ودالطيب لك التحية يارائع
قهوة جميلة تستاهل الجلسة لكن مشقولين
بنجيها في وقت تاني
لكم من كل الود

الموس كيف حالك اريتك طيب
يا اخوى كدى كب لينا فنجان
معاك كان راسنا دا انعدل

انت كبيت لينا من جبنة محمد طيب
والله طعما بنسلين بس لو عندك جبنا
غيرا ادينا لو ما عندك خلينا نشوف
الجيران انشاءالله كباية شاى تكفى

حبيبنا موسى اقول ليك حاجة مابنشرب الجبنة

الا ترجع لينا اسمك بالعربى

ياخ اسمك كبير بالتنقليزى

كل عام وانت بالف خير

وبجى بحكى ليك عن قهوة حنونة الكانت قنتى

ياموسى الطيب انا اضم صوتى لود مدثر
واحسن ليك تسمع الكلام وتكتب اسمك بالعربى
والله انا زمااااااااااااان دخلت المنتدى
بسفنجة خديرا وتعال شوف شى نهيير وشى ترجى
ياااااالله رضوا لى ادخل يرطي ابيض

محمد الطيب ابراهيم كتب:

محمد الطيب الحاجات ديل جابوهن ليك تصرفن في الصيدليه


ولا شنو $$€€$€
لانو ما عندكم صح ؟؟؟؟؟

وائـــــــــــــــــــــــــــــــــــ ــــــــــــــــل

السلام عليكم ياناس القهوه جينا خشيناعشان نشرب من قهوة هناء لقينا قهوة عديـــــــييل كدا مقدمه من ود السنى وودابراهيم(فيها كيرى وزبده واشياء...) يلا نشرب ونهنئ هناء على القهوه فى شاطئ النيل (سالنا منكم قالوا فى البحر وكدا)

الاخوه الاعزاء
بمنتدي ابناء منطقة الهدي
يسرنا ان نتناول فنجان جبنه بالهدي لربط الاعضاء والتشاور في كل القضايه
وان شاء الله اليوم الاول بمنزلي والوقت مسموح لكم بالتحديد
فنجان جبنه بشماله يسوي الدنيا بي حاله
وناس الخارج بتجو ولا نرسلو ليكم في رساله عبر الماسنجر او الموبايل
وان شاء الله تستمر كل يوم في منزل عضو

شـــــــــــــــــــــــــكرآ يارائـــــــــــع
انت عارف الجبنة عبر الموبايل او الماسنجر ماليها طعم
طعم الجبنة في الجلسة وفي الغربة مابتنفع الجبنة والله لو عرقها بندول مابتنفع.
علشان كده الواحد بجي المنتدى وبتكي شويه وبحس بروعتكم وجمال المنتدي وبعتبر نفسه بين الاهل وسط الاحباب
وبالتحديد داخل قبلة الانظار وفنجان واحد بعيشك شهر في الغربة وانت فكار الشهر في البلد دي اعتباره عام.
لكن ياودالطيب انت نسيت الليفه الجبنة كلها تفل
مابتكيف في التني يجب معاك الليفة شوف ليك اي عنقريب
واقطع منو ليفه.
لكم مني كل الود......

عبدالرحمن مدثر كتب:

حبيبنا موسى اقول ليك حاجة مابنشرب الجبنة

الا ترجع لينا اسمك بالعربى

ياخ اسمك كبير بالتنقليزى

كل عام وانت بالف خير

وبجى بحكى ليك عن قهوة حنونة الكانت قنتى

حبيبنا الغالي ودمدثر اخوي نحنا عزمنا نفسنا انت قول خير
ودهنونة جاب خرووووف انت فنجان الجبنة يقلبك دي ما المحرية فيك
كان عشمنا أكثر.
لكم مني كل الود.....

كبي واحد قهوه لاخونا عادل خياري
ماشي امريكا مستعجل

جلسه جميله ومعاها دوبيت

نرسلها لكم عبر البريد السريع
عشان ما تبرد وتفقد قيمتها

ما تزعلو اخونا عوض الله
قال بدون بخور مابشربها

يا ود الطيب ان شاء الله دايما طيب
عحل لينا جبنتك دى خلينا نتلمى
ونشوف الحاصل شنو
ودايرين نعمل شنو
ولينا عظيم الشرف انو اول جبنه
واول لمة تكون فى بيتك وفى حى الصفا. .

