التحية والشكر لسوق الهدى فى وقفته مع المدارس والسوق دائما ما بيقصر
السوق هو جز من حياتنا وفاتح بيوت كثير من الناس فدعونا لا ننظر اليه مجرد سوق جامد فهو كائن حي يحس بمعانات أهل الهدى
التحية لكل بائع ولكل مشترى ولكل زائر لهذا الصرح العملاق

صلاح الشيخ كتب:

ود الماحى /حبابك0
والله موضوعك لمًا الناس0
والسوق كل ايام الاسبوع شغال 0
وبقى مصدر دخل ثابت وفتح بيوت0

تداخلت المداخلات وتوافقنا فى الخواطر لم ارى مداخلتك ياصلوحة لكن كان توارد فى الخواطر وفعلا سوق الهدى كما قلت
شكرا صلاح وصباحك زى العسل

التحيه ليك ود الماحي
سوق الهدي الغد الواعد
فكلنا نحلم بي ناصيه جوار الناير هذا لو صدقت ذاكرتي
فسوق الهدي احد الرموز التي تكمل الصوره الحلوه
ارتفاع الاسعار .
الضرائب.
هذه متعلقات بالسوق العالمي فلابد ان ياخذ سوق الهدي نصيبه
بس الاهم ان تكون العوائد موظفه في المكان المناسب
لك التحيه والشوق

بلال مامون البشرى كتب:

التحيه ليك ود الماحي
سوق الهدي الغد الواعد
فكلنا نحلم بي ناصيه جوار الناير هذا لو صدقت ذاكرتي
فسوق الهدي احد الرموز التي تكمل الصوره الحلوه
ارتفاع الاسعار .
الضرائب.
هذه متعلقات بالسوق العالمي فلابد ان ياخذ سوق الهدي نصيبه
بس الاهم ان تكون العوائد موظفه في المكان المناسب
لك التحيه والشوق

الف مرحب بالأخ / بلال
السوق شع نورا بمروركم
عندك لينا شنو فى السوق ؟
نحن أشنرينا منك هذا الرأى السديد فى موضوع الضرائب والرجاء التنسيق مع مامورية الضرائب بقيادة استاذ كباشى
كل سوق وانت طيب

لك التحية ود الماحى وانت تفتح نوافز مشعة يخرج منها النور والنار
لكن هنا بعض الحقائق
1- ناس الهدى فى سوق الهدى قوى شرائية وليس بياع يعنى (كل التجار بقو من خارج المدينة) وياحليل السمانية الكانو سادين عينا
2- اولاد االهدى فى السوق الاغلبية عتالة وليس ملاك (ودى نسبة للفرص الضعيفة للتعليم وراس المال)
3- من الاشياء الغير مقبولة الطلاب كل الانظار من المدارس للسوق وليس للجامعة او الجامع
وفى هذة المساحة اتمنى من الجميع الاضافة ليس للتعليل ولكن لنعرف المشاكل ونعرف اين الحلول
ولكم الشكر

على احمد ابوشنب كتب:

لك التحية ود الماحى وانت تفتح نوافز مشعة يخرج منها النور والنار
لكن هنا بعض الحقائق
1- ناس الهدى فى سوق الهدى قوى شرائية وليس بياع يعنى (كل التجار بقو من خارج المدينة) وياحليل السمانية الكانو سادين عينا
2- اولاد االهدى فى السوق الاغلبية عتالة وليس ملاك (ودى نسبة للفرص الضعيفة للتعليم وراس المال)
3- من الاشياء الغير مقبولة الطلاب كل الانظار من المدارس للسوق وليس للجامعة او الجامع
وفى هذة المساحة اتمنى من الجميع الاضافة ليس للتعليل ولكن لنعرف المشاكل ونعرف اين الحلول
ولكم الشكر

ملاحظات فى غاية الأهمية والخطورة
واضم صوتى لك ونتمنى كل من لديه حلول ان يقترحها هنا
ولابد من الثورة من خلال المنتدى والموقع على كل شائن
ولابد ان نشرك اهلنا شيبا وشبابا فى ما يكتب هنا من مشاكل وناخد رأئهم حتى يتم التفاعل فى المشاكل والجميع يد واحدة من أجل الهدى وانسان الهدى
شكرا اخى على احمد ابو شنب

الاخوة الاعزاء
التحية للاخ علي ابو شنب الذي أيد ما ظللت اردده بان الهدى تعاني من غربة وفي كل المجالات ( غربة في القيادة غربة في التجار , غربة في موظفي المحلية , بلغت الاستهانة بالهدى عند موظفي المحلية بطرح الشارع الريئسي في سوق الهدى في مزاد وتوزيعه أكشاك - الشارع ممتد من الكبري الي موقع البوسته القديمة ويمر امام المستشفى وتم البيع فعلا ولكن عند تسليم الاكشاك تصدي نفر كريم من تجار الهدى لذلك وتم تبديل الموقع وظل الشارع كما هو - ولكن هل كل مره تسلم الجرة )- بالنسبة للسوق وهذا يعود لمستوي دخل الافرد في الهدى حيث الاغلبية من اهل الهدى يمتهنون الزراعة , السوق مفتوح لك من رغب من أبناء نلاحظ ضعف استثمارات ابناء الهدى المغتربين في السوق

تمام يا هيثم
أرصد لنا كل مخالفاتهم هنا
ونشكر النفر الكريم الذى تصدى لهم
ولابد من ان يحس كل من فى المحلية بوجود رقيب عليهم ينقدهم لو أخطأوا

