجامعة
.. ما أعرفش سمعتها بصارة ودة اللى حصل
.. انجر من اودام عينى وروح هات البت بسرعة

نفس السواق بعتته من خلال الانتر كوم
.. روح هاتلى كابوتشا (نوع من الخص يقطع فى السلطة )
أستغرب وبيكلم البواب
.. الست المجنونة دى بتئوول عايزة كاوتش (لستك عربية ) حاتعمل بيهو ايه المجنونة بت المجنونة
.. مش ممكن ......( البواب) روح اتاكد منها احسن لك ما توديناش فى داهية
ضرب ع الانتر كوم وسألها
.. ايوة يا مدام .. حضرتك عايزاها ليه
... حأ أقطعها فى السلطة
...حا تأتطعى فردة كاوتش فى السلطة ؟
... فردة كاوتش ايه يا ابن القرعة .. بقولك كابوتشا
ولا أأوولك اندهلى بتاعة الخضار وانا أفهمها ..

هو هو نفسه
جاء الى العمل من الساعة الثامنة صباحا ومنتظر تحت العمارة ولم تطلبه الهانم الى الساعة الخامسة مساء
وكلمته
.. أطلعلى يا اسطى
طلع
.. بص روح ارتاح فى بيتك شوية وتعالالى الساعة سبعة
نزل وهو يردد
.. شوف بنت الكلب .. على الطلاق مش جايي ولم يأتى اليها مطلقا

ههههههههههههه
متابعين معاك ياودالماحى

ذكرتنى صاحبى كمنجة العامل فيها تفتيحة سافر القاهرة
شايل كمية من سيطان العنج والنبق والقونقليز وحاجات كتيرة قالوا هناك
بتجيب قروش .. المهم ستف شنطتو تب
ومع نزلتو فى المطار ركب تاكسى وقعد يحكى لبتاع التاكسى
انو اول مره ينزل مصر وشايل .. وشايل ..
فى شارع مقطوع كدا السواق وقف العربية وقال لصاحبى
العربية اتعطلت ممكن تدينى لذة شوية
صاحبى تنقش .. تنقش نزل يلذ العربية
واللذة الياها
كمنجة لحدى الليلة بندب فى حظو
وبكره ليك المصريين كراهية
جاء راجع بخفى حنين
بس كويس انو جوازو كان فى جيبو

شكرا ودمدثر وكمنجة صاحبك كتلنا من الضحك
انت عارف انا اول مرة امشى مصر عملوا ليك فينى حتة مقلب
الترام زمان كان بمشى من العتبة لى رمسيس وهو عربيتين تلاتة مقطورات فى بعض .. جيت وانا ماناقش اى حاجة وقلت للركاب ياناس الشى دة يمشى رمسيس نط واحد وقال لا اللى وراءه يروح .. جريت جرى القى ليك الوراءه مقطور فى القدامه وكله قطر واحد .. جيت راجع بسرعة وركبت فى القالو لى ما يروحش .. جيت عشان اعمل شكلة ضحكونى ليك ونسيت

راكب المترو قبل يومين ولا تلاتة ماعارف
جنبى واحد سالنى
.. حضرتك سودانى
.. آه سودانى بتسأل ليه ؟
... دة انا مروح من السودان من ايمة شهرين كدة .. وكنت آعد حوالى سنة ونص دقت فبهم مرار
.. ليه بقى دة الشعب سودانى طيب وبحبكم وبلدنا حلوة
... ياعم انتو عندكم بلد متخلفة وناس عايزة تنضرب بالجزمة القديمة
وبص حا احكى لك اللى جراى
انا سمعت عندكم الجنيه بيعمل تلاتة جنيه مصرى اتجننت وقلت لازم اروح السودان وياريتنى مارحت
واخد معايا تلات آلاف دولار .. واول حاجة السكن سكنت فى الكلاكلة فى بيت ااجرته الشهرية 700 الف جنيه وياعينى ع البيت شوية سراير حطب بتقولوا عليها عناقريب متشحططين فى الحوش والحمام آه من الحمام
فاصل ونواصل

