الحلم الذى ظل يراود كل ابناء الهدى زمنا طويلا وانتفت عنه صفة الاستحالة عقب دخول الكهرباء .. لكأنى به الآن قد اصبح واقعا وبات وشيكا .. وبمهاتفة جمعتنى اليوم بالاخ الصادق السنى اكد لى فيها ان طريق الهدى الفريجات دخل فى المراحل التنفيذية حيث تم التعاقد مع شركة شريان الشمال للطرق والجسور لتنفيذ المشروع والذى هو بطول 13 كلم طولى .. وتم الاتفاق على ان يكون يوم 13 اكتوبر الجارى هو حضور الشركة بكل آلياتها للهدى ويتم تحديد المسار وانطلاقة العمل والذى يعتبر من ضمن خطط مشاريع الولاية مع طريق المناقل الفريجاب .. وعلى إثر ذلك تم تكوين لجنة من ابناءمنطقة الهدى للاشراف والمتابعة والاعداد لدعوة الوالى لتدشين هذا العمل الكبير وابناء الهدى باللجنة هم 1- حسن مصطفى عبدالحليم
2- دكتور سيف حمد عبدالله
3- مهدى عبدالقادر مدثر
4- على محمداحمد (جاموح)
5- الصادق السنى
6- سامى حمد
واول برامج اللجنة الذهاب للتفاوض مع الشركة للتبرع بعمل جزء من الطرق الداخلية المهمة وذلك بالتنسيق مع الاخ على موسى المدير المالى للشركة وهو من ابناء شرفت ودرس بالهدى وقريب آل ارباب وبعلاقات الاخوة دكتور سيف والاخ مهدى عبدالقادر .. نسأل الله ان يكلل هذه المساعى بالنجاح ويوقف القائمين على امره ..
ونقول للاخ عبد الرحمن مدثر يلا جهز لينا قصيده من هسى زى بتاعت الكهرباء ديك ..

بكل معاني الود و التقدير نرسل التهاني والتبريكات لكل الاهل و الاحباب في الهدى و ما جاورها بهذا الانجاز الكبير والذي طال انتظاره و التحية والتقدير لكل من ساهم في هذ العمل من ابناء الهدى المخلصين وحقيقة تعجز الكلمات و تتقاصر عبارات الشكر لهم وتقبل الله جهادهم من اجل المنطقة ووفقهم الله وسدد خطاهم ومزيدا من التقدم والاذدهار للهدى وقرها اكرر لكم التحية والاحترام أبناء بلدى وتقبل الله جهادكم وبارك الله فيكم وجعلم ذخرا للوطن

الاخ والعزيز جدا هيثم ابراهيم ابو ( )؟

هذه من البشريات الجملية والتى اردنا ان نلوح بها

لاخواننا فى الغربة الطيور المهاجرة كما يحلو ..

ونرسلها ليكم ساخنة قبل ما تبرد.. وربنا يحقق الامانى

بكل معاني الود و التقدير نرسل التهاني والتبريكات لكل الاهل و الاحباب في الهدى و ما جاورها.

وينك يا حماميزو انت تظهر وتغيب ساى خليك متواصل

ياخى وعارفنكم فى الخريف بتكونوا فى المدينة يعنى

التواصل متاح

بالله طمأنا عليك واحوالك وعاملين شنو مع ارهاصات

الاستفتاء والانفصال ؟

الذهب الذهب

يكاد عقلى يذهب

والزلط الزلط

يكاد فكرى ينضب

ياولى دا خبر

يستاهل حلاوة حلى

يجيك بعد البداية

عبدالرحمن مدثر كتب:

الذهب الذهب

يكاد عقلى يذهب

والزلط الزلط

يكاد فكرى ينضب

ياولى دا خبر

يستاهل حلاوة حلى

يجيك بعد البداية

يا ود مدثر نضم صوتنا للاخوان دايرين قصيدة الزلط زي قصيدة الكهرباء
وبصراحة انت حاضر حلاوة حلي اتاريك قديــــــــــــــــم

بشرك الله ياوليد يامتابع_نحن متابعين كل التفاصيل والخبر اليقين جدا في دهاليز المكاتن و ا.د سيف هو الأقرب والاصبر والاوسع درايه_عموما ألف مبروك وهذاجسر آخر للتواصل والانفتاح_لك الود

والله دا احلي خبر والهدي تستاهل الكثير والكثير ونطمع اكثر في زيادة الطرق الداخليه بما ان الولد المدير المالي طاع ولدنا بالتوفيق وتهانبنا لكل ابناء منطقة الهدي

زمان .. ونحن طلبة قالوا لينا تقاس حضارة الأمم بسهولة المواصلات .. وذلك لربط الإنسان بالعالم الخارجي ..
شكرا وليد سعدنا بهذا الخبر .. وبهذا الزلط الذي يربطنا بالعالم الخارجي لنصبح مع الأمم الراقية ..
التهنئة لكل الأهل بالهدي .. وفي الخاطر أيام السفر والوحل والخريف واللواري تقيف ..

