احبائى مشرفى واعضاء منتديات الهدى
السلام عليكم ورحمة الله
لكل منا ظروف قد تجبره من التغيب عن المنتدى بدون ما يكون لنا معلومة عن سبب غيابو وبما اننا بمسابة الاخوان بل اكثر من ذلك ونهتم لامر بعضنا الرجاء الاعتزار قبل الغياب حتى لا يصيبنا القلق عليكم 0
دمتم فى حفظه ورعابته0

ياطال غيابك .. طال سنة وزيادة ..
قول لي .. قول .. كيف القى السعادة ..

صلاح ود هنونة ..
السيرتك عطرة وبين الناس ممنونة ..
مشكور .. ومأجور على الطرح ..

أجدد لك التحية .
ابو وضاح

عوض خيارى

وينك ياحبوب

الطيب محمداحمد

غايب ليك فترة شكلك كدا بعلاقاتك عندك اورنيك

اتذكرت زمان زمن فتحية والمستشفى ورحلة البحث عن الاورنيك المرضى

وكتير التمثيل مابجيب نتيجة ..

فى ناس طاعمين ياخ
فى وجودهم مابنحتاج لسكر

عاصم الطيب بابكر وينك ياانيق الكلمة

وفى زول تانى الجودى ودحاج الماحى مفروض المطرررره تجيبك يااااااااخ

الشيخ / حسبو الخزين
اين انت يا اخا العرب

الاخ ود هنونه
اولا الغياب سببو بط النت وانت عارف النت سوداني تشتري ساعه يدخلوك النت بعد سله روح
وجبنا نت زين قالو سريع وانا وعثمان بنوصيك قبل د.خالد مايجي جهز لينا موبايلات نوكيا حديثه مع وصلات للنت وبعاك اسالنا

عبدالرحمن مدثر كتب:

عوض خيارى

وينك ياحبوب

انت عارف انو المطرة جات
اكيد الكهرباء قطعت
لاكين . . . . . .
معاكم بي قلوبنا
لحدي ما الكهرباء تجي

يا الهادى محمد يحيى تظهر بس مع الاسماء المستعاعرة ولا ايه الحاصل

اخونا الصادق احمد محمد امام ودابوشنب
لعل المانع خير
افتقدنا تفقدك لنا قلنا نفقدك

الغريبة ود الشريف من غلب المريخ داك اختفى
انتو ياناس الهدى الجوة زمان كان الحرد لغلب المريخ 3 يوم في زمنا
اسه بقى 3 شهور ولا شنو
اظهر ياود الشريف عليك الامان

اخونا .. منتصر عيســاوي .

سافر زمان .. لاجاب جواب ولاحس ولاخبر ..

وينك يالسمح قولك .

وينك يا نزير تكون سافرت القولد

احبتى الاعضاء فى منتديات الهدى
نفتقد احيانا اناس لهم مكانة فى قلوبنا ودلالات فى وجداننا غابوا عن العيون ولم يغيبوا عن الوجدان لم نعد نراهم من بيننا فى كل ركن من اركان المنتدى ونمر على حروف نقشوها بمداد قلوبهم الطاهرة نتذكرهم بالخير حيثما كانوا لا نعلم ظروفهم ولكننا اشتقنا لهم لذا ستكون هذه الصفحات مخصصة للسؤال عنهم والاطمنان على احوالهم ممن يتواصلون معهم من خارج المنتدى بالله بلغوهم سلامنا

الاخ علا الدين السنى
لعل الداعى غير رمضان
ورمضان كريم

انتو عارفين انو نايب المدير العام لجمعية الهدى الخيرية
الامام مزقة
من ماسجل لم نراة تانى
يكون سببك شنو؟

انتو وين سيد مزقة
السؤال ليك
ياعبدالله حمد مرحب بيك
ووين عبد الله محمد نور
ودالامين

الاخ العزيز و الاستاذ الجليل طارق مامون لك التحيه
والاكرام علي سؤالك و تفقدك
وانا يا عزيزي موجود رغم قلت مشاركاتي في الفتره السابقه نسبه لضيق الوقت خاصه خلال ايام الشهر المبارك لنقل معظم العمل للفتره المسائيه وهي الفتره التي كنت استطيع فيها تصفح المنتديات و اضافه ما استطيع اضافته
ولكن انشاء الله نعود
فلشكر لك اخي طارق مامون و لكل الزين يسالؤن و يتفقدون الاخوه الغائبين
فانتم دائما هكذا يا اهل الهدي نعم الاخوان و الاصدقاء

وينك يا حاج زيادة والله غيابك بلحيل مألمنا

وين ولدنا الزبير محمد على العبيد،فنحن من خلاله نروى ظمأنا لأناس كثر ،نسأل الله أن يكون الغياب لخير