دة الحمام مشوار هو اللاخر فى آآخر الحوش
وجات نطرة (مطرة) البيت كله عمال يخر من السقف وماعرفتش وين اروح
يالهوى ع النطرة اللى عندكم وكان يوم ما يعلم بيه الا ربنا
ركبت الاوتوبيس وبقول لسودانى عدينى بقولى انت مصرى وهم دلوقتى حا اقوم اكسرك .. لا يا عمى خليك مطرحك ولا تكسرنى ولا اكسرك
قعدت سنة ونص عشان احوش حتى فلوسى واقول يا فكيك من دى بلد
بس برضو عشان ما اظلمش حد جيرانى كانوا أمامير وشوية جيران سكرة مرات يبعتولى اكل واتخانقوا مع صاحب البيت عشان خاطر يصلحلى البيت وبالجد وقفوا معايا وقفة رجالة جدعان
ولاحظت الشعب السودانى بيخاف من حتة عسكرى لا راح ولا جا .. ياتدفع النفايات اللى هى الزبالة يا حا احبسك تحبس مين يا ابن المفعوصة دة عندنا ولا انت ولا بتاع الزبالة ما تسووش نجلة (تعريفة )
المهم خدت بعضى وجيت وربنا ما يودنيش لبلادكم تانى وتوبة من دى النوبة
اخوك محمود ولو احنجت اى خدمة دة تلفونى وانا تحت الخدمة فى ايها حاجة وفتك بعافية انا نازل عين شمس بس حا اعدى على جماعة أصحابي هنا فى محطة حدائق الزيتون وأروح

واصل يا خال هترشاتك ونحنا متابعين

واصل ياعم .بقولوا المصرين مامكن يوصفوا ليك لو سالتهم عن مكان ماطيبين زينا ولاكيف

واصل ياعم .بقولوا المصرين مامكن يوصفوا ليك لو سالتهم عن مكان ماطيبين زينا ولاكيف

الحبيب الغالى ابو الحاجة
التحية لك وللغالية ام الاحاجة
والابناء الاعزاء..
هترشاتك جميلة ولطيفة
وظريفة
ورجعتنا لزمن الهترشه
وحنرجع نهترش معاك
ودمتم

ود الماحي سلام
اهديتنا مساحة للفرفشة وتغيير المزاج
سوداني اول مره يمشي مصر الجماعه قالو ليه المصريين ديل لازم تتكلم معاهم مصري عشان مايستغفلوك الراجل مشى لي بتاع البقالة وشايف السكر معبأ في اكياس يعني ماداير ليه اي سؤال
والدنيا عصر قال لي بتاع البقالة صباح الخير ياعم
المصري باستغراب صباح الايه ياخويا
قال ليه في سكرش
المصري قل ليه لا مافبش
السوداني قال ليه لا فيش لانو شايفو في الاكياس

عوض الله ... ابشر الناس ديل مرات يضحكوك ومرات كتيرة يققعوا مرارتك زى ما قال ود الياس ... حاضر

عثمان الشريف كتب:

واصل ياعم .بقولوا المصرين مامكن يوصفوا ليك لو سالتهم عن مكان ماطيبين زينا ولاكيف

الكلام دة ما صاح وبيصادف بس
يعنى المصرى بشوفها عيب يقول ما بعرف وهو لا يدرى بانه لا يعرف ودى المصيبة .. يعنى بيوصف ليك على أساس هو فاهم الحتة دى هى بهذا الاتجاه وخياله الخصب بيكمل الباقى لكن ما قاصد يغشك دة بالنسبة للغالبية العظمى .. وثقافتهم بالمناسبة محدودة جدا وعندهم التخصص يعنى سمكرى خلاص ثقافته كلها سمكرة وبس وشايف تفسه طالما أبدع فى السمكرة ممكن يبدع فى حاجات تانية لكنه يفشل دائما
شكرا عثمان النقطة دى مهمة جدا

زيادة عبد الباقى كتب:

الحبيب الغالى ابو الحاجة
التحية لك وللغالية ام الاحاجة
والابناء الاعزاء..
هترشاتك جميلة ولطيفة
وظريفة
ورجعتنا لزمن الهترشه
وحنرجع نهترش معاك
ودمتم

