السلام علي من إتبع الهدى وهو من الهدى
‏ طيب...
القسم ده إسمو قهوه و فرفشه ،والمواضيع دي كلها فرفشه
فالقهوه وين؟؟؟
علي ما أظن القهوه قاصدين بيها و نسه . ولا كيف ؟؟؟
فحبدأ أنا...
حاليا عندنا مطره شديده ربنا يجعلها أمطار خير و بركه . فسؤالي ليكم كيف جو رمضان عندكم كيف؟؟؟

ياسلام على رمضان

واحد جارى هنا فى محل الشغل بحكى لى عن انو احلى رمضان فى كل الدول العربية

بكون فى السودان .. خصوصا فى هذه الايام .. غيمة ورزاز .. وجو جميل


مافى جوع

ماااافى عطش

ماااافى شىء

بس شوية قلق

تكون دى قهوة الصباح ياربى

ولا دا قلق من كور بكرة

بوست جميل ياهناءلمزيد من التواصل والوصال



خربشة

عارفة العلاقة بين ام على .... وعلى شنو ..........؟؟

كلامك صاح يا عبد الرحمن رمضان السنه دي أحلى في السودان.
وبالمناسبه أنا شمتانه في واحد ود خالتي وهو عارف نفسو . هرب من رمضان السودان ومشى السعوديه في أبرد منطقه فيها وكان بغيظ فينا إنو خلانا للسخانه .
و ألذ شيئ إنو مشى بي هنا و الجو بي هنا بقى رهيب و لقى منطقتم البارده قلبت سخانه شديده و الجرسه حاصله .
وباقي لي إنو العلاقه بين علي وأم علي إنها أمو .
ولا كيف؟؟؟

سلام ياهناء كيفك والاسرة عسى الجميع بخير
انت كتر خيرك قلتي عايزة تعرفي اهلك
طيب انا ابو الطيب وعزمي كانوا ساكنين ابوادم
مربع 4 وكنتو بتزوروهم في البيت وامهم بت صديقة فكي عبدالله
طيب نجي لي ود خالتك

اقتباس :

و ألذ شيئ إنو مشى بي هنا و الجو بي هنا بقى رهيب و لقى منطقتم البارده قلبت سخانه شديده و الجرسه حاصله .

كان جايب ليكم الكُج شكلو تاني لو عايزين حاجة كويسه تحصل ليكم دخلوه معاكم وقبل ماتكمل حاولو خارجوه هههههه
التحية عبرك للاسرة ورمضان مقبول باذن الله
والقهوة بتاعتكم مبروكة عليكم مابقدر اشربها معاكم خليناها ليك انتي وعبدالرحمن لانو لسه صايمين باقي لينا 5ساعات بس

السلام عليكم
وإتشرفت بالمعرفه وبالمناسبه أنا فعلا مابعرف أهلي . لكن ماما بي هنا بتغششني وتوريني الناس .
وفاتتك قهوه تقيله لكن مامشكله هي مدوره طوالي .
إتفضل في أي وقت .

رمضانكم مبارك عليكم
وانا عرفتو الكان مخرب عليكم
كما قال اخونا ابو الطيب
ومعلومه الجو كان عندنا حلو
قبل ما ايجي هههههههههه
دمتي بس القهوه طيبه في السودان


___________
لله الحمد والمنة

الله أكرم و تصومو و تفطرو ع خير . و ربنا يصبركم علي الجو وأمسكو العرفتو و ياهو زاتو ما تخلو يجينا تاني عشان عايزين نستمتع بالجو الحلو ده شويه
سلامي و ناس البيت ليك وكيف الأحوال ؟
و القهوه مسبوووكه.

سلام و الله الموضوع جميل بس لازم القهوة تكون بعد الافطار ومع ابداعات رانيا هارون وضحكة عمنا السر قدور و بعد كدا ما نشوف الا اشراقات وسنا ونوار

مشكور يا علاء علي القهوه اللذيذه .
و قهوتنا مدوره صباح و مسا وإتفضل في أي وقت ياهيثم.

القهو عندكم مدوره صباح ومسا رمضان عندكم
بقة ذي كاس العالم ولة شنو

ذكرتني نكته
واحد حلفاوي رمضان جرسو جرسه شديييده قام قال هسي رمضان ده لو عملوهو زي كاس العالم يجي مره كل أربعه سنين مالو؟؟؟

وكمان يا هناء واحد حلفاوي قال الشهور العربية دي فيها ربيع اول وربيع ثاني وجمادى الاولي وجمادى الاخر بس الحمد لله ما فيها رمضان الثاني

عجبتنا القهوة وقولنا نتكي معاكم شويه
واحد جرسا قال يارب ذي ماشممتنا ريحة الابري شممنا ريحة الخبيز
ونشاءالله الدقيق يكون متوفر والافران فاضية

الدقيق متوفر و الأفران مزحومه يا موسى و الأسواق خليها ساي تقول الكعبه حولوها الخرطوم و الحج بدأ.
لكن والله ما عايزين رمضان يفارقنا
يا حليلووووو.

ماشاء الله عليك ..
سلام هناء بت أختنا وصال حمد و حفيدة حمد ..
وقهوتك مدورة وسمحة وما خمج ..
وشامي ريحة بخورك .. اصلي أنا بشربها بي بخور
بس تكون مدورة على طول مش زي كأس الدوري

[quote="هناء حفيدة حمد"]كلامك صاح يا عبد الرحمن رمضان السنه دي أحلى في السودان.
وبالمناسبه أنا شمتانه في واحد ود خالتي وهو عارف نفسو . هرب من رمضان السودان ومشى السعوديه في أبرد منطقه فيها وكان بغيظ فينا إنو خلانا للسخانه .
و ألذ شيئ إنو مشى بي هنا و الجو بي هنا بقى رهيب و لقى منطقتم البارده قلبت سخانه شديده و الجرسه حاصله .

