الاحباب الاعزاء
عاد والعود احمد..بلبل من بلابل الدوح
عاد ليغرد بصوت شجى..
عاد ليعطر ساحات المنتدى بحلو الحديث
عاد ليزين ساحات المنتدى بالقه المتدفق
ويسماحته وبطيبته وحسن عشرته..
عاد لينداح ....بينكم
بخفة ظله وسماحته
ابو وضاح
الجميل السادة وضاح المحيا
وهكذا نحن
جمعتنا الهدى على حبها
ولن نفترق
فكم نحن اليها
وتحن اليها
حنو المرضعات على الفطيم
نسامى عن الصغائر
لنسمو
ونعلو
الى افاق ارحب
وقد شرفنى
حينما اصطحبنى
الى بوبة
الدخول
بسم الله
الذى لا يضر
مع اسمه شئ
فى الارض
ولا فى السماء
تفضل ابوضاح
بالفل والورد والياسمين
ونواصل

الحبيب العزيز الزميل ابو محمد
دائما كبير وأول دفعتنا .. ومعزتك .. وحبك لا يوصف .. وهذا الحب الكبير .. والترحاب الأكبر ازالا كل مافي النفس من حتى ..
ماذا اقول ؟

تتطاير الكلمات منى ..
كما تطايرت بالأمس القريب الفرص من امام مهاجمي سيد البلد الهلال امام الصفاقصي التونسي ..
وتقف الكلمات عاجزة عن التعبير عن حبكم .. ومعزتكم
ولكني افتحوا قلبي لتعرفوا مدى حبي .. ومعزتي لكم جميعا ..
إنسلاخ لا .. قالها حسن .. فايت مقبل وين قالها ود مدثر .. ومن بعده المرهف ود الياس .. وكذلك الحبيب الشيخ مهند ومن قبله ولدنا الحبيب الزبير .. ومن بعده ابو الطيب ..والنسيب الحبيب صديق خالد ..ومن على التلفون وعبر المدي البعيد الحبيب وليد التلب ..
امشي وين أنا .. إنتو بتتخلوا ؟
احبكم جميعا .. لا أستطيع التعبير .. وكفى

كلماتكما أثلجت صدورنا
أطربتنا وعزفت علي اوتار كثيره (أقلها التي أهدرها الزعيم في شباك المعز)
مرحبا بكما يا أولاد دفعة
يا جماعة شوفوا لينا ناس دفعتنا وين
ولا نحن قرينا منازل
يا دفعتنا أجمعوووووووووووووووووووووووووووا
ولكم تحياتي

عود لينا يا ليل الفرح
عودة الاصيل مثل عودة سيد البلد لقوة
التي يهابها الخصوم

إذا كان الله جل جلاله يفرح لأوبة عبده أشد من فرح الأعرابى الذى فقد راحلته فى الصحراء وعناه التعب فنام يملؤه الأسى وعندما أفاق وجدها أمامه 000 فكيف ياترى يفرح الضعفاء أمثالنا والمحبين فى صاحب الفرح الأعظم،اللهم أجمعنا دوما فرحين وناشرين الفرح فيما بيننا وكفى

بكل مشاعر الفرح التى عمت كل ابواب المنتدى بعودة الاخ طارق نعلن ترحيبنا الحار بالعائد وعودا حميدا مستطاب ومعا لدفع عجلة المنتدى الى الامام وهكذا هم أهل الهدى دوما
تخريمة

يا عم طارق العودة دى ما دايره ليها قعدة ولمة وسلطة كاربة فى المطار القديم رايكم شنو الخميس القادم ؟؟

الحبيب هيثم الشيخ
لك التحية . ـ
ابشر بالخير .. وحاضرين ياعمك وعلي السلطة والسمك والفول المظبط والطعمية والشاي والقهوة وبينا إتصال ,,

يعني يا عم طارق خلاص نعزم الناس الفي جدة ولا ابشر بتاعة السعودية , خلاص من بكرة نوزع الدعوات والكاميرا جاهزة للتوثيق ونقل الجلسة للاخوان فى المنتدى

على طول وزع رقاع الدعوة ولايهمك .. حضر الكاميرا للتوثيق ونحن من زمان ما إتلمينا مع بعض ودي فرصة لي لمة الناس ..

حاضرين وعلى بركة الله وأن شاء الله لمة خير

بأذن الله بينا إتصال على الثابت يوم السبت لتحديد الزمن وبعض الترتيبات .