توصل التحايا ولك منا مليون تحية
وهاك دى
لى هسة المصريين مستغربين فى اسم الماحي .. الموظفين .. بتاعين المرور حتى المهندسين وبتاعين الأمن
... أولتلى اسمك ايه ياحج
.... صديق الماحى
... ايه ... الماضى ؟
.. لا... الماحى اسم من أسماء الرسول (ص) ما سمعتش بيه ولا ايه ؟
.. ماحى خالص ولا يهمك بكرة يفتكر
عندهم ماحى دى يعنى ما مذكر اى حاجة ..
تخريمة //
اول مرة أشوف لى زول خال امه

عادل خياري كتب:

ود الماحي سلام
اهديتنا مساحة للفرفشة وتغيير المزاج
سوداني اول مره يمشي مصر الجماعه قالو ليه المصريين ديل لازم تتكلم معاهم مصري عشان مايستغفلوك الراجل مشى لي بتاع البقالة وشايف السكر معبأ في اكياس يعني ماداير ليه اي سؤال
والدنيا عصر قال لي بتاع البقالة صباح الخير ياعم
المصري باستغراب صباح الايه ياخويا
قال ليه في سكرش
المصري قل ليه لا مافبش
السوداني قال ليه لا فيش لانو شايفو في الاكياس

صباح الخير يا عادل بيه
دة نحن دحكنا دحك ..
دكتور سودانى عنده شقة فى عمارة البواب بكرهوا ليك عمى عشان ما بظبطو بالباقشيش
ودائما يشكى لى منو
.. صاحبك دة قيحة وبخيل وما بدفعش ولا نجلة
.. لسة جديد فى مصر أصبر عليه شوية ..انت عارف انو دكتور كبير؟؟ بكرة يظبطك
.. دكتور ايه ياحج ابو وحيد دة بينصب عليكم .. دة حتى ما بتكلمش زينا آل دكتور آل

هترش ساي ولايهمك البلد بلدك

صباح الخير صديق شفنا البوست نزل في قعر الصفحة قلنا نرفعو ليك شوية
جنوبيين اتنين ساكنين الدقي واحد مبهور بالبلد بعاين بالبلكونة من فوق جون جاء وراهو وقال ليه وهههههههه
قال ليه يوه كديني ياانت
قاصد (خضيتني)

قبل مدة وبعض زملاء العمل حصلت لى معاهم قصة
يلا يا شباب مش جعانين ولا ايه ... عايزين نفطر بقى
فعلا مشينا الحساب طلع كلام فارغ دفعته لمن رجعنا الشركة جابوا لى القروش جمعوها من بعض ورفضت وحلفت وزعلوا جدا
ايه ياعم صديق الكلام دة ما ينفعش
ازاى تدفع انت فاكر دى جدعنة يعنى
بص لو انت عندك فلوس زيادة وناوى ترميها شمال يمين تبقى أهبل ونحن ما يشرفناش صاحب أهبل .. ماشى الكلام
ولو كمان انت اجدع مننا ما يصحش دى هانة ما نقبلهاش ومن فضلك لو عايزنا حلوين مع بعض ما تكررهاش وما كررتهاش أبدا

الحسرة مطلعة عينهم وهم يرون الجزائر فى كاس العالم
..آه لو حميتونا فى السودان كان قطعناهم
.. بتوول ايه ياخويا سمعنى تانى ؟
.. ما حميتوناش يا عمى صديق فى السودان
.. بص انتو أصلكم جايين السودان عشان تهزمكم الجزائر واللى حصل فى امدرمان غادى وبيحصل فى اى تمرين للأهلى فى مصر وممكن ناس تتعور وفى السودان اصابات بسيطة وعادية ولو نحن ما حميناكمش كان مصريين ماتوا بالآلاف ..عشان انتوا جبناء وباعتين وراء منتخبكم شوية ممثلين ورقاصات كانوا بيردحوا ويكدبوا فى التلفزيون على عينك يا تاجر
ويستمر النقاش وانتو عارفين ود الماحي يسكت بلد