الاخ صديق
نشكرك وانت تطرق ما يدور في سوق الهدي ..في الخريف حقو الناس من السوق تقيف ..تقيف لماذا؟ لان الجزاره حاله بالبلاء الضبح في اطراف السوق واحياناً بمنازل الجزارين الهم جزارين حقيقه سعر الكيلو الا يشتركوهو تمانيه انفار 18 الف ج دي لحمه بقر ولا سمك كان سمك يكون يالله قابضنو عوم وكان قابضنو عوم برضو ما مفروض يلحق السعر دي..الله يكون قي عونك يالمواطن..اما سوق الخضارحدث ولا حرج تلقي بتاع خضار فارش جنب بركة مياه وناس الصحه دائرين الصحه ....والله الكلام في السوق ما بكمل
مع تحياتي

ودالماحي سلام
سوق الهدي غيره من الاسواق في زمن قل فيه الطلب والعرض
ودخلت عليه لغة الطلاق والحرام والحليفة من اجل بيع السلعة
فقد كان يضج بالسياسة المتعلقة بالمشروع والونسة التي لاتخلو من زكر المفتش وناس الاتحاد
وكانت الطرفة بين فكي اي انسان بسيط تمشي تحكيها لناس الفريق
فكان يوم السوق يوم جديد
اضافة معرفية وحوامة في المليان
فاذا لم تشتري تبيع الطيب من الكلام
والدين كان سنة لفك الكرب وحل المشاكل
فكثير من المشاكل الاجتماعية كانت تحل في دكان ودالسماني اوخضر احمد عباس او ودالتويم او ودرحمة وغيرهم
وكثير من المبادرات خاصة المتعلقة بالتبرعات والوقوف مع اي انسان تنطلق من السوق
فمامن انسان في الهدي الا متسوق يوم الاثنين اوالخميس
فاصبح الذهاب الي السوق جزء من ثقافة ناس الهدي
حتي الاطفال يمكن ان يمنعوا من الذهاب للنادي اوالميدان ولكن يسمح لهم بالعمل والحوامة في السوق
حينها كان السوق ذو رسالة مكملة للمدارس والمساجد والمزارع والمتاجر...
اما الان فاصبح السوق
نار في الاسعار
ومرتع للمشاكل والخلافات
وضاقة نفوس البائع والمشتري
من كمية الجبايات والرسوم المتعددة المسميات
فاصبح البائع يبع السلعة من اجل سد الرمق
واصبح المشتري والذي في الغالب اما مزارع مفلس لعدم وجود الفردي من القطن والعائد المجزي من القمح ومونة السنة من الذرة او موظف غلبان ينتظر مرتبه الذي لايكفي ل5% من الاحتياجات
والصحية الثالثة بالاضافة للبائع والمشتري هي بيئة السوق والشكل المظهري
فاصبح الناس لايذهبوا الي السوق الا لضروة الضروريات
فاي مقترحات يمكن ان تصب في تهيئة بيئة السوق
ولكن
البائع والمشتري
كاهم مقومات السوق
حلهم في تبدل الحال
برفع الجبايات عن كاهل محمداحمد الغلبان
وارجاع البسمة للمشروع ليدر مالاً واخلاقاً وتواصلاً بين
التجارة والزراعة
ودا كلام دائر ارادة دولة
وحماسة امة حدثت بالنهضة
حينها فقط
يمكننا ان نتحدث عن سوق الهدي
البنعرفو
ونعوداليه بعد ماكنا في غربة سوقية
ودالامين

الأحباء
محمد الطيب ابراهيم
محمد الأمين عبد النبي
لكما الشكر على مروركم واضافتكم الثرة لمشاكل سوق الهدى
رغم ما تقولانه حقيقة مرة ونقد بناء للسوق ونتمنى ان ينتبه الناس لهذا الصرح ويرجع السوق كما نحبه
كل هذه التجاوزات تحتاج لارادة قوية لتغيرها الى ايجابيات فى السوق
لكما كل الود

ماهى أخبار السوق بعد غيبة نسأل؟؟؟

وتانى نسأل
لا نفتر من السؤال

يا سلام بالله سوق الهدى كيف....الجزارة والخدرجية وناس الرغيف...؟؟؟ الله ياسلام ربنا يحفظ لينا بلدنا من الشرور....

شكرا يا دكتور على المرور
كيف درجة حرارة السوق ؟

اخبار سوق الهدى يا ناس

ﺧﺒﺎﺭ ﺳﻮﻕ ﺍﻟﻬﺪﻯ ﻳﺎ ﻧﺎﺱ
ابو وحيد اخبار سوق الهدي كل ما تنوم وتصحي تلقي الاسعار راكبه طياره كان نايم مع سيد الدكان يتصل تلفون الخرطوم اه البضاعه بقي سعر كيف وهي في مخزنو وعلي طول بالسعر الجديد . النار تشتها ابرد من السوق.

جوتل العيش من 250 الي 320فرق سوق واحد.وكل الماكولات .والرغيف وزنها جرام او اقل 3بي الف ج.الشافع ما بفطرنو .الله يكون في العون

جوتل العيش من 250 الي 320فرق سوق واحد.وكل الماكولات .والرغيف وزنها جرام او اقل 3بي الف ج.الشافع ما بفطرنو .الله يكون في العون

السوق فيك يسوق حالك ما بتسر الا في ناس هناك فايتاك بالصبر
الزيادات دى شكلها عالمية والسوق نار الله الموقدة

ابو حيد الله يكون في العون
الصبر فات حد الصبر

الامل موجود يا دكتور وسيتغير الحال لو نحن اتغيرنا شوية