لا لا لا لا في خيانات هنا


اول حاجه ياطارق نحرش ليك ناس المحليه يشيلو منك ضريبه العتب
وعندك حق نفايات ليك شهرين مادافع
ودمغه الجريح عامل بيها نائم
وفي حاجه اسما رسوم نيه.... يعني اي حاجه داير تنويها ساااااي عليك رسوم في النيه دي
يعني عندك نيه تضرب في الثابت دي رسوما براها
وعندك نيه تعمل لمه دي رسوما براها
وعندك نيه تعزم دي رسوما اعلي شويه
طبعا الحاجات اللي حتشتريها دي كلها حنشيل فيها ضريبه علي القيمه المضافه مقدما
المبلغ الكلي للضرائب دي الف ونص ريال
انت طبعا معاك الفين
يعني باقي ليك 500
تركب بيها المواصلات وانت ماشي السوق
تصل السوق وبعد ماتشتري الحاجات كلها من دكان واحد
تمد يدك لجيبك عشان تديهو القروش
تلقي الجيب مشروط بموس
طبعا الجلابيه دي تاني لبسه ليها يعني جدييييييييييييده كرت
اهاااااااااا هنا الاعتذارات تجي
والله اتنشلت.... قروشي مالقيتا.... اعمل شنو انا هسي
الغريبه التلفون كان في الجيب التاني بس ماشافوهو
التلفون ضرب
الووو
ايوه معاك صديق يا طارق وين انت
انا انا انا انا ( دي تمتمه ) انا جاي عليكم بس ادوني ساعه
ماتتاخر ياخ
لا لا لا ماعندي حاجه اجيب الحاجات دي واجيكم طوالي
الخط فقل
( طارق يتحدث بصوت منخفض جدا)
هسي ديل اقولو ليهم شنو
اقول ليهم اتنشلت
صديق مابصدقني عارفو
دي يتحلو منا كيف هسي
اووووووووووووووووووووووووووف ( نفس حاااااااااااااااااااااااااااااار كده)
كدي نمش البيت وبعدين الله كريم
حق المواصلات مافي
المسافه بعيده
غايتو كدي نحاول نملح

( وفي الطريق الرئسي )

اسمع ياابو الشباب ماماشي لي قدام توصلنا معاك شويه
اتفضل
تتحرك العربه
يا ابو الشباب انت ماشي وين
انا ماشي الحدود اليمنيه
طيب انت كده بعدت علي المسافه اكتر
والله ممكن تنزل
( انعل يومك) عباره في سرو
التلفون يرن
اهااااااااااااااااااااا ده صديق مابرفع ليهو ولا حاجه
.................
ياصديق الزول ده ما رد ليك
لا لا والله بضرب ليهو لكن مابفتح خط
مالو لكن
يكون شايل تقيل ومستعمل ايديهو الاتنين عشان كده مافي طريفه يرد عليهم
الليله دي حتكون عزومه كاااربه شكلا كده
كدي ياجماعه اضربو لعادل غيظوهو لينا شويه
قولو ليهو عزومه كااااااااااااربه جايانا
ياصديق انت الجهاز بتاع النت معاك مش
جيبو النخش علي المنتدي نجهز بوست العزومه
الصور حننزلا اول باول
اسم البوست ( سن المطارق في عزومه طارق)
المشاركه الاولي( ترقبو بالصوره والقلم عزومه في قلب جده)
مشاركه تانيه ( مفاجات عديده نفصحها لكم في حينها)
مشاركه تالته ( الما قعد في جده دقس)
مشاركه رابعه ( ياناس السودان نرسل ليكم كبسه بالبلوتوث)
حيث تفنن الحضور في اثاره الفضول لدي الاعضاء
والكل بترقب الصور الضجه
من اول دقيقه عدد الزيارات للصفحه وصل 250 زياره
والناس مترقبه
ناس تترقب طارق
وناس تترقب صور البوست المفاجاه
هههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههه
...........................

