اصدق ما في الناس الاحساس لا الابتسام ولا الكلام ولا الدموع مرات من يبتسم لك من بره اكون ابتسامو دا باقي ضحكة عليك من جوة هدت في وشو ولا جبان غلبو امسكا ولانو جبان اكتر غلبو اطلعا ضحكة عديل عليك ايها الناس الاحساس الاحساس الكلام ما بعبر عن الاحساس والا ماقال الشباب الزول دا حبيتو حب صاح وهم يقصدون عكس ما يقولون اي كرهتو ولذلك اخطاوا مرتين حينما كرهو بدلا من ان يحبو ثم اخطاو في المره الثانية حينما سمو الكره حبا في حوص لفظي واضح والدموع كذلك لا تعطي الحقيقة فما تذرفه النسا وهي تقطع البصل اصدق واكثر مما تذرفه في بيت البكا علي الاقل ساعة البصل ليس هنالك مكياجا تخاف عليه وانما تقطع البصل بما حصل وبصدق وتبكي علي الميت بنفاق درامي ولا اقول بدموع التماسيح لان العلماء. قالو ان التمساح يدمع حينما ياكل قطعة كبيرة من الفريسة تسد حلقه وتجري دموعه صادقة ربما علي الفريسة وربما شعر انه اذنب في حق حلقه لانه اكله فوق ما يطيق وعلي كل هو افضل من تماسيح البشر الذين ياكلون فريستهم بمنتهي البرود بالمناسبه التلج اصدق واوضح من النسا والرجل لانه بارد في بيت البكا وبارد في بيت الفرح بعادين هو بتكسر لكين مابكسر تلج لي نفسو ولا بدفن راسو في الرمال زي النعام. بالمناسبه دفن الراس عند النعام ليس خوفا كما كنا نظن نحن بي جبن شديد برضو علما الطيور مش طيور العلما اكدو ان النعام يضع راسه علي الرمال ليسمع ويعرف كم يبعد الخطر القادم منه لان الرمال تنقل له ذبذبات نحدد له المسافة يعني شغل لاسلكي واستخبارات واواكس وانذار مبكر انتو نسيتو انو نحن صنعنا الطيارة ونحن نقلد في الطيور وما طالبتنا لا بحقوق الملكية الفكرية ولا براءة الاختراع ما قلتم ليكم نحن ما عندنا احساس وعشان اكون مش حساس بس اقل كضب نحن احساسنا بندفنو في الرمال زي النعام مش خوف بل من باب التنصت علي احساس الاخر عثمان مساعد لاتجعلها تغادرك ولا ترسلها لاحد لانه يعرفها اكثر منك وماتبتسم تقول الموضوع عجبك لا نو لو عجبك معناها فهمتو ولو فهمتو كان بتبكي ما بتضحك ما عندك احساس

اجمل احساس
انك عدت بعد غيبة لتملا جنبات المنتدى بالاحساس الجميل
وراجع ليكا تاني
عثمان سلام