والنبي واللى نبا النبى نبى لو اعرف مطرح السودان فين ما اقعدش فى مصر دايييأ (دقيقة)

فى الصيف تزدحم مدينة الاسكندرية بالمصطافين
احكي ليكم اولا المصريين طبقات لكن تتفق كلها فى موضوع الصيف وعلى حسب فلوسك ووضعك المادى يكون تصييفك مع اسرتك فى البحر
الأغنياء عندهم الشواطى الخاصة بهم بشاليهاتهم وفيللهم الفخمة على شواطى البحر الأبيض او البحر الأحمر وهى مناطق مقفولة وملكيات خاصة لا تستطيع السباحة الا اذا كنت تمتلك شاليها او جاى ضيف الى احد ملاك الشاليهات ... وهى محمية بامن خاص وحراسات والبحر له مذاق خاص هناك .. والشاليهات لها ملحقات لسكن الحاشية من الخدم ومربيات الأطفال والسواقين وهؤلاء مدة تصييفهم كل اجازة الصيف المدرسية تلاتة شهوراقامة كاملة للاسرة وذهاب رب العمل الى شغله اربعة يوم وتلاتة يوم معاهم فى البحر .. منتهى الرفاهية وكأنك تشوف بشر غير البشر وهم صفوة المجتمع ورجال الأعمال والمال والفنانون والمشاهير
الطبقة التى أقل من الأغنياء هى المتوسطة وايضا من الممكن ان يمتلكوا شاليهات على نفس الشاطى بس بمميزات اقل وشاليهات أصغر ولا ملحقات ولا يحزنزن عشان أصلا ما عندهم خدم ولا حشم وديل معظمهم من موظفى الدولة المستقرين فى وظائف ثابتة والحكومة هى التى قامت ببناء هذه الشاليهات وملكتها لهم كل على حسب وظيفته وغالبا النقابات هى التى تهتم بذلك ومدة اقامتهم على حسب المبلغ الذى رصدوه كل افراد الأسرة فى خلال كل الشهور غير الصيف وغالبا تكون اطول مدة شهر
ثم تاتى الطبقة التالتة وهى الرجرجة وطبقة الفقراء هؤلاء لا يملكون شاليهات ولا يستطيعون امتلاك شبر بيت فى اى بحر ولا يستطيعون البقاء اكتر من اسبوع فى البحر ولازم يأجروا فى المناطق الشعبية فى داخل اسكندرية نفسها والشقة هى للنوم فقط وطول النهار فى البحر
طبعا فى المناطق الشعبية ممكن وانت جوة البحر يلاقيك قنديل البحر ويلسعك كالكهرباء ولازم تتمسح بالليمون مكان اللسعة
لكن الناس فرحانة جدا بالبحر وهو ترفيه وعلى فكرة القعدة امام الحر انت واولادك قعدة ممتعة ولا تحس بالوقت من الصباح الى المغرب
بالنسبة للرجرجة برضو يستاجروا الشماسى والكراسى ويجيبوا اكلهم معهم فى البحر ويلعبوا صغارا وكبارا وعواجيز يقعدن فى الكراسى للمراقبة
الشواطى محترمة جدا وهى تغيير جو مريح
تمنيت ان نستفيد من شواطئنا فى السودان كما يستفيد المصريين من هذه الشواطى المقحلة التى حولوها الى حياة
معليش الهترشة طويلة لكن تستحق

ود الماحى سلام عليك وعلى اهلك الطيبن0
هترشاتك عجيبه ( ياعمى دول بحطو الجبنة ع الفول)
واصل حفظك الله 0

صلاح الشيخ ابو سفنجة
انت عارف اناماعرفت قيمة سفنجتك دى الا بعد اتصالك الجميل
الو مين معايا
... معالك صلاح الشيخ
... صلاح الشيخ منو ؟
... ابو سفنجة
ابو سفنجة دخلتنى فى الشبكة بسرعة 20 قيقا
شكرا لمنتدى ابناء الهدى ونتمنى دوام التواصل
اول مرة اتكلم مع الأخ الجميل صلاح الشيخ وهو اتصل على فى القاهرة وسعدت ايما سعادة فله الشكر اجزله