انتو يا جماعه الكلام ده عنــــــــي انا

هــــــــــــــــوووووووووووووووووووي

و ألذ شيئ إنو مشى بي هنا و الجو بي هنا بقى رهيب و لقى منطقتم البارده قلبت سخانه شديده و الجرسه حاصله.


وانت عارفه يا هناء: انا اسي دي في المنطقه الحاره الذكرتيها (الساعه1-2-3)عز السخانه في السودان(الخرطوم(ودالعقلي)) انا متغطي بالبطانيه البرِددددددددد..؟

وانا عرفتو الكان مخرب عليكم
كما قال اخونا ابو الطيب
ومعلومه الجو كان عندنا حلو
قبل ما ايجي ههههههههه؟


___________

الظاهر انو عندنا جواسيس بيجاي

ديل بكونو هلالاب يا وائل و السنة دى ماشية معاهم و ان شاء الله يوم الجمعة نبارك ليك العيد مرتين ونتمي القهوة تتحول الي شاى المغربية

كل سنه و الكل بألف خير ويعود بالصحه و العافيه.
طيب الحمد لله القهوه بقت عامره وربنا يزيد و يبارك .
و أسمحو لي أغيظ الناس البره السودان إنو العيد في السودان طعمو برااااهو .
و شرفت القهوه يا خالو طارق . و يا ولي تعال عشان تشوف براك .
ويا هيثم و الله أنا دمي أحمر ومريخابيه والحمد لله

عيــــــــــــــــــــد سعيــــــــــــــــــد


عيدسعيد لكل ناس القهوه........؟

اولاً: يا هيثم بنت الخاله (هناء) من كبار المريخاب
وكان اتكلمته في المريخ بتوريييييك
والله يا هناء هنا العيد ما نافع...؟

الاعزاء و ائل و هناء
عيدكم مبارك وكل عام وانتم بخير ,طبعا اي زول صفوة وزوق وهندسة لازم يكون مريخابي والتحية لكل الصفوة اهل العلم وقلعة الكؤوس واصحاب التشريفات
وناس الصفر ديل ( رغوة صابون بكرة بتروح )

كــــــل عام ونتم بخير
وكل سنة وانتم طيبيييييين
لك التحية الاخت هناءجبنتك كان ليها طم خاص لكن خربتيها بانك تشجعي نادي المواسير الله يكون في عونك ويلزمك الصرف
لكم مني كل الود...

ياجماعة البوست دا منسي نهائي
اخر مشاركة كانت من الاخت هناء
علشان كدا عايزين واحد كلس ابوالكر يعزم ناس المنتدى
جبنة مدنكلة زي مافعل اخونا ابوالرجال ودهنونه
يوم ماعزم الناس في جدة لحم خرووووف
ياجماعة مالقصد من شراب الجبنة فعلن هي مهمة للجسم
وبتطرد الخوف والقلق لكن القصد الحقيقي لمتنا وقعدتنا
في راكوبة وعنقريب هبابي والفندق يسوي تح ترح.
ها يلا يانس الكرم.
شايف ودمدثر محمر للعزومة وابشر مقدم

ودالطيب لك التحية يارائع
قهوة جميلة تستاهل الجلسة لكن مشقولين
بنجيها في وقت تاني
لكم من كل الود

الموس كيف حالك اريتك طيب
يا اخوى كدى كب لينا فنجان
معاك كان راسنا دا انعدل

انت كبيت لينا من جبنة محمد طيب
والله طعما بنسلين بس لو عندك جبنا
غيرا ادينا لو ما عندك خلينا نشوف
الجيران انشاءالله كباية شاى تكفى

حبيبنا موسى اقول ليك حاجة مابنشرب الجبنة

الا ترجع لينا اسمك بالعربى

ياخ اسمك كبير بالتنقليزى

كل عام وانت بالف خير

وبجى بحكى ليك عن قهوة حنونة الكانت قنتى

ياموسى الطيب انا اضم صوتى لود مدثر
واحسن ليك تسمع الكلام وتكتب اسمك بالعربى
والله انا زمااااااااااااان دخلت المنتدى
بسفنجة خديرا وتعال شوف شى نهيير وشى ترجى
ياااااالله رضوا لى ادخل يرطي ابيض

محمد الطيب ابراهيم كتب:

محمد الطيب الحاجات ديل جابوهن ليك تصرفن في الصيدليه


ولا شنو $$€€$€
لانو ما عندكم صح ؟؟؟؟؟

وائـــــــــــــــــــــــــــــــــــ ــــــــــــــــل

السلام عليكم ياناس القهوه جينا خشيناعشان نشرب من قهوة هناء لقينا قهوة عديـــــــييل كدا مقدمه من ود السنى وودابراهيم(فيها كيرى وزبده واشياء...) يلا نشرب ونهنئ هناء على القهوه فى شاطئ النيل (سالنا منكم قالوا فى البحر وكدا)

الاخوه الاعزاء
بمنتدي ابناء منطقة الهدي
يسرنا ان نتناول فنجان جبنه بالهدي لربط الاعضاء والتشاور في كل القضايه
وان شاء الله اليوم الاول بمنزلي والوقت مسموح لكم بالتحديد
فنجان جبنه بشماله يسوي الدنيا بي حاله
وناس الخارج بتجو ولا نرسلو ليكم في رساله عبر الماسنجر او الموبايل
وان شاء الله تستمر كل يوم في منزل عضو