يا هيثم وهناء احسن تمرقو
الكوره دي من القهوة الحلوة دى
وشوفو ليكم شغله غير الكوره
بنعكنن عليكم مزاجكم
يعنى بالعربى كده
ما تكابرو ساااااى
أنتو ماسمعتو بى بشه
ولا شنو
نقوم ندخلو ليكم الجبنه
تبقى جبنه حلوه بى بشه اااااره

تسلم ياهيثم
ويا علاء بشه ده ماعلينا نحن.
والحاصل شنو القهوه غير مأهوله بالسكان!.

ياناس القهوه سلام_إنامن ماقمت بعرف قهوة حسن البله وقهوة أمي أم سلمه بت السراج_ومابشرب قهوه_ولابشم القلوه ولا بلحس التلوه_ عندي قصيده عن القهوه بكتبا ليكم بعد أتعشا_أنتظروني

قبل ماتقولا النشوف لي زول اجاريك
اشان القهوة تكون جابت ليها نم
يلا نم

الحمد لله إتعشيت_نرجع للقصيده_
لو كان البن بتفاوض ماقبل السفر_الدق وحريق
وحقيبتك ختت حيلك وإنجمت مابتمشي تكابس للبصات من قبل فكاكة الريق
ياغاوي السفر إتسكن آنس نجضت فيك الرحله وعودك يابس
لوبتطيق السفر اليومي أكيد بتطيق
الهارب منو الضيق_الضيق
ماتملص جلدك وتجلد رايك
جلد البن ماأسود كان
لاكان فنجانو بعدل الخطوه
ولابنايتو مهولة الضيف
لاغصبا عنو تمامة الكيف
البن بتصاغر لو حطمنا الرابط بين البنبر والقرييف
البن مستسلم بين اليد والفندك
فهم الفندكه عندو ضعيف
زي فهم الخصخصه والتحجيم
زي فهم الشخصنه بين الموج وثبوت القيف
البن الحبشي وطعم البكري وخيم وظريف
التني والبركه وزول الكيف
ياغاوي السفر أتقابص وخش في حجمك
زي البن القشرتو لابس لما أتملصت منو علي القلاي
لاعورت قال لا إتضمضم جاي
البن متطامن شقو شريف
والبن الكنقو الحافظ نسلو
البرمي الزول القاطع وصلو
البن للضيف
يانكهة بنك ياأمي
وياروعة زوقك جوه الدار
ياخفة إيدك في الادوار
ياجنس نفر فنجانو الخاص
البشرب ماسخ والنقار
السكرو زايد
والمتزايد
والقاعدين يتناطرو
نحن بقينا كبار
يامسكة إيدك للقلاي
وحلاتو التوب دا اللابطلع فوق لا بنزل جاي
ياماسكه خيوط الونسه وكوز السكر وإيد الشافع كل مانط دني وكاواي
ياأطيب من الزول لي نفسو
ومن البملا شرقرقو شاي
لو كان البن بتفاوض
كان إتناقض
وكان من بعضو إتباعض
كان إتناحر في القلاي
‏
ولنا لقاء وآخر

ياأستاذ عوض الله دا نص القصيده بس النص التاني بعد أسمع رايكم_بمناسبة القهوه مشتهي لي بيت بدون حوش هوا باااارد وعنقريب هباب ملايتو تهبهب مع الهوا وزير بعيد مندي تحتو نقاع نقاط المويه تنزل بإيقاع ثابت طق_طق_وسخل ينطط _وتربيزه فيها جك مويه بارد_وصوت نبيح كلاب بعيد

بننا بتفاوض وبتم الكيف
قول لي كيف؟
فيهو القعدة بدون تصنيف
اسود وابيض ماهو وليف
مدير وقفير وسيد البيت والضيف
ويمين ويسار وكل الوان الطيف

سلام ياست القهوة
وين انت مسجلة غياب
سمعنا تحت تحت انك مادافعه الضرائب عشان كدة بتتهربي وقافلة القهوة ليك كم يوم لمن تفوت الكشة
الدار امان اطلعي افتحي الزبائن واقفين صف

هناء حفيدة حمد كتب:

رجوع بعد غياب ما طويل شديد . لكن الدنيا مقلوبه في القهوه و سمعت إنو كان في ناس عملو قهاوي تانيه . يعني عايزين يقطعو عيشي ولا شنو؟؟؟
لكن القهوه إتطورت وبقى فيها راكوبه و بقت مثبته كمان و بقت عاااامره و حلوه
ماشاء الله و خمسه (طبعا الجابا المريخ) في عين الحسود‎
سلاااااام للكل.