سلام ياحبيبنا وتشكر على القهوة الظريفة

اقتباس :

كبي واحد قهوه لاخونا عادل خياري
ماشي امريكا مستعجل

وفعلا القهوة باللمة عشان كدة انا اقترح عليكم انكم تتفقوا على جبنة واحدة لانو ماشاءالله الجبنات كترت ارى ان تتوحد الجبنات انت والاخ موسى والاخت هناء عشان ماتلففوا بينا كتير والقصد الونسة ومناقشة مواضيع تهم الهدى لو وافقتو نقوم نلم البوستات ال3 ×بوست واحد
رايكم شنو

الحبيب عادل خياري
كل ما يصب في مصلحة الهدي ولمة الاخوان مافي مانع
اللمه في مكان واحد بتكون اجمل
انت متقريف وخرمان لفنجان نديك ليهو
تتكيييف عليهو حتي العوده ان شاء الله

زمان ياودالطيب زمن الهمبتة وزمن رابطة الطلاااااب

كان عندنا مشورع نسميه (الاجندة )

والاجندة هى عبارة عن زلابية وشاى لبن مقنن ولمة احلى

وكل يوم تنتقل الاجندة لبيت واحد من الاحبااااااب

كانت لمة جميلة

نتناقش من خلالها اجندة اخرى ونحن جوووه اجندة الزلابية

اجمل حاجة فى اللمة التعليقات الساحرة والساخرة

جميلة ياخ زلابية القسم المخرمة بتاعت ناس عمك الدسوقى

وطاعمة زلابية حاجة اسيا ام حسبو الخزين

وكل يوم فى حى

وكل فى حب جديد

ونفوس تتسامى

وعيون مليانة حنين للهدى ولمستقبلها المنشود



اها ياحبوب

دى ذكريات ساى جات بالجنبة كدا

قريبة من فكرة فنجان قهوتك


لو عارفين ياااخ كان قعدنا ماسافرنا وشربنا فنجان الجبنة معااكم

والله نورت القهوه يا خالو وحأعمل ليك واحده مخصوووص عايزا تقيله ولا خفيفه؟؟؟

عبدالرحمن مدثر كتب:

زمان ياودالطيب زمن الهمبتة وزمن رابطة الطلاااااب

كان عندنا مشورع نسميه (الاجندة )

والاجندة هى عبارة عن زلابية وشاى لبن مقنن ولمة احلى

وكل يوم تنتقل الاجندة لبيت واحد من الاحبااااااب

كانت لمة جميلة

ياعبدالرحمن خااااااااصه اجندة الفاضل مع ناس ويو ويو ويو ويو
ههههههههههههههه
قال لي حافظ المعزومين ناس الجزيره بس ؟؟؟؟؟؟؟؟
حافظ دا يا ربي تابع للدلنج ههههههههه

عبدالرحمن مدثر كتب:

نتناقش من خلالها اجندة اخرى ونحن جوووه اجندة الزلابية

ااااي ياالعولمه وال......

هاهااااااااااااااااااااااااااااااااى

السر الدسوقى بركة الجيت يابا

لكن ياعمك مابتورينا كيف بتعملو اللقيمات مخرمة

ولا دى عولمة ماعندنا فيها نفقة

ود مدثر سلام تربيع
اقتراح عمل راكوبة جبنه واحدة على غرار راكوبة صلاح الشيخ عشان الناس مش كل مرة تمشي راكوبة جبنة تلقى مافيها زول او الناس كلها بي هناك
شايف الدكتور وافق على الاقتراح
بقى هنا تتجلى المُدثرية والسجانية في خلط ومزج الجبنات لكي تكون جبنة كبيرة ولمة ونقة مفيدة
نجمعهم في ياتو راكوبة بالاخيتار ام البقاء للاول
رايك مهم

