ستبأ المدارس باذن الله فى يوم الاحد 9/6/2013م والفصول بالمدارس مكتظة بالطلاب والفصول يبدوعليها الانهيار وان الفصل به اكثرمن 75 طالبا وهذا يشكل خطرا اذا لم تتم الصيانات المطلوبة . ونحن فى مدرسة الهدى الثانوية للبنات نحتاج الى بناء فصل جديد حتى يتم استيعاب الطالبات الجدد ولدينا الطوب والاسمنت والكمر ونحتاج الى اكمال باقى المواد والايدى العاملة والله ولى التوفيق .

سلام ياستاذ زاكي الدين
مرحب بيك في المنتدي وانت تطرح قضايا الهدي عامة والمدارس. خاصة بحكم عملك
نرجو من حضرتك إخبارنا بالمبلغ المطلوب حتي يتسني له كيفية التعامل لجمع المطلوب
أبشر بالخير

بالتوفيق وغام دراسى جديد مفيد
الفصل سيتم بناؤه باذن الله وبسواعد ابناء الهدى
زى ما قال ليك عادل المبلغ المطلوب بالضبط لبناء الفصل ولازم فصل ما يقع الخريف القادم يعنى يتأسس جيدا بواسطة مهندس وبدون استعجال وبى رواقة عشان نبنى فصل متين يقعد 100 سنة على الاقل

انا جني وجن الاستاذ البكتب ليه موضوع ومابرجع ليه والبت البتحضر المسللسل

تحياتي الاستاذ زاكي الدين وابشر بالخير جهزوا الميزانية وبتم باذن الله ونحن القاعدين ليها شنو ومدارسنا بتنهار

الحبيب والصديق الاستاذ زاكى الدين
لك ال بناء هذا الفصل
تحية والتقدير وانتم تتبنون قضايا مهنة الرسل
وانتم واحد من الذين يكتون بنارها
ومن اهل مكة الذين تدرون بشعابها
ونحن دائما معكم فى قلب المعركة
املين ان يمد الجميع اياديهم
من اجل تشييد الفصل المعنى
للمساهمة فى الحل
وكما تفضل الاحباب
نرجو طرح تكاليف لفصل
للعمل على جمعها
خاصة والخريف
وبداية العام الدراسى على الابواب

اشارة الى الموضوع اغلاه كنت قد اشرت الى ان مدرسة الثانوية بنات تحتاج الى بناء فصل جديد والا ستكون هناك مشكلة فى العام الجديد . المواد التوفرة بالمدرسة : 20 الف طوبة 2 طن اسمنت عدد من الكمر يكفى للسقف الاشياء المطلوبة : 1/ 24 سيخة × 40 جنيه = 0 6 9 2 / 2 دور رمل بيضاء × 300 = 600 3/ 8 دور رمل × 180 = 0 4 14 4/ دور خرصانة × 500 = 00 05 يد عاملة = 0 00 6 0 سلك كانات 20 × 4 = 0 8 0 0 لحام الكمر = 0 0 2 0 الجملة تقريبا حسب الاسعار الحالية=0 8 7 9 المبلغ كتابة بالتقريب تسعة الف وسبعمائة وثمانون جنيها

شكرا استاذ زاكي الدين على التوضيح

اقتباس :

الجملة تقريبا حسب الاسعار الحالية=0 8 7 9 المبلغ كتابة بالتقريب تسعة الف وسبعمائة وثمانون جنيها

يلا ياشباب زاكي الدين ده اول مرة يجيكم بمشروع ومشروع مفيد لاهلنا ولبناتنا
شوبش
ح يفتتح المزاد
اديني يومين تلاتة ان شاءالله تسمع مايسرك قايمين ليك بحملة
وياشباب لاتدعوا الخبر يقف عندكم فقط اخبروا كل من معكم في العمل والسكن والجيران
والدال على الخير كفاعله

ياجماعه موضوع الفصل ده عملتو فيه شنو
ماعايزين مرور ساي
انا شخصيا كلمت ناس اصحابي في ولاية كنكتكت وفيرجينا وواحد صاحبي في كندا
وواحد في السعودية وواحد في لندن اي واحد مايعتمد على تبرعه الشخصي فقط
زي مابقولوا ناس الدعايات تعال ومعك اخرون ماشرط ناس الهدى براهم
عايزين نعمل نفرة شاملة كاملة للاخوان الهميمين محمد الطيب وزاكي الدين
وكل من يتقدم بمشروع لخدمة الهدى

الحبيب عادل خياري
كل ما نستأ تبث فينا روح العمل
ربنا يوفقك في كل خطوه
والله ناس البلد ما قادر اعبر عنهم كسالا ام عجزه ولا في تحريض ما عارف
اي كل ما تتحدث عن بناء الفصل اي واحد يقبل يديك ضهرو تقول انا مدير المدرسه داير اجلدو.

