سلام لي رئيس اللجنة الشعبية ورئيس لجنة حي الصفاء
عصام حبيب الله بحكم انك رئيس اللجان الشعبية بالهدى ولان الهدى كبيرة وملك للجميع والجميع عايز يخدم ويساعد الناس عايزة تعرف خططك المستقبلية شنو والحالية وكيف يتم التطوير سواءْ كان بالدعم الحكومي او المحلي
والاخ صديق الماحي بح صوته وجف قلمه وفتر كيبورده من مناداتك للتشاور معك وان يسمع مافي خططك وان تسمع انت بدورك راي اهل الهدى فهناك كثير من ابناء الهدى خارج المنطقة ولكن يمكن ان تجدهم على صفحات المنتدى او الفيس بوك
وفي الاتصال العجالة الاخير تحدثت معي عن قيام مؤتمر جامع لكل اهل الهدى يدعو للوحدة والعمل على تصافي النفوس ويعمل على خدمة المنطقة
لم نرى شيئا اترى لم يحن الوقت ام كان هذا مجرد وعود
الان امامك فرصة لتثبت ماقلت وتقول
تغلم ان هناك فصل من المحلية منذ فترة يرقد ارضا والان قام الاخ محمد الطيب وناصر وابوعبيدة بحفر الاساس لهذا الفصل اين دوركم
نريدك ان تشمر عن ساعدك وان تستنفر معك اخرين
خلي الناس تجدد ثقنها في اللجان الشعبية وليعلموا كما تعلم ان هذه الرئاسة تكليف وليس تشريف وانها يوم القيامة خزي وندامة الا من اداها بحقها
ولانريدك ان تندم . نحن لانو راجيين منك الكثير لخدمة المنطقة وماعارفين انت بتعمل في شنو ولانو ماعارفين بالنسبة لينا ماعملت حاجة الا ان تثبت عكس ذلك
اما الاخ علي جاموح ياخي انت زول اقدمية وخبرة ساي في العمل العام مفترض تكون الحاجات ماتاخد معاك دقيقة وانت الان بصفتك رئيس لحي الصفاء
تمشي وتجي كل يوم جنب الفصل المعني ولاتحرك طوبة انت اكتر زول مفروض تكون شغال بالموضوع ده لانك داخل بي سهمين
الاول انك في اللجنة الشعبية
والتاني انك ساكن في هذا الحي وابناءك هم من يستفيدون من هذا الفصل
عشان كدة يفترض تكون اول زول يشيل العزمة لحفر الساس وبعد كدة تعما نفير للبنايين والطلب وتقيف في الفصل ده لحدي مايكمل عشان الناس تفكر في الفصل التاني او اجلاس الطلاب او حتى عمل ترابيز للمعلمين
نحي كل القابضين على حمر القضية لخدمة الهدى وسحقا لكل متخاذل