حقيقة يا ودإلياس ولدنا الزبير وأخونا سراج الفاضل وحشتنا إبداعاتهم لعل الداعي خير......لكم تحياتي وتقديري

يا الشريقاوى ما من عوايدك وينك ليك مدة ما بنت

الأخت رشا الكناني ..
من فترة وماسمعنا صوتك أذا جاز التعبير . انشاء الله المانع خير .. ورمضان كريم عليكم أجمعين

يا شباب والله في ناس كدا وجودهم في المنتدي مهم وين الاستاذ عمر صديق مشتاقين لسيد الاسم وابداعات الجابري وقمر مساعد دايرين نظرة كدا علي الجمال و عثمان مساعد وقفشات بابكر امام وحكايات عوض الكريم ابو سن ووين ناس مصر عبد الناصر و الهادى البريره و الاستاذة شادية مدثر خالدة عمر وسلوى حسن حمد ود عبد الله البلال ود بشري عبد الحليم بالله عليكم شوفو الناس دي وين

أولا الأستاذ الأمين احمد عبدالنبي
مهند ومحمد

غيابكم طال ومنذ فترة لم نسمع عنكم إنشاء الله المانع خير .. وكل عام وأنتم بألف خير

لكم التحية احبتى
والعيد مبارك عليكم والقابلة كدة
كلكم مهرولين (بين العامودين )- ومتزوجين (لعذابنا) ولاعزاء (للمطلقين )

نعم الداعى خير
مشاغل العيد

بسم الله الرحمن الرحيم
أخونا كتلو (ايهاب الكنانى ) انشاء الله المانع يكون شهر عسل وكدا
وأخونا ودعبدالله ابو عيدالله ونسيب عبدالله نقول ليك عبدالله مبارك عليك ولكن اظهر ياالتركى

ايمن بحرالدين الحسين
لا رديت ولا كتبت ولا اتصلت
انشاءالله هدفك اتحقق ؟

احتسبت ضده ضربه جزاء وماعندو حراسه ( القون فاضي)
مش ليهو حق يشيل الكوره ويجري
هههههههههههههههه

صلاح الشيخ كتب:

ايمن بحرالدين الحسين
لا رديت ولا كتبت ولا اتصلت
انشاءالله هدفك اتحقق ؟

ساعود عندما يكون الرد موضعيا وليس وصفا بالنفوس المريضة

العزيز / الياس
( لو وشوش صوت الريح فى الباب يصيقنا الشوق قبل العينين )
مالى اسمع خشخشت نعليك ولا اراك اتمنى انك بخير
كل عام وانت بخير

محمد الطيب ابراهيم كتب:

الاخ ود هنونه
اولا الغياب سببو بط النت وانت عارف النت سوداني تشتري ساعه يدخلوك النت بعد سله روح
وجبنا نت زين قالو سريع وانا وعثمان بنوصيك قبل د.خالد مايجي جهز لينا موبايلات نوكيا حديثه مع وصلات للنت وبعاك اسالنا

حبيبنا ودالطيب ياخوي انت ماعارف الملح بشق اعمل حسابك
لكم مني كل الود

تاني علاء السني فقدناه ياربي الزول ده يكون الجنوب اتفصل وبقى مع الجنوبيين وقاطع الشمال حتى عبر النت
نتمنى عودتك يابطل

وين ولدنا علاء الصديق الخليل
الزول صاحب التوقيع الجميل
كن جميلا ترى الوجود جميلا
اظهر لتجمل لنا صفحات المنتدى

ولدنا الزبير محمد علي العبيد
طال غيابك لعل المانع خير

العامريات
ام نعيم
وام مؤيد
ياربي يكون طارق المامون فزع بيهن لموسم الطماطم والشطة ولا شنو
نتمنى عودة الثنائ ليشع الابداع من خلال مواضيعكن الهادفة

ياجماعه زول يأتر لينا الصادق ودأبوشنب
الزول ده فجاة اختفى ان شاءالله المانع خير

الدكتورة ناهد
لاحس لاخبر
ياسيد حسن الناس دي لسه مضربة ولا شنو

طارق مامون كتب:

الأخت رشا الكناني ..
من فترة وماسمعنا صوتك أذا جاز التعبير . انشاء الله المانع خير .. ورمضان كريم عليكم أجمعين

ياسيد طارق الغريبه الزولة ديي انا لميت فيها حايمة في منتديات برة برة وكتبت ليها وقالت جاية لاهي ولا ايهاب
يكون مالهم الاتنين متفقين علينا ولا شنو

مسرة علي
طبعا يكون البت بقت مسؤلة كبيرة في الحكومة ونست المنتدى
ياعوض الله ماتشوف لينا الحاصل شنو