نطرق فى هذا البوست للامثال الشعبية
لما لها من اهمية ..فى السلوك
وتشكيل الوجدان والتربية
كل منا يذكر المثل
ويحاول ان يشرحه
ومتين يضرب المثل
وتتم المداخلة من الاخرين
للاضافة او التعديل للشرح
ونبدا بالمثل البقول
(الجن بداوه كعب الاندراوه)
واضح هنا انو (الاندراوة )دى مرحلة اكبر من الجن
فاذا كان الجن بتعالج بصعوبه شديدة..فكيف بالاندراوة
معناها مستحيل العلاج..
المثل يضرب لما الواحد يعمل عمل او اتصرف تصرف عير عادى
وما مقبول ..او غير ملائم

زيادة
البحر ما بيابى الزيادة

زيادة عبد الباقى كتب:

نطرق فى هذا البوست للامثال الشعبية
لما لها من اهمية ..فى السلوك
وتشكيل الوجدان والتربية
كل منا يذكر المثل
ويحاول ان يشرحه
ومتين يضرب المثل
وتتم المداخلة من الاخرين
للاضافة او التعديل للشرح
ونبدا بالمثل البقول
(الجن بداوه كعب الاندراوه)
واضح هنا انو (الاندراوة )دى مرحلة اكبر من الجن
فاذا كان الجن بتعالج بصعوبه شديدة..فكيف بالاندراوة
معناها مستحيل العلاج..
المثل يضرب لما الواحد يعمل عمل او اتصرف تصرف عير عادى
وما مقبول ..او غير ملائم

علي ما اعتقد انو الاندروة ادعاء الجنون
اي ان الجن معروف

الخيل تجقلب والشكر لي حماد
وفي رواية (تقلب)
ويطلق عند ينسب عمل شخص لاخر

السواي ما حداث
ويطلق علي المنافق
الذي يقول قولا او يقطع وعدا
ولايفي بقوله او وعده

ابن الوز عوام
ويطلق علي من شابها اباه

الخيل تجقلب والشكر لي حماد

السواي ما حداث

جارك القريب ولا ود امك البعيد

جراده في كف ولا الف طايره

التسوي كريت في القرض
تلقي في جلدها

البِعِد ولا الدار ام سعِد

الباب البجيب الريح سدو واستريح

الزول البجيب ليك الشمارات
ابتعد منو

الما بتلحقو جدعو

الزول المابتجارو في الكلام
اتخارج منو

الدكتور محمد الطيب
اشكرك فقدت اثريت البوست
بامثال راءعة
وننتظر المزيد

باش مهندس عوض
اشكرك وفى انتظار
روائعك
واكيد لك الكثير

الحبيب ابو الوالدة
لك وللاسرة التحية والاشواق
مثلك لايحتاج الى شرد
( وزيادة الخيرخيرين)

دنيا دبنقا دردقي بشيش
والمثل لأهلنا ناس دارفور
الدبنقة هي برمة الفخار
مقصود المثل يعني الدنيا دايرة بصارة للتعامل معاها
لو اتعملت معاها بلا اكتراس انكسرت

إن وقع الصقر كتر البتابت عيب
يحث على الصبر حين وقوع القدر

اخوك إن بقى ليك عسل
ما تبقى ليه متاخ
ينهى عن الانتهازية

درب السلامة لي الحول قريب

المال تلتو ولا كتلتو

الشقي في الفشفاش يلقى عضم

بليلة مباشر ولا ضبيحة مكاشر

الضايق لدغة الدبيب بخاف من مجر الحبل

الحسنةفي المنعول زي الشراية في القندول

الساعدو في قبر أبوه دس المحافير

قلبي علي جناي وقلب جناي علي حجر

الحبيب الرائع ابو هدى
نتحسر على الفترة التى
امضيتها بعيدا عن المنتدى
ولكن عزاؤنا انك بيننا
نحسك جوة فى المنتديات
بمساهمات جميلة كجمالك
البوست اخذ الحيوية
والنشاط..منك
ونتشوق للقادم
ودمت

البيتو من قزاز ما يرمى الناس بالحجار
يعنى اذا فيك عيوب ما تظهر عيوب الاخرين

الفيك بدربو
عندما تتهم الاخرين باشياء هى فيك

شعرا ما عندنا ليه رقبة
عندما يقتنع الشخص بعدم جدوى تحقيق هدف

بعد لبنت اداها الطير
عندما يصل الشخص لمرحلة قطف ثمار عمله
ثم يهمل ذلك

سفرا باليد موبعيد
يضرب الى امكانية تناول الشئ بسهولة(حالة الاكل كمثال)

ما تشكر لى الراكوبة فى الخريف
يضرب لوجود ثغرات او سلبيات واضحة على الامر تظهر فى وقت معين

إيد لأيد تجــدع بعـــيد

العرجــاء لي مــــراحها

علمناهم الشحــتة سبقونا على الأبواب

الحــوار الغلـــب شيخـــــــــو

نومــة الديــك في حبل الغســـيل