الشاهد ونحن صغار جدا كنا مولعين ومبهورين بي زاكي الدين خالد عوض الكريم كان شاطر جدا وخطاط ولعاب كورة لمن غلط
واليوم كان عصرية وبنلعب قدام شفخانة البيطري القدام بيت ناس عمكم عبدالحليم
وكنا بنلعب كورة كل يوم يوم قيم دافوري ويوم طويلة لمن الناس يكونوا كتار وطبعا العزلة بالقرعة وتمشوا انتو اتنين اتنني تتساموا وتختار ليك اسم وتجي على الرؤس الكبيرة وهم البيعزلو التيم الروس الروس حباب التروس من السيف البقطع الجبيلين للحربة البتمش يومين واي رئيس يختار ونبدأ اللعب ويادار مادخلك شر
وطبعا ماعندنا نصيب في اللعب الجد جد واهو كنا بنتسلى ساكت ويوم فريقنا غالب ويوم مغلوب ونجي راجعين بيوتنا ملينانين تراب
ومكتحين بالغبار تتشطف وتشرب اللبن وتنوم وكل يوم كورة زي دي في امان الله
قوموا انتو ياأولاد اليوم داك قالو يعملوها هلال مريخ
وطبعا السؤال انت هلالابي ولامريخابي وماعندنا فهم كتير فيهم الاتتنين واذكر جيدا لما سألوني انت هلالابي ولامريخابي قلت ليهم
بعد يقول الزاكي
طبعا لانو الزاكي لعاب هو المفروض يغلب
ومن يوميها عشان الزاكي قال هلالابي انا قلت هلالابي
واول ماكبرت كبر في جواي الهلال والسبب الزاكي وبقيت ماقادر اتخلص من عقدة الزاكي دي وارجع في كلامي عيب وشينة يقولو قلب
واي مباراة داخلية او خارجية يتغلب فيها الهلال بقيت اسب للزاكي
واليوم بالزات غايتو الله يغفر ليك من حقنا

الحبيب ..عادل خالد
اقصد الزاكى خيارى ..
هوى يا عادل الزول صاحبى
وكلو محاسن..يعنى ما عندو اى
( مساوئ) يعنى ما بيعمل ضربات جزاء
بعدين اليوم ده بالذات بتسب ليه
الحصل شنو ..كده ورينا...

يا أبو الطيب الغلط مرجوع
انت يا دوب بقيت تفكر صاح
تعال ساي ما في زول بقول كان هلالابي لكن عفصوا فيل من أفيال الشعب

لك التحية ابو الطيب
دائماً ترجعنا للماضي الجميل زمن السبف البقطع الجبلين يا حليلهم اولاد الزمن ده.
حياة لا يخالطها الكدر الا ما ندر.
لا هم فطور ولا غدا وممكن ان يكون في اي بيت دون تكلف.
لاهم دفاتر مدرسة لا رسوم دراسية اساتذه في غاية الكفاءه واجادة للمهنة
اما الاخ زاكي الدين فعلاً كان مميز واذكر شد انتباهي و انا في الابتدائي، كنت جالس جمب الشباك الفاتح على السوق وناس الزاكي ديل كانوا في المتوسطة عند ذهابهم و رواحهم للمدرسة كان بشد انتباهي بهندامه و تسرحة شعره وكان بمثابة مثل اعلى وكم تمنيت مصادقته. ومن حسن الصدف القيته بمصر عام 86 ولم يخب ظني فيه بل كان اكثر مما توقعت، شهامة ، ظرافة ، لطافة.
لذلك عليك ان تفتخر ان زاكي الدين دخلك الهلال.
لك و له التحية

لك التحية الحبيب ابو الطيب
لك أن تفخر .. إنت في المكان الطبيعي .. ياحبيب ..
كل مولود يولد على الفطرة هلالابي ..
وكل من يأتي به زاكي الدين خالد فهو هلالابي ..
الغير طبيعي وعكس الفطرة التى خلق بها الأنسان .. أن تكون في المعسكر الآخر ..

سلام حبيبنا زيادة
احرفك تنيء عن فرح غامر وشماته بهذه النتيجة ولكن الخيل الاصيلة بتجي في اللفة
ودي غير حقت الكلاكلة
حقت تونس

صديق خالد
سلامات في بلدك الاسمو اليمن السعيد
مافي غلط لكن في هفوات ميدانية بتخلي الواحد يطلع من جلدو
اها دي خلتنا نطلع ونرجع لايام الكورة قدام بيت ناس عبدالحافظ وتنكت لينا حاجات عجيبة خلاص
وفي النعاية الهلال في مجموعة الابطال والتي لايصلها الا الابطال

الهادي محمد يحيي الرياضي المطبوع
شهادة من خبير
وعلى راي اهلك السعوديين امريكي مايحتاج
انت رياضي مايحتاج
تعقيب على كلامك
لك التحية وعبرك للاخ الزاكي

يازاكي الدين كان مرقتنا من دي الليلة
تاني بنبصم ليك ونحن كبار زي مابصمنا ونحن صغار

هههههههههههههههههههههههههههههههههههههههههه
يازول استهدي بالله
وانشا الله الزاكي مايخذلك

يا زاكى الدين ..
عذبتنا ...