المبلغ كله عشرة الف تقريبا
عايزين عشرة من المنتدى اى واحد يجيب الف باى طريقة فى خلال الاسبوع دة
عز الدين كلم ناس السعودية كلهم وعادل حايتصرف وانا حا اتصرف ومحمد الطيب وزاكى الدين يمشوا يقلعوا المكرفون من امام المسجد ومن الجامع حا تتلم الفين تلاتة فى يوم جمعة واحدة والموضوع بسيط جدا بس الناس تتحرك بسرعة ومن المنتدى هنا حاولو طلعوا حاجة
انا ببدا ليكم هسة بى 100 جنيه حاتصل لى الزاكى خلال الاسبوع دة باذن الله ولو لقيت زيادة حا اكمل من اصحابى الالف
يلا يا جماعة لو بى جنيه واحد الجنيه دة نحن عايزنو
بس نرجو من الاستاذ الزاكى يكتب لينا المبلغ كل يوم ولا ننسى بان المبلغ هو عشرة الف ال 100 جنيه بتاعتى دى
يلا يا عز الدين وطارق المامون عليكم بى ناس السعودية قبل الجمعة الجاية لو سمحتم وكله على المكشوف فى المنتدى هنا لحدى ما نتم العشرة الف
دة رأئى ولو ما عجبكم قولوا لى عشان ما ابدا احرج نفسى بالشحدة

نرجو من ادارة المنتدى تثبيت البوست لمدة عشرة الف وبعد داك لو عايزين تحذفوا احذفوا وما تخلونا نكرهكم وتكرهونا عشان تثبتوا البوست

عشرةالف تتلم فى يوم والله وياريتنى لو قاعد فى الهدى
بلد فيها نوادى وكم جامع لكن نحن فالحين نتفلهم
محمد الطيب اى زول يديك ضهروا ويقول ليك انا عايز اجلد الناظر خلى اول حاجة يديك الفيهو النصيب وامشى معاه ادى الناظر جلدتين وماتمشى منو يا يجلد الناظر يا يدفع للفصل يا تقول اسمه هنا فى المنتدى وحانكتب اسامى الناس ونوزعها فى النوادى والمساجد والمجلس والسوق دة فصل لى مدرسة يا اولاد الذين لا شحدة ولا تبرع ولا صدقة بل واجب على كل من يسكن الهدى ان يساهم ولو بى قرش ولو بى جنيه حق صعود يوم واحد

الاخ صديق الماحى لك التحية وانت تدعم بافكارك وارائك مدينة الهدى فرأيك حول كيفية الدعم والتبرعات فهم سليم وجميل . لكن هذه الفكرة لو طبقت من قبل اللجنة فهى لا تصل لهدفها وذلك لعدم ثقة اهل الهدى فى اللجان !! والمواطن الذى يقوم بما تفكر فيه انت غير موجود الان فكل واحد يخشى على نفسه !

بسم الله الرحمن الرحيم
الاخ الاستاذ الزاكى لك الاحترام والتقدير
فكرة المشروع حلوة جدا ومهمة لابعد الحدود
لذلك ارجو من اعضاء المنتدى انيقللوا من الكلام
المهم الفعل واكرر الفعل ل الكلام انا متبرع با 100
جنية سودتنى تستلم مكن الاخ عبدتلملك عبدالله
اتمنى السرعة فى الانجاز ياابناء الهدى واعضاء المنتدى الكرام

اها دى 200 جنيه انا وبشرى
يلا بطلوا فلسفة وعايزين نشوف العشرة الف سريع
حتى الزاكى ذاتو ما شفنا جيبو وجا يقول لينا فى كلام ما بنلى اى فصل
دخلتك التانية زيد ال 200 جنيه دى انشا الله جنيه واحد خلونا نخلص
شكرا لبشرى الرجل الهميم الذى يتفاعل بسرعة ودة ود الهدى العايزنو

الأخ الدفعة الحبيب زاكي الدين خالد
الأخوة المتداخلين
لكم التحية ونسأل الله أن يعين الجميع لعمل الخير
والهدى نحن مامشحودين عليها .. فهي بلدنا ونحن ناسا
وأي بلد ببنوه ناسوا والأعتماد على الحكومات دا مابنفع ولا بقدم
العون الذاتي هو بجانب أي عمل حكومي وربما قبله
اعلن تبرعي بمبلغ 200 ريال وسوف أقوم بتحويلها الى حساب الأخ ود الياس

