شعرا ما عندنا ليه رقبة
عندما يقتنع الشخص بعدم جدوى تحقيق هدف

بعد لبنت اداها الطير
عندما يصل الشخص لمرحلة قطف ثمار عمله
ثم يهمل ذلك

سفرا باليد موبعيد
يضرب الى امكانية تناول الشئ بسهولة(حالة الاكل كمثال)

ما تشكر لى الراكوبة فى الخريف
يضرب لوجود ثغرات او سلبيات واضحة على الامر تظهر فى وقت معين

إيد لأيد تجــدع بعـــيد

العرجــاء لي مــــراحها

علمناهم الشحــتة سبقونا على الأبواب

الحــوار الغلـــب شيخـــــــــو

نومــة الديــك في حبل الغســـيل

العارف عزو مســـتريح

الكلب ينبح والجمـــال ماشــــة

وسمنـــــا في دقيقـــــنا

والماعنــدو قديـــم ما عنـــدو جـــديد

الجمــرة بتحرق الواطيها

دخول الحمــام مازي خـــروجو

الزارعنا غير الله اللقلعنا
والحشاش اللمأ شبكتـــو

اكل ومرعى وقلة صنعة
يضرب للانسان الخامل

ابو زنة يتمنى يدخل الجنة
يضرب عن تمنى المستحيل

اطعم الفم تستحى العين
اذا اردت ان تكسب انسان فاحسن اليه

الاسم شايع والبطن جائع
الشهرة لا تدل على ما يوازيها

الحبيب ...الحبيب ابوضاح
شكرا على المرور الجميل
والامثال..الرائعة
ولسه..
(يا مافى الجراب يا حاوى)
منتظرنك
يا غالى
تكتب طوالى

الحبيب اللطيف
صلاح الشيخ
اشكرك على الاضافة
الجميلة..
مستنينك
(وزاد الحبان ليه مكان)

الباكرية شباب
يضرب للنشاط والبء بالعمل دون نراخى

زى ضل الدليب
يضرب لمن يفيد البعيد بدل القريب

وطاتك اصبحت
عند الفشل

ان كترت عليك الهموم ادمدم ونوم
عند العجز على حل المشاكل

ان داير تشوف فاطمة شوف امحمد فى السوق
لتشابه الاخ والاخت

القلم ما بزيل بلم
للانسان المتعلم ولا يحسن التصرف

الطشاش فى بلد العمى شوف
اى ان تتمتع بالقليل الذى لايتمتع به الاخرون

عايرة وادوها سوط
وبلاد ابوك كان خربت شيل ليك فيها شلية

الجاتك فى ما سامحتك
اى المال ممكن الحصول عليه

الفى البر عوام
للذى يقول ولا يفعل

لاتضربو بى الامثال كالمستجير من الرمضاء بالنار

ولنا لقاء لشرح سبب قول هذا المثل ؛؛؛؛؛؛؛؛؛؛؛؛؛

صنعة امانة من الفقر وكتر الصنع فقر

مد رجلك قدر لحافك

العين ما بتعلو علي الحاجب

القرش الابيض لليوم الاسود

المال ضل ضحي

اي المال مهما كثر زي ضل الضحي يزول عند منتصف الشمس

العود كان مافيهم شق ما بقول طق
اي العود كان ما مشقوق ما بنكثر

المكتوب علي الجبين لابد ان يبين

تجري جري الوحوش غير رزقك ما بتحوش
مهما عملت اي حاجه غير رزقك المكتوب ليك ما بتلقي

زياده عبد الباقى موضوعك جميل جدا,وأنا سمع بيك وماحصل شفتك.
لما تجى سيرة الأمثال بتذكر أمى آمنه(حبوبتى بت الشريف)مرجع الأمثال والأدعيه المقفاه.
أهلنا الغرابه بقولو(ألمى حار مو لعب قعوى).
وده مثل تحذيرى يعنى الماء الحر ليس ملعبا للضفاضع.

ماتو موت الضان
يعني الماعز اذا لحق بها ضرر يرفع صوته مستنجد اما الضان لايرفع صوته الا لولده ولو هجم الذئب فهولا قوم لايستنجدون با حد حتي يموتوا عن اخرهم (يضرب مدحاً للشجاعه)
قبيلة فلان ماتو موت الضان

شجراي كان اتلولح ما وحيدو يا ابلاي يا هبوباي
كان الشجر اتلولح يا في رياح عاتيه او شخص يقطع منه
(مثل كردفاني)

راس الحكمه................. مخافة الله
الرئيس او زعيم القبيله يحكم بالعدل هو من يخاف الله

الجاهل بيدي بيت امو النار
الطفل الصغير لو لقي نار بجدعها في اي حاجه في البيت

الحبيب زيادة
تحية طيبة فكرة الموضوع جميلة ولكن هناك أمثال تدعو الي الأنهزامية مثل المثل القائل : علمناهم الشدة سبقونا علي الأبواب ’ويوجد مثل يحمل نفس المعني ولكن أفصح وأبلغ وهو علمته الرماية وعندما أشتد ساعده رماني و الكثير من الأمثال المذكورة تحتاج الي مراجعة

جارة امك ولو كانت عورا