( للقصه بقيه)



عشان تاني ماتعزمونا معاكم ياطارق

وادعو كل الاعضاء لتكمله القصه
الاعضاء الممغوصين فقط الذين فاتتهم العزومه ديه





هسي بس في داعي للبهدله دي

دمتم سالمين

شنو ياجماعه برااااااااااااااااكم كدة
ماتعزمونا معاكم
ح نجيب معانا بيبسي بس ماتخافوا
لانو ماعندكم شية سلطة بس واحتمال تكون سلطة اسود
دي بتنهضم براها بيبسي كتير عليها

الاخ العزيز جدا ابومحمد
نحييك على هذه الكلمات الجميلة والشفيفة التى اثلجت الصدور
وبعثت الارتياح فى النفوس ..
وقد كنت على يقين تام بأنك اول من يبادر بفتح بوست للاحتفاء بعودة الاخ طارق
وذلك لما عرفناه عنكم ولمسناه من خلال هذا المنتدى حبكم الشديد لقبلة الانظار واهلها
هذا الحب الصادق الذى ورثموه من اهلكم الطيبين وترعرعتم فيه .. وهذه المودة التى يراها كل زائر لما تكتبوه بصدق عن الهدى واهلها ..
ويقننا ايضا ان ما كتبتموه كان بداعى الاشفاق الزائد والحرص الشديد لجعل صورة هذا المنتدى هى الاجمل ( وان اختلفت الرؤى ) ..
والله يأاخى . .
وانا اقرأ هذا البوست والذى احسست بمحتواه قبل الدخول فيه انتابتنى مشاعر عجيبة واشجان سرقت الدمع من عينى دونما اشعر والله ياخى !!
آه ثم آه لو قومى يعلمون .. من وما هى (الهدى)!!

زيادة عبد الباقى كتب:

الاحباب الاعزاء
عاد والعود احمد..بلبل من بلابل الدوح
عاد ليغرد بصوت شجى..

الاخ ابو محمد

هاهو البلبل الغريد قد اتى مغردا فى الدوحة الظليلة ..!!
ولكن متى يعود صاحب الدوحة حتى تكتمل اللوحة ؟؟

هيثم إبراهيم محمد الشيخ كتب:

بكل مشاعر الفرح التى عمت كل ابواب المنتدى بعودة الاخ طارق نعلن ترحيبنا الحار بالعائد وعودا حميدا مستطاب ومعا لدفع عجلة المنتدى الى الامام وهكذا هم أهل الهدى دوما
تخريمة

يا عم طارق العودة دى ما دايره ليها قعدة ولمة وسلطة كاربة فى المطار القديم رايكم شنو الخميس القادم ؟؟

نتمني ان نسمو اخوتي بالهدي ولن يكون ذلك الا بوحدتنا وتكاتفنا فلنهيم بالهدي وانسان الهدي ومنتدي الهدي
نحبكم جميعا

سلامات ولدنا وليد
والله اشهد ليك تعبت في الناس ديل تعب شديد ربنا يجزيك خيير في تفقدك للغائبين والسؤال الدائم

اقتباس :

الاخ ابو محمد

هاهو البلبل الغريد قد اتى مغردا فى الدوحة الظليلة ..!!
ولكن متى يعود صاحب الدوحة حتى تكتمل اللوحة ؟؟

ياوليد ادينا كم ساعة كدة ابومحمد ده اسه ختيت منو السماعه وهو مزحوم شغل وتحويل مكتب لكن وعد انو يدخل لما يرجع البيت
بس قول ان شاءالله مايبقى لي زي وعد هيثم اتصلت عليه وقال صافية لبن وح يدخل ويشارك وعيييييك مازلنا في انتظاره
المهم كلام ابومحمد ده لانو جديد كرت بعد كم ساعة لو ماشفتو هنا لاقيني جنب القنطرة وجيب عكاكيزك وارحك ليه في المدينة ونحن راجعين نجيب معانا بلح المدينة

زيادة عبد الباقى كتب:

الاحباب الاعزاء
عاد والعود احمد..بلبل من بلابل الدوح
عاد ليغرد بصوت شجى..
عاد ليعطر ساحات المنتدى بحلو الحديث
عاد ليزين ساحات المنتدى بالقه المتدفق
ويسماحته وبطيبته وحسن عشرته..
عاد لينداح ....بينكم
بخفة ظله وسماحته
ابو وضاح
الجميل السادة وضاح المحيا
وهكذا نحن
جمعتنا الهدى على حبها
ولن نفترق
فكم نحن اليها
وتحن اليها
حنو المرضعات على الفطيم
نسامى عن الصغائر
لنسمو
ونعلو
الى افاق ارحب
وقد شرفنى
حينما اصطحبنى
الى بوبة
الدخول
بسم الله
الذى لا يضر
مع اسمه شئ
فى الارض
ولا فى السماء
تفضل ابوضاح
بالفل والورد والياسمين
ونواصل

‏_‏_____________________________________تفضل ابو محمد بالفل والورد والياسمين __ولك محبتي