شعر /عثمان مساعد ابوشيبه
ملحوظه(في كل بيت مثل او حكمه تعرف عليه)
الريد البنعرفو في الامثال
كان شالو مابنشال وكان خلو شغال البال
الخطوه اول سكه الاميال السايقه واصله مهما تكون الدروب طوال
النيه زامله سيدا حتي لو كان الدرب محال
دي النار من اصغر شراره بتبدا اشتعال
والبي الدموع بتبلبل باكر بعوما بحار
والضايق قرصه الفراق بخاف من الصبر لو مد ليهو حبال
درب السلامه في عينيك والانتحار والعترة بتصلح مشيك لو كان باستعجال
بس المكتوبه لابد تجيك مابتمنعا الاعذار
في الجبين تبين مهما طال الانتظار

مابتمشن مره بس دربين
ولا بتصدقن مره يوم بالين
الريده زي الابره مابتشيل خيطين
وكان الله اداك القدره اوعك يوم تسوي الشين
حبيبك لوبقي ليك عسل خليهو طبعك انت زين
رفيقك قبال طريقك خطاويهو تبين
تلقاهو جنبك في ضيقك وترجاهو باكر
اشاركك جديدك واقسم فرحك فرحين
مع تحيات ابو شيبه
نهاركم سعيد