الاخ الحبيب طارق رسالتك وصلت وربنا يتقبل منك هذا . كم تمنيت ان يكون هذا التبرع فى شكل جماعى . فانت لك الشكر وربنا يبارك لك . وهذا المبلغ لايستهان به وذلك الفضل من الله

التحية لكم جميعا ابناء الهدى على هذه المساهمات وانتم حادبون على مصلحة البلد وفلذات اكبادنا ومازلنا نطمع فى الكثير . ونرجو المزيد واحب اطمئن الاخ صديق الماحى بان كل البناء الان فى الهدى بصورة طيبة واى فصل جديد من العقد المتين بس الطلب جاء متأخر !

عزالدين حسن محمد كتب:

تحياتي الاستاذ زاكي الدين وابشر بالخير جهزوا الميزانية وبتم باذن الله ونحن القاعدين ليها شنو ومدارسنا بتنهار

ده الكلام يا عزو ...................

ماياها دى الميزانية يا دكتور واضحة وياناس الادارة ما تثبتوا البوست دة لحدى ما نكمل العشرة بس ارجوكم

انتو الموضوع دة بتعكسوا سريع كدة ليه هسة لو فى زجل خير بتاوق ودفع القريشات دى
نحن عندنا ادارة منتدى ذاتها عايزة ليها تحانيس عشان تعمل حاجة كرهتونا يا ادااااااارة

سلام يابوحيد
تشكر لتفاعلك وانفعالك في سبيل الهدي
الموضوع مثبت نفسه لأنو دائماً مرفوع بأهل الخير الذين يمرون عليه وأي كلمة يترفع الموضوع ليكون في المقدمة
عايزين الدفع المادي للموضوع أما الرفع المعنوي خليه علينا

الشكر لادارة المنتدى وتفاعلها والشكر لك ابو وحيد ونامل من الاعضاء التعجيل وغدا ان شاء ساعمل مسح داخل الهدى واديكم المحصلة ان شاء الله

الاخوة الكرام تقبل الله منكم
ووفقكم الى ما فيه الخير
ونتمنى ان نقف كلنا حتى يتم اكتمال الفصل
والفصول الاخرى

الاخ الاستاذ الفاضل تم تثبيت هذا البوست مع اضافة فى العنوان
ثبت الله اجر كل من ساهم فى هذا العمل الخيرى

الزاكى بطرفى مع مساهمتى
عصام صلاح الدين من مصطفى قرشي 100جنيه
وحيد حلمى حافظ مصرى 500 جنيه
المجمع 700
احاول ازيدها بقدر الامكان وارسلها
نرجو كتابة رقم تلفونك يا استاذ الزاكى

لكم التحية احبتي وانا متبرع بمبلغ 100 ريال سارسلها في حساب الاخ محمد احمد الياس وساتصل ببعض الاخوة من ابناء الهدي

التحية لكل من تفاعل مع هذا البوست حتى ولو بحنيه واحد استقطعه من قوت عيال ابنائه لبناء فصل مدرسى
ياجماعة الجنيه الواحد ماساهل الهدى فيها الف بيت وجنيه على جنيه حاتبنوا الهدى كلها مش فصل وين الناس ومنو المشى ليهم فى بيوتهم بكل احترام
الهدى فيها اعظم ناس على وجه الارض
حليلك ياو جابر وحليلك يا زهير محمد عبد الله وحليل شباب بيمشوا يدقوا الابواب
تحضرنى الذاكرة ومع هذا النفر الكريم
عايزين دعم لنادى المشعل وفى عصرية لفينا على ناس حى المستشفى بي والله الماعندو تب ادانا كيلة عيش وكنا بنثلى المعرب فى النادىجماعة عشان مل يفوتنا حجز الموشتينة ولا اللمة الحلوة فى النادى
خسارة على عدم التنظيم وخسارة على العفوية بين الناس
وخسارة على الناس البتاوق كل يوم واى واحد خجلان ما يخت ليهو جنيه واحد لى فصل لأنه ما عارف جنيهو دة عظيم قدر شنو
وين عادل خيارى ووين الزاكى ووين وين زياد عبد الباقى ووين ووين ووين ووين
معقول ديل كلهم ماشافو البوست دة يعاينى ليهم ليهو اكتر من اسبوع عشان عشرة الف
خسئتم خسئتم خسئتم