------------------------------------------------------------------------------------------------------------------
انتي قاصده الخمسه الجابوها في المريخ في الجبل الاخضر

هناء حفيدة حمد كتب:

تسلم ياهيثم
ويا علاء بشه ده ماعلينا نحن.
والحاصل شنو القهوه غير مأهوله بالسكان!.

-----[color=olive]-----------------------------------------------------------------------------------------------
علاء ما تعكر لي الناس مزاهم والقهوه كان ما حضرا بشه ما حلوه زي اهدافو

أعملو لي شير عشان أدفع الضرائب.. عشان الفلس حاصل ...
والخمسه دي ما بتدوها لينا في قلعتنا الحمراء ولا كيف؟؟؟
يلا يا جماعه عشان القهوه في النار و الما بحصل حقو في رجلينو...

كو..كو..كو .كو ممكن ادخل ؟؟

هناء إزييييك

قالوا عندكم قهوة حكاية .. الزول كان جربها بتمسكو

من عنقرتو وترميهو .. خرمتو ماتفك إلا بفنجان

صاموتى .. اها البن كيف ؟؟ مقلى شديد ولا محمص ؟؟

والله لو محمص مافى هلالابى واحد بوديهو لى خشمو لأنو

بزكرهم بمحمد حمص وبص الاسماعيلى رايح جاى

مرحبا وليد إتفضل الباب فااااتح . أصلا ما بنقفلو .
وإنشاء القهوه تعجبك
و يا جماعه مسؤولين من الخير... وين خالو زياده ؟؟؟

حاولت أتعلم شراب الجبنه لكن جبنتكم عملت لي خمة نفس_أنا زول لابفهم في الرياضه ولا الرياضيات_الاتنين بوترن _زي الزول البحضر في شكله_علي العموم بنطلكم كل فتره_لقينا نفس الجو المكهرب بي بشه وكاوندا وكاكوم وكدا بنطلب الانفصال

لا لا ...يا سراج الدين .
ماعايزين إنفصال ... نحن مع الوحده.

طلعوا الكوره من راكوبة القهوه إنشاء الله تبدلوها بي عده

طيب يا جماعه معلومه ع الماشي كده قريتا و عجبتني و مفروض أنقلا كامله بس عندي مشكله في نقل المواضيع .
طيب ... أنا كنت في الهدى يعني ما طولت شديد و شفت كيف ناس الهدى مدمنين ع الإندومي برضو زينا...
الخلاصه إنو الإندومي فيها مواد مسرطنه و مواد تتلف المخ و بتتسبب في الإصابه بكتير من الأمراض .
حمانا الله وإياكم . ومعنا لازم نرجع لي قديمنا و أكل حبوباتنا .

الاندومي
ههههه
الظاهر عليها دى عصيدة
بى ملاح شرموط اغبش
هو في حاجة بتتلف المخ
اكتر من الفول
ع العموم مفروض اي زول افطر
فول ادوه اجازة بعد الفطور لانو اصلا
حاكون نايم

هذه نمة سمعبها بدرى
ناس البادية دايما بيتبارو
فى الشعر والوصف
يلا نشوف وصف واحد
منهم في الجبنة وطريقة
سواتها

قعدت تهب بى حشمة
ايدا مع الجمر تسارق النسمة

شالت ستة ومن قلبى شالت قسمة
قلتو لا حرقه لا صفرة شفتا الوانو
بى عينيا اتناوا ذى الضفرة
عكل دخانو لينا بداوى متل البخرة
تسلم ستو للعقب مدخرة

دقة دقتين فى الطرف والتالته
لى خلفانو عملت حلقة بى ايقاعها
فى دقادقانو

ملت فنجان ومدت ايدا لي بى روقة
سامع صوتا ذى الفى الفريعات قوقا
شربتا الاول ولى التلتاوى قايل بكرى
سرحتا معاها شغال بي ضميرى وفكرى
وحيات رب الحبش والكنغو داك والمصرى
جبنه جميلة فى دم الشراين تسرى
وحيات رب الحبش والكنغو داك والمصرى جبنة جميلة حت ميتان العروق تحي

والله يا عوض الظاهر صاحبك دا مكسورة فيهو ضلعة

و البفطر بوش يا عوض إدوه إجازه بدون مرتب؟؟؟

كان كدا يا هناء الشعب السوداني الفضل كلو يأخذ إجازة

ياسراجنا لكن قصيدتك بتم الكيف

وكيف الحال

والحال مامايل

وياسلام عليك لما تقول

ماتملص جلدك وتجلد رايك

جلد البن ماأسود كان

لاكان فنجانو بعدل الخطوه


ولسه نحن ندافر بين الخصخصة .. والتحجيم

خليت اللمة ليها طعم

وجيتك سمحة بالحيل

تعال راجع

ببنات افكارك

مافيها حاجة لما نغازل بنات افكارك .. غزل صريح قدام عامود همومنا الواقف

وبكنتاك الزمن الطافى دوام ..


