بلادي انا بلاد ناسا مواريثم في اول شي كتاب الله وخيل مشدود وسيف مسلول حداهو درع تقاقيبن تسد الليل مع الحيران وشيخا في الخلاوي ورع والله كم نخلاتن تهبهب في جروف الساق بقره حلوبه تضرع وليها ضرع وساقيه تصحي الليل مع الفجراوي يبكي الليل ويدلف في جداولو دمع يخدر في بلادي سلام خدرة شاربه موية النيل تزغرد في البوادي زرع بلادي سهول بلادي حقول بلادي الجنه للشافوها او للبره بيها سمع بلاد ناس تكرم الضيف حتي الطير يجيها جيعان ومن اطراف تقيها شبع تشيل الناس وكل الناس وسع بي خيرو لينا يسع وتدفق مياه النيل علي الخيران بياض الفضه في وهج الهجير بيشع بلادي الصفقه والطمبور بنوتا تحاكي الخيل تشابن ذي جدي الريل وشيالا مكنتل في الطريفو ودع بلادي بلاد من التاريخ من تيرهاقا لاعن ميسنا حتي ان جاي بي خيرو تروع بلادي امان بلادي حنان وناسا حنان يكفكفو دمعة المفجوع ويحبو الدار يموتو عشان حقوق الجار كيف الحال لو شافوها سايله دموع ديل اهلي ديل اهلي يبدو الغير علي زاتم يقسمو اللقمه بيناتم يدو الغير حتي ان كان مصيرم جوع ديل اهلي البقيف في الدارة وسط الداره واتنبر واقول للدنيا كل الدنيا ديل اهلي ديل قبيلتي لمن افصل للبدور فصلي اصحاب روحي والاحساس وسافر في بحار شوقم زمان عقلي اقول بعض الاقيهم تسربو في مسارب الروح محلت قبلت القاهم معاي معاي زي ضلي وكان ماجيت من زي ديل واسفاي واماساتي وازلي تصور كيف يكون الحال لو ماكنت سوداني واهل الحاره مااهلي٠لك الرحمه الرايع اسماعيل حسن

اقتباس :

بلادي انا بلاد ناسا مواريثم في اول شي كتاب الله

ياريت لو شباب اليومين ديل يرجعو لكتاب الله عز وجل

تسجيل قديم

تصور كيف يكون الحال لو ماكنت سودانى واهل الحارة مااهلى

الاخ طلحة كل الشكر والتقدير