حسب الاقدمية نمشى لقهوة بتنا هناء

ود مدثر كتب :-

(اها ياالحبااااااان

هنا راكوبة ونستنا وقهوتنا وقعدتنا

شماراااااااااات الحلة ماتنسوها

الجاء من السفر والعقدوا عليها )
أ خو الحبان الحبان بتدر اللمه والنمة أكان تحت راكوبة ول أكان في قعد جبنه أهم شئ الناس تقعد مع بعض فوق الجابرة , تشخط وتخطط
( بس كتر لينا من التحتو خط دا لان مهم وفي ناس لاسه في السوق , ودا بورينا البورصة مقبله علي وين ...)
ولك ودي

اخي ودمدثر وصلت قبل قليل من اجتماع الدورة المدرسية قلت ادخل علي المنتدي واشرب لي فنجان قهوة معاكم اكيد عامرين وماشاء الله قهوتكم ببخورها وكمان شايف لي ديكور زايد الجلسه حلا قلت الحكايه دي اكيد وراها ودالدسوقي _ونعود

اما بخصوص امتحان الشهادة حقيقة انه سوف يعد امتحنيين نسبة للتغيير الذي طرأ علي المنهج من اضافه وتعديل والسبب ان الكتب لم تطبع بصورة كافيه فهناك مدرسة كامله او محليه او ولايه تدرس المنهج القديم _ولك مودتي

صلاح الشيخ كتب:

انت كبيت لينا من جبنة محمد طيب
والله طعما بنسلين بس لو عندك جبنا
غيرا ادينا لو ما عندك خلينا نشوف
الجيران انشاءالله كباية شاى تكفى

----------------------------------------------------------------------------------------------------------

ياودهنونه شكلك كدي داير ليك سيرمس عديل
فنجان ما بعمليك حاجه انا عارفك طبعك شين

رجوع بعد غياب ما طويل شديد . لكن الدنيا مقلوبه في القهوه و سمعت إنو كان في ناس عملو قهاوي تانيه . يعني عايزين يقطعو عيشي ولا شنو؟؟؟
لكن القهوه إتطورت وبقى فيها راكوبه و بقت مثبته كمان و بقت عاااامره و حلوه
ماشاء الله و خمسه (طبعا الجابا المريخ) في عين الحسود‎
سلاااااام للكل.

يا جماعه وين البنات؟؟؟
عشان ماممكن أعمل القهوه لي كل الناس براااي و أكنس و أرش و أبخر الراكوبه براااي.
يلا يابنات الهدى يدينكم معاي

هناء حفيدة حمد كتب:

رجوع بعد غياب ما طويل شديد . لكن الدنيا مقلوبه في القهوه و سمعت إنو كان في ناس عملو قهاوي تانيه . يعني عايزين يقطعو عيشي ولا شنو؟؟؟
لكن القهوه إتطورت وبقى فيها راكوبه و بقت مثبته كمان و بقت عاااامره و حلوه
ماشاء الله و خمسه (طبعا الجابا المريخ) في عين الحسود‎
سلاااااام للكل.

هناء حفيدة حمد كتب:

يا جماعه وين البنات؟؟؟
عشان ماممكن أعمل القهوه لي كل الناس براااي و أكنس و أرش و أبخر الراكوبه براااي.
يلا يابنات الهدى يدينكم معاي

سلام تاني
غايتو أم مؤيد تيوتي في مستشفي الهدى وهسع بتجردا في الصيدلية قاليك لقت الادوية كلها زوق ومصفرة التقول ليها 80 سنة
والباقيات أسلي منهن عم طارق مامون وعادل خياري , رش الراكوب خلي لي اخوانا الصفيراب متعودين علي كدا
بمشي بجيكم راجع

يا هيثم وهناء احسن تمرقو
الكوره دي من القهوة الحلوة دى
وشوفو ليكم شغله غير الكوره
بنعكنن عليكم مزاجكم
يعنى بالعربى كده
ما تكابرو ساااااى
أنتو ماسمعتو بى بشه
ولا شنو
نقوم ندخلو ليكم الجبنه
تبقى جبنه حلوه بى بشه اااااره

تسلم ياهيثم
ويا علاء بشه ده ماعلينا نحن.
والحاصل شنو القهوه غير مأهوله بالسكان!.