الاعلام المصرى والتلفزيون المصرى والفن المصرى
للأسف كلها تفننت فى تشويه سمعة المصريين فى العالم كله
من اجل ان يراهم العالم ويبعوا أفلام ومسلسلات وهى تاتى بمدخول جيد جدا لمصر ولكن فى المقابل سمعة سيئة جدا بما يبثونه من اكاذيب على شعب مغلوب على امره
هذه الرقاصات والعرى والدعارة المقننة التى نشوفها فى الأفلام ليست واقع الشريحة المهمة من الشعب المصرى
فى خلال هذه السنوات الطوال فى مصر دخلت كثيرا من البيوت وعشرتى مع الشعب المصرى الحقيقى تجعلنى اقول لكم لم أرى فى اى بيت دخلته مكانا لخمرة كما نرى فى الأفلام ولم أرى فى الشارع مترنحا سكيرا من أثر الخمر مصريا بل سياح واجانب وسودانيين على الأكثر
الشعب المصرى ليس كما نظنه ونراه فى الأفلام

حبيبنا صديق الماحى
سلام عليك
وياسلام عليك
احى فيك حبك لمصرام الدنيا (مصر يا اخت بلادى يا شقيقة )
والله يا صديق فعلا مصر تسمع عنها شى وتعيش فيها شى اخر خالص 0
نزلت بها شهر كامل ومضى كآنو يومين وان شاالله اوعدك بزيارة لك ولمصر الحبيبة0

صلاح الشيخ كتب:

حبيبنا صديق الماحى
سلام عليك
وياسلام عليك
احى فيك حبك لمصرام الدنيا (مصر يا اخت بلادى يا شقيقة )
والله يا صديق فعلا مصر تسمع عنها شى وتعيش فيها شى اخر خالص 0
نزلت بها شهر كامل ومضى كآنو يومين وان شاالله اوعدك بزيارة لك ولمصر الحبيبة0

فى انتظارك
ونرحب بك ونتمنى ان نشوفكم قريبا
شوية شوية فى هذا البوست نحاول ان نرد على اى استفسارات خاصة بمصر وكل من لديه الرغبة لزيارة مصر وعنده اى اسئلة نحن فى الخدمة

سعيد انا بمرور هذه الكنانية العزيزة رشا
يعنى اول حاجة ما سلمتى لينا على ميسرة ولا اديتى التلفوت يضرب لينا من السودان ابو اتصالات رخيصة دة ..ماشى يارشا لمن اشوفه حافتن عليك
المقلب سخن جدا
انتى عارفة نحن لو طلعنا من البيت بنشيل معانا اى حاجة حتى الحاجة الباردة
هنا فى مصر الأسعار مخنلفة يعنى هسة انا بفطر بي تلاتة جنيه وجبة فول مدنكلة معاها صحن فيه بيضة مسلوقة وصحن سلطة وعيش زى ما دايرة بس ما تشيلى معاك .. دة وين ؟ فى عربية الفول فى الشارع وانتى واقفة على السريع
نفس الوجبة دى فى مطعم مكيف وكله يرقش وانتى قاعدة ممكن تكون بى 15 جنيه والناس تدفع عادى حتى المصريين
نفس الوجبة دى معاها شوية حرابيش وجرسون لابس بدلة كاملة وكرافتة فى فندق خمسة نجوم يقدمها ليك وتجيك الفاتورة بي 75 جنيه
ولا تقدرى تقولى تلات التلاتة كم
يعنى هنا انتى ووضعك المادى تمشى للمكان الذى يناسب وضعك
فى اللنك الجاى حا أحكى ليك قصة اغلى فنجان قهوة شربته فى حياتى
خليك قريبة ما تمشى منتدى تانى