يا بو مزن

الود الشرط .. اللابس الشبط .. القطع الزلط ..

اسمو منو؟ .. اوع تقول النبق النبق !!

الاخ سراج اشكرك على المتابعة والاهتمام وحقيقة كل المشاريع الحيوية والتنموية الكبيرة بالبلد من اسهامات ومجهودات الاستاذ الدكتور المهندس سيف حمد ربنا يديم عليه نعمة العافية ويجعل ما قدم فى ميزان حسناته

الاستاذ صديق خالد نشكرك على المرور وانت فى موسم

التخزين الحلو بالله (القات ) كيف ؟ عندنا صاحبنا

مشى المكلأ عدى ليهو شهرين بس جاء عامل ليهو جضوم!!

ياود المامون اللوارى دى تانى الا تمشى تشوف ليها

طماطم بى وين انشاء الله اول اجازة ليك بصات الهدى فى

الميناء البرى صالة رقم (1) تركب قبل سوبا يدوك

حلاوة وموية باردة .. قرب الكاملين الساندوتش

والبارد وانت مشدود مع الفيلم ماقادر تاكل

يا وليد ظبطوا الطريق والقات سوف يصلكم يومي طازج وبدون مواد حافظه

شوف عينى سراريها وحواريها
بقت نسمى وبقت تشرب من الحامداب
الحلم بصبح حقيقة
والحقيقة
المرة دى ظلط
ولاتعليق

يا شنبو وينك انت ليك مدة مابنت ونحن فى إشتياق لشوفتك .. شركنا ليك بى طماطم طارق ماظهرت .. شركنا ليك بالشطه ماقحيت .. قلنا الزول دا داير ليهو قنبلة كبيرة .. بركة الشفنا قلمك طيب

يا صديق اشكرك على التواصل وربنا يحفظكم من شرو طبعا القات دا قالوا ليك حكاية!! .. ياريت تفرد مساحة وتكلمنا عن طقوسو العجيبة دى

اليوم 10 شهر 10
خبر الظلط شنو

نحن لا نتمني تدشين الزلــــــــط من الفريجاب للهدى فحسب بل نتمني ونناشد الجهات المختصة أن يكون الزلـــــط حتى داخل أحيا الهدى لان الهدى رمز النمو ورمز التفاؤل ونتمنى أن يكون فى القريب العااااااااجل

يا ستاذ مضوي ياوليد
الجديد في المشروع شنو اليوم 13/اكتوبر/2010

افيدونا بالجديد عن موضوع الظلط فهو الحدث المفصلي في الهدي هذه الايام واتمني ان كانت هناك معلومات جديده ان تنزل يوميا في هذا البوست.
ولكم تحياتي

سلام ياوليد جياب الاخبار الحلوة
لكن بالغت مع صاحبك علي قلت لي قنبلة عديل كدة داير تكتلو ولاشنو ياخ انت
طيب خلونا في المهم
ياناس الداخل طمنوا وفرحوا ناس الخارج

اقتباس :

.. وتم الاتفاق على ان يكون يوم 13 اكتوبر الجارى هو حضور الشركة بكل آلياتها للهدى ويتم تحديد المسار وانطلاقة العمل

اليوم هو 17 اكتوبر
الجديد شنو؟

ياوليد الاحلام كترت وكبرت ومن الاشواق ماقتل كان علينا راس البيت كان زلطو مابكفينا لاننا صبرنا وناس طيبين والشغل داير جري وقلع ومتابعة وورش وقومة وقعده مانفرط وبكره يقولو احلام زلط ليك التحية وحكايتك مع زلط الهدى دايرة بوست ولسه الناس بقولو ردمية وليد وناس الكوارو

يـــــــــــــــــا شـــــــــــباب
ما الجديد فى هذا المــــــــــوضــــــــــــــــــــــــــــوع ,

فى اتصال هاتفي من الاخ الصادق السنى اشار لي ببشرى علها لاتكون
كسابقتها
وقال انو الوزير وجه خطاب إنو الاليات تتحرك بعد اسبوع من طابت للبدء في رصف طريق الهدى.

الاخوة المتداخلون على هذا البوست

اولا اشكركم على المرور .. الفأل .. الامل ..الزرزرة

وخصوصا زرزرة اخونا عادل والله زرة كديس فى بمبة!!

وطبعا هذا المشروع من المشاريع التى بشرنا بها الاخ

الدكتور سيف حمد منذ فترة بعيدة وهو الان فى مراحل

التنفيذ ومسألة التواريخ والبداية الفعلية هذى

مسألة ترتيبات ليس إلا.. ونحن لانستعجل طالما انفتحت

نوافذ الامل ..