انا داير اعرف نهاية الغزل دا شنو ... بجلدونى .. ولا بكتبو ا جووه السجلات

انه من سلالة ناس الشنفرى .. والذين يهيمون فى الشوارع والطرقات .. ولافين صينية

انا مع الانفصال

احم احم احم

الاخت هناء حفيدة حمد

كل عام وانتم بخير وعيد سعيد

والقهوه ليها زمن مقفولة الحاصل شنو ؟؟

من الايجار ولا العوائد ولا البن غلا ؟؟ ااااااه ولا الزباين ناس الزريبة

الزعلانين ليهم كم يوم كدا ما دايرين يجو!! راجينهم !! نهنوهم !!بالعيد

الف ومليون شكر للاخت هناء حفيدة حمد
والله خليتينا الواحد افكر انزل السودان والله محرومين منها
اهم حاجة تمرير دخان البن اثناء قليه - وعندها يستمتع الكييفين برائحته الطيبة ثم تعقبها نغمة دق البن والتى تسمى بالتنتنة ولها ايقاع مميز.


حلات القمره في الحله وليالي الصيف
حلات النيل وكت يطمح يقالد القيف
حلات ريحه الدعاش والمطر هفهيف
وجبنة الرايقه ياحليلا البتم الكيف

والله كلنا بنتمنى نشرب من قهوتكم الحلوة دى

مصادر موثوقة اكدت ان هناء صاحبة القهوة المشهورة بهناء حفيدة حمد لم تدفع الضرائب كما ذكر الاخ وليد
لذا تم قفل القهوة المذكورة لحين النظر في الموضوع

اااناس ها ازيكم ياالماف زيكم
جينا ليكم مستفين شوق الشوق
زاتو جبنتنا ولمتنا
وين ست الجبنة قلنا نمشي نسجلها في دفتر الغياب (غيابكم طال) لقينا الالفة غائب .

قهوتكن فاقده تمر

القهوة مالها قفلت ولا شنو
وين الشباب ؟
ولا قهوة نضال الفى التلفزبون الشفتها من هناء غلبت؟

السلام عليكم يا نلاس الهدى و روجوع بعد غيبة سنة كيف اخباركم يا اهلنا الطيبين يادوووب دفعنا الضرايب وفتحنا القهوة

سلام بتنا هناء
حمدا لله على السلامة وينك الغيبة الطويلة دي كلها اصلو دي ضرائب قهوة ولا ديون مصر بتلمي فيها سنة كاملة

اقتباس :

يادوووب دفعنا الضرايب وفتحنا القهوة

ياربي القروش دي اندفعت كاش على داير المليم
ولا بي اعفاء وزاري
المهم في كلا الحالتين كويس انو فتحت والناس بتحوم حول القهوة كل مرة ويلقوها مقفولة عشان كدة
مفروض يشربوا مجاااااااااااااااااااان

تحيه طيبه ياناس القهوه الليله اول لي يوم معاكم السلام عليكم
هييي ياسلااااااااام جاي خرمان خرمه اول حاجه داير مويه من السعن اوالبرمه وجايب معاي تمر و بن حبشي ودايره بي قلاي خشب وجبنة طين وداير اشرب وتكبي وعدي في سرك والحساب بيجمع ندفع ليك مع جية ناس الضرائب الجايه

القهوة دى جاتها الكشة ولا شنو وينك يا حفيدة الكرام

قهوتكم مبروكة عليكم وانشا الله تنفعكم ما احلي رمضان في البلد عمتم مساء جميل محمد نور عوض الياس ...الرياض كدي ادونا معاكم شوية رزاز حبة السخانة هنا الف بالليل والنهار كلو واحد التحية للجميع وهاكم القهوة دي انشااله نتلما في الكبة وفي مسجد الحبيب صلي الله عليه وسلم قولوا اميييييييين

فنجان قهوة بعد الفطور في رمضان جملية بالذات مع عبد الكريم بتاعك ((كمندان البيت )) او عسل مع الوالدة الماعندوا يشربها مع العزابة برة سعيد بجبنتكم علي الاقل الفنجان صح بلم الناس عاطر التحايا لاهلي الزينين فنجان معاكم بالدنيا كلها دوما احبيتي المشتاق لكم محمدنور عوض الياس عليكم الله ادونا معاكم حبة رزاز

لازال البحث جاريا عن ست القهوة دى

يا داب جيناكم نفك قريفتنا نلقاكم قفلتوا .
اي تاخير ينرجع لي فهوه نضال .
والله نجيب ليكم قهوه حبشيه بي قشها اخضر مشتت في الواطا وبخور عدني


والتحيه ليكم ولي حفيده حمد