طبعا الواحد فى امكنة كدة بيمشى يتفرج فقط ويملا عينه ولا يفكر حتى مجرد تفكير ان يشترى حاجة من هذه المحلات
وفى مصر مثلا عندك سيتى ستارز مول كانك فى امريكا ولا أوروبا وجميع السوبرماركت التى فى الفنادق خمسة نجوم
لا تشترى ولا تاكل ولا تشرب قهوة .. الاسعار مبالغة
فى فندق ميراج خمسة نجوم كنت منتظر فى اللوبى وخرج من الداخل الرجل الذى اعمل معه وعندما لمحنى فى الاستقبال
... ما تجى أعزمك على فنجال قهوة ع السريع كدة
... ما بلاش يابيه خلينا حلوين كدة احسن
... ولا يهمك تعالا بس
اتنين فنجال قهوة جابهم واحد البدلة التى يلبسها بس توحى لك بانه عايز يجيب تمنها الغالى من القهوة والشاى
وخمسة دقائق خلصنا القهوة وجات الفاتورة فى دفتر كأنه كرت أفراح والاتنين قهوة تمنهم 70 جنيه مصرى وباقى ال100جنيه الباشا تركه بقشيش وانا طبعا جانى صداع شديد
طلعت على اول قهوة شعبية وبي جنيه ونص شربت قهوة فى كباية والصداع راح ..لكن كلما اتذكر الفاتورة الصداع يرجع تانى
لكن انا ما بسكت
ونحن راجعين
... يابيه
... نعم
...دة انت خدتنى على خوانة وسقيتنى فنجال قهوة بي خمسين جنيه ولولا لحقت نفسى كان رحت فيها
... بسيطة ما يهمكش
... ازاى بسيطة دة الفنجال دة مش حا انساه لحدى ما اموت

يا صديق الماحى ابداء حوش لانى انا لما اجيك ما بقبل غير عزومة فى فندق ميراج وما تنسى ح يكون معاى العيال 0
الله يكون فى عونك 0
الف شكر ومربا دوما

صلاح الشيخ كتب:

يا صديق الماحى ابداء حوش لانى انا لما اجيك ما بقبل غير عزومة فى فندق ميراج وما تنسى ح يكون معاى العيال 0
الله يكون فى عونك 0
الف شكر ومربا دوما

تدفع انت وتدينى حقى ناشف وأغديك بيه فراخ
لكن ليك على اوديك ميراج وأقعد جنبك اتفرج واضحك
هاك واحدة من الهترشات وعلى فكرة كلها حقيقية
واحد زميلنا سواق لى رئيس مجلس ادارة راكب مرسيدس جديدة ومعاه الباشا
عصر عليه بتاع دفار حكاها ليهو حكة بسيطة وما ظاهرة ذاتها
نزل وراح له بعد الشتائم التى لا استطيع ذكرها هنا
معليش يابيه بسيطة وانا اصلى ما بصيت اوى فى المرايا
راح كاسرهالو وقال له
اذن مالهاش لازمة
خلى سواق الدفار حا يتجنن

طالع للهدى

.... عايز قرض م البنك
... ومالو ما تاخد قرض وانا مالى .. عايز نى اضمنك ولا ايه العبارة
... لا الشركة تضمنى بس هو حلال ولا حرام
... حرام طبعا
... يخرب بيوتكم .. انا كل ما اسأل حد يوولى حرام
.... ولا تزعل نفسك يا اسطى .. انت بتصلى لربنا
.... لا والله و ف يوم الجمعة مكسوف أوى أوى .. الجيران اولاد الكلب بيبصولى بصة وحشة أوى
... بص يا سيدى .. روح ع البنك عدل وخد القرض ولا يهمك .. وأشترى لك كيلو لحم خنزير .. وقزازة خمرة .. وخد واحدة من اياهم وعلى الطريق الزراعى واتنييل زى ما انت عايز
... ليه كدة ياعم .. دى نصيحة تودى النار عدل
... ما انت أصلا كدة كدة رايح حاتروح من ربنا فين
... ياعم اتنييل انا أصلا غلطان اللى بشورك .. دة انا جبت نمرة دار الافتاء وحأكلمهم الصبح
وياخوفى وسواد ليلى لو طلع كلامك صح

كان دفع رشوة لي مولانا
مولا نا بفتل ليو الفتوي الدايرا

سكتت الهترشات لظروف وستعود