.. وما يطمئن هو وجود البروف الهمام فى اللجنة

العليا لهذا المشروع .. وعشان المتابعات والجديد ..

جبنا ليكم السنى من قرونو يلا زرزروه

كباشى .. انت لسة متزكر الردمية ديك ؟؟

ما زماااان السنى مسحها وخلى مكانتها دلجة ..

دع احلامنا تكبر حتى تصبح حقيقة

ياوليد ..
ماتخلوا مشاعرنا تتزلط ساى

فى زلط جاااااااى

ولا نظبط فتتنا ساى

دايرين تفاصيل شوية

الميزانية الكبيرة .. والبداية ..

لانو اليومين دى صراحة ماايام زلط ذاتو عند ناس الحكومة

ديل مزلطين فى حتة اكبر



ممكن اهدى

زلطة .. وزلطة .. تساوى زلطتين

زلطة

وزلطة

بتعمل ردمية

وبين قوسين (يشيلوها ناس الكوارو )

ياجماعه مافي خبر من الزلط والتشجير

لاحباب الاعزاء
ما زال باب الامل مفتوح
وسنطرقه ولن نمل..
ولا بد من استنهاض كل الهمم
والفرقة بسيطة ..
وبسواعد الرجال بتنسد
التحية لكل الشرفاء من ابناء قبلة الانظار
ودمتم

قالو الآليات في طابت والبداية من الهدى ,كلام جميل وبشارة خير ودارين نسمع طوالي اخبار سارة ,وكان لقينا زول من ناس اللجنة ادانا كلام في المليان يكون كويس والسني حاليا اكتر واحد متابع قالو سجل في المنتدى لكن ماشفنا.

ياوليد سلام
بشر الله بالجنة قول امين
في خشمك اللبن
وفي قدم ناس اللجنة الخير (الظلط)
واللهم اسمعنا خير وارينا الظلط وقرب بعيدنا وبعد عدونا وسهل امرنا
الظلط ماصعب بس بحتاج لحسن الظن بالله وتماسكنا ووحدتنا وصفاء النية
والنظر لقدام وراء دا خلوه هسع
ودالامين

فى الايام المنصرمة القليلة قرات على شريط اخبار تلفزيون السودان انة تم الاتفاق بين بنك لم اذكر اسمة ولاية الجزيرة على تمويل 40كلم ظلط
قلت ياربى مافيهن ال15كلم حقتنا
عليكم الله فتشوا الموضوع دا
لانو طريق الهدى الفريجاب كل ماسنة بيجى فى ميزانية الولاية بس لضعف التمثيل وقلة المطالبة من الجهات الرسمية والشعبية لايجد حظظة من التنفيذ
فهى دعوة للمطالبة بة فما ضاع حق وراة مطالب

التقراه ينفعك ياود أبشنب_وماداير اسأل وليد من الجديد_أأنا أأنا بحب المفاجآت

في اتصال هاتفي بالسيد الصادق السني لمرفة الخبر عن خطاب الهيئة الغابية بخصوص التشجير اخبر بانه لم يستطع تسليمة بعد للهيئة بفرع مدني ولكنه في الايام القادمه سوف يجتهد في ذلك، وقد افاد من الشركة التي سوف تنفذ لطريق سوف تاتي غدا بالاياتها لعمل المعسكر وبدء التنفيذ وقد كان ذلك الاتصال في الاربعاء اما ماذا حدث الان فالله اعلم .

الحبيب حسن
شكرا لك للمتابعة
وهذا فى حد ذاته انجاز
ستاتى الثمار مهما تاخر الزرع
والهميم ود السنى اتمنى الا يكون الحمل كلو عليه
وانا اعرف انو قلبو حار وشيال حمول
ونداء نوجهه عبركم الى كل الذين
يمثلون الهدى فى كل المواقع داخلية وخارجية
ان يرفعوا راية التحدى بالانجازات
لكثير من المشاريع التى هى فى مرحلة التنفيذ
وعلى راسها طريق الهدى الفريجاب
مرة شكرا حسن
ودمت

الليلة ناس وزارة التخطيط العمراني رسلو تيم قام بالمسح النهائي من الفريجاب للهدى وبعد الفطور سألناهم اها الزلط حقيقي ول حلم ؟ قالو تم الاتفاق مع شركة شريان الشمال وبعد العيد مباشرة التنفيذوالزيارة دي اخر مرحلة في النظريات.

الاخ الكبش سلامات واشواق

ان تم هذا يكون زلط العيد .. والحمد لله الدخول فى

مراحل العمل والتنفيذ .. اها ردميتى مانفعت ؟!

بقت تيراب زلط!!

بشركم الله بالخير دائما انشاء الله ربنا يجيب الظلط ويكثر كمان الظلط (بالمناسبه الظلط باليمني هي الفلوس) يعني ظلط + ظلط = المتعه والرفاهيه للهدي و كل المنطقه
وأكيد الظلط بجيب الظلط