وين الاخ الطيب محمد احمد الزول الانيق صاحب الكتابات الانيقة .. لعل المانع الشبكة ؟؟

استاذ مضوى غيابك طال الحاصل شنو؟؟ .. ولا الخروف خرب الميزانية

كل الغائبين
انتم حضورا فى الوجدان .. بس ما تعملوها ظااااااهرة كدا

يا ناس عوووووووووك
وين وليد التلب
ليهو كم مختفي ان شاء الله الداعي خير
أظهر وبان وعليك الأمان

يا جماعة وليد كمال وينو
راح ولا شنو
فتشوا عليهو وادونا خبر

يا جماعة وليد كمال وينو
راح ولا شنو
فتشوا عليهو وادونا خبر

اشكرك استاذ صديق كثيرا
انقطعت عنكم لايام .. وكم انا فى شوق اليكم .. وسر الانقطاعة هو الذهاب للهدى لاداء بعض الواجبات !! وها قد عدنا

يا خواننا سراج دا وين ؟؟ الزول دا يتاوق ويمنعنا المتاوقــــــــة !!

لا ضحوة جابتو .. لا ضهرية مرقتو .. داير يطلبوهو ولا شنو ؟؟

سلام بعد الغياب الطال كل عام والجميع بالف خير

حمدا لله على سلامة الالفة الغائب ....... وينك من زمان دفتر الغياب مليان

ودفتر المهرجلين انت طبقتو وشلتو معاك ..... اظنك حافظهم !!

سراج الفاضــــل

خــــرج ولــــم يعد حتى الآن ,,

زمن الخـــــروج :

مابين الضحـــــــوة والضهـــــرية ... !!!

اوصافــــــــــــــه :

متوسط القامة وطويل الامال ,, مجردل ,, مهموم بقضايا البلد ,, عيونه صافية ولكنها تحمر

عند رؤية الشباب التائه ما بين سيجارة وسيجارة .... !!!

نرجو ممن يتعرف علية تسليمه للاخ عوض الله خيارى عند بوابة المنتدى ..... !!!

وينك يا خينا غيابك طال ؟؟

صلاح الشيخ تااااااااااااانى لبد

شنو؟؟

ياوليد وينك انت
ما مفروض تغيب
حتى لو بى اذن

الالفة وسيد الإلفة
نسال عنك ومستنين
ظهورك

وليد كمال غيابك طال

اولاد الماذون
الطيب اظهر
وظهر معاك
ناس وليد الماذون
ومحمد نور

زهير بخيت
اين انت يارجل
اظهر - وبان

سراج شد سرجك وتعال
احرس قصعتك الغنم ما ياكلنها

الأخ حسن اسماعيل .. لك التحية
طولت الغيبة المرة دي .. ما من العادة .. إنشاء الله المانع خير .. أكيد جاي وجايبك معاك مفاجاءات والله مش ؟

نحنو بالعكس غيابنا طال من الاخوان وللذلك نسائل منهم
كل من الاخوان محمد صالح عبدالكريم على والاخ مهند الامين
والصادق محمد احمد التلب والسر الدسوقى والاخت ياسمين عبد الشافع
وكل الاخوه والزملاء فى الدراسه والاهل فى الهدى وحى النور ؟؟؟؟؟؟؟
مهدى محمد سليمان من ايطاليا

الاستاذ مضوى

غياب لمدة اسبوعين بدون اذن , وينك يا راجل

حصص التركيز بدأت وبعتنا ولا شنو؟؟

الاخ صديق حمـــــــاد شرف

منذ اشتراكك لم تعودنا هذا الغياب ,, لعل المانع خير

اين انت يا عم ؟؟

نعتذر عن الغياب في الفترة السابقة نسبة لظروف وكم تشوقنا للعودة والمشاركة يا وليد ان شاء الله خليتو لينا حبة قرع وشكرا اخي وليد للسؤال وناولونا حبة قرع بالشرمة ديك ........ولك مودتي

عوض خيارى كتب:

ياوليد وينك انت
ما مفروض تغيب
حتى لو بى اذن

يااخوانا مامعقولة .. لا وليــد .. ولا عوض الله .. ولا صديق خالد ..
الناس دي مشـت ؟ .. الحكاية شـــنو ؟

عبدالرحمن مدثر قال عايز يقرا تقول قالو ليه .... مابنقدر نكتبعا الا بالحبر السري
ووليد كان عندهم عرس اخوه والعرس انتهى
طيب وين استاذ مضوي
ابوشيبة
اولاد الكوري عاصم وعصام
ابومهدي سراج الفاضل
حسن اسماعيل
وودالشريف
الزبير محمد علي
محمد الامين عبدالنبي
حسبو الخزين
وكل الحريم

التحية للباشمهندس أحمد محمود الضو

وين طولت الغيبة .. وماعادتك .. إنشاء الله المانع خير ..

التحية لكل الشباب ولكل من سأل واستفسر
اليومين دي أعذرونا لأن ظروفنا شوية قاسية من ناحية الكهرباء والكمبيوتر قاعدين نشغله بالشمع.
وجميعكم في البال

الاخوة الاعزاء لكم التحية ونعتذر نسبة للغياب في الفترة السابقة لظرف خارج الامكأن فأحيانا تاتي الظروف دون سابق إنذار اخي صلاح فلكم مودتي ومحبتي٠

صلاح الشيخ كتب:

احبائى مشرفى واعضاء منتديات الهدى
السلام عليكم ورحمة الله
لكل منا ظروف قد تجبره من التغيب عن المنتدى بدون ما يكون لنا معلومة عن سبب غيابو وبما اننا بمسابة الاخوان بل اكثر من ذلك ونهتم لامر بعضنا الرجاء الاعتزار قبل الغياب حتى لا يصيبنا القلق عليكم 0
دمتم فى حفظه ورعابته0

التعليق متروك للاخوة
الاعضاء
ابومثابة

شكراً الاستاذ صلاح الشيخ لفتحك لهذا البوست الذى وضحت اهميته كثرة الردود عليه.
والشكر الجزيل للحبيب عبد الرحمن مدثر ونتمنى ان نكون حضوراً في اروقة المنتدى لنستشق عبير التواصل.