ياناس القهوه سلام_إنامن ماقمت بعرف قهوة حسن البله وقهوة أمي أم سلمه بت السراج_ومابشرب قهوه_ولابشم القلوه ولا بلحس التلوه_ عندي قصيده عن القهوه بكتبا ليكم بعد أتعشا_أنتظروني

قبل ماتقولا النشوف لي زول اجاريك
اشان القهوة تكون جابت ليها نم
يلا نم

الحمد لله إتعشيت_نرجع للقصيده_
لو كان البن بتفاوض ماقبل السفر_الدق وحريق
وحقيبتك ختت حيلك وإنجمت مابتمشي تكابس للبصات من قبل فكاكة الريق
ياغاوي السفر إتسكن آنس نجضت فيك الرحله وعودك يابس
لوبتطيق السفر اليومي أكيد بتطيق
الهارب منو الضيق_الضيق
ماتملص جلدك وتجلد رايك
جلد البن ماأسود كان
لاكان فنجانو بعدل الخطوه
ولابنايتو مهولة الضيف
لاغصبا عنو تمامة الكيف
البن بتصاغر لو حطمنا الرابط بين البنبر والقرييف
البن مستسلم بين اليد والفندك
فهم الفندكه عندو ضعيف
زي فهم الخصخصه والتحجيم
زي فهم الشخصنه بين الموج وثبوت القيف
البن الحبشي وطعم البكري وخيم وظريف
التني والبركه وزول الكيف
ياغاوي السفر أتقابص وخش في حجمك
زي البن القشرتو لابس لما أتملصت منو علي القلاي
لاعورت قال لا إتضمضم جاي
البن متطامن شقو شريف
والبن الكنقو الحافظ نسلو
البرمي الزول القاطع وصلو
البن للضيف
يانكهة بنك ياأمي
وياروعة زوقك جوه الدار
ياخفة إيدك في الادوار
ياجنس نفر فنجانو الخاص
البشرب ماسخ والنقار
السكرو زايد
والمتزايد
والقاعدين يتناطرو
نحن بقينا كبار
يامسكة إيدك للقلاي
وحلاتو التوب دا اللابطلع فوق لا بنزل جاي
ياماسكه خيوط الونسه وكوز السكر وإيد الشافع كل مانط دني وكاواي
ياأطيب من الزول لي نفسو
ومن البملا شرقرقو شاي
لو كان البن بتفاوض
كان إتناقض
وكان من بعضو إتباعض
كان إتناحر في القلاي
‏
ولنا لقاء وآخر

ياأستاذ عوض الله دا نص القصيده بس النص التاني بعد أسمع رايكم_بمناسبة القهوه مشتهي لي بيت بدون حوش هوا باااارد وعنقريب هباب ملايتو تهبهب مع الهوا وزير بعيد مندي تحتو نقاع نقاط المويه تنزل بإيقاع ثابت طق_طق_وسخل ينطط _وتربيزه فيها جك مويه بارد_وصوت نبيح كلاب بعيد

بننا بتفاوض وبتم الكيف
قول لي كيف؟
فيهو القعدة بدون تصنيف
اسود وابيض ماهو وليف
مدير وقفير وسيد البيت والضيف
ويمين ويسار وكل الوان الطيف

سلام ياست القهوة
وين انت مسجلة غياب
سمعنا تحت تحت انك مادافعه الضرائب عشان كدة بتتهربي وقافلة القهوة ليك كم يوم لمن تفوت الكشة
الدار امان اطلعي افتحي الزبائن واقفين صف

هناء حفيدة حمد كتب:

رجوع بعد غياب ما طويل شديد . لكن الدنيا مقلوبه في القهوه و سمعت إنو كان في ناس عملو قهاوي تانيه . يعني عايزين يقطعو عيشي ولا شنو؟؟؟
لكن القهوه إتطورت وبقى فيها راكوبه و بقت مثبته كمان و بقت عاااامره و حلوه
ماشاء الله و خمسه (طبعا الجابا المريخ) في عين الحسود‎
سلاااااام للكل.

------------------------------------------------------------------------------------------------------------------
انتي قاصده الخمسه الجابوها في المريخ في الجبل الاخضر