بالفلسفة الفاضية والكلام لا بتنوا نفسكم ولا حا تبنوا بلد
امشوا صلوا فى الجوامع وشوفو نعمة التكييف فى الصيف

سلام شباب
وماتنسوا عندنا فصل المحليه بتاع حي الصفاء
تكلفة بناء الفصل 5 مليون
وماتنسوا الاجلاس لاربعه فصول ودي تكلفة الاجلاس مع احتمال تغير الاسعار
منقول من بوست محمد الطيب

اقتباس :

اما بخصوص تكلفه الاجلاس تكلفه المقعد 110ج والدرج 165ج من المواسير المربعه اي بتكلفه 275الف جنيه للواحد والفصل يحتاج الي 14 مقعد+ ادراج بتكلفه 3850الف جنيه
جمله الاجلاس لاربعه فصول 14في 4فصول = 56 مقعد ودرج والجمله الكليه 15400 خمسه عشر مليون واربعمائه الف جنيه . والله الموفق

يبقى المجموع قول فصل زاكي الدين 10 مليون
فصل محمد الطيب 5 مليون
الاجلاس 15 مليون
المجموع 30 مليون
لازم نشد حيلنا ياجماعه

اقتباس :

وين عادل خيارى ووين الزاكى ووين وين زياد عبد الباقى ووين ووين ووين ووين
معقول ديل كلهم ماشافو البوست دة يعاينى ليهم ليهو اكتر من اسبوع عشان عشرة الف
خسئتم خسئتم خسئتم

انا اول واحد
عشان كدة ح ارد اول واحد
شفت البوست والله ياصديق ح اكيفك لمن زيتك يطلع انا مابجي براي شوف بقية الاعضاء واهل المنطقة
ياشاب انا ساكي التقيلة وشغال بنسبة كبيرة جدا جدا بس لسه ماجمعت الرقم المفروض اكملو لكن في النهاية يوم الاتنين ح تعرف جبت ليك كم ماعايز افصح اسه لاني ماجمعتها كلها ده السبب في ناس جايين في السكة
انا ماخسئت ولا اي حاجة بل ربحت ربحت ربحت ورب الكعبة

بعدين ياشباب الهدى 6 مليون ايدي عاملة
وين الملايين شباب الهدى وين والشعب العربي وين
نشوف بنايين نعم اما مسالة الايدي المساعده طًلب يعني تكون على شباب الهددى لتقليل التكلفة لان ماتوفر من ال6 مليون يمكن يكون مساهمة في الابواب والشبابيك والكهرباء والحاجات التانية ناس برة ديل ح يساهموا ماديا دون من او شوفونية عندما يرون ان ابناء المنطقة متعاونون فيما بينهم فيدفع الاخ ابن الهدى المغترب وفي حساباته هذا عوضا عن خدمة الضراع التي يفترض ان يساعد بها ولكن ان يدفع لشباب قنع من كوتشينة لي كورة لي نادي حتى ولو دفع يشعر بفقدان الحماس للمساعده ولسان حاله دي مساهمتي للمنطقة انتو مساهمتك وينها
مجرد سؤال؟

أستاذ الزاكي يا زاكي
أبشر تب وغرضك مقضي إن شاء الله
ــــــــــــــــــــــــــ
الأحباب المتفاعلون جزاكم الله خيراً وخضر ضراعكم .. وأياها المحرية فيكم وزيادة
ــــــــــــــــــــــــــ
صه ....... صه ........ صه
عادل خياري جاب خبر
دوماً تحمل البشريات يا وجه السعد
بشرك الله بالجنة
يلا ورينا الحاصل .. كتمت أنفاسنا

سلام ياشيخ علاء الرجل العفيف نضيف اليد واللسان

اقتباس :

يلا ورينا الحاصل .. كتمت أنفاسنا

تسلم من كتمة النفس
الحاصل انو الحمد لله ارسلت مبلغ الف دولار مساهمة من بعض الاخوة
على راسهم ابن الهدى سابقا والولي حاليا الهميم ايهاب الطيب حنين مبلغ 100 دولار
الاخ غاندي بخيت من الولي مبلغ 50 دولار
فاعلة خير 200 دولار
فاعل خير 200 دولار
فاعل خير 50 دولار
فاعلة خير 50 دولار
الاخت ماجدة 100 دولار وهذه صدقة لروح والدها تسالكم له الدعاء
خالد عبدالحفيظ 200 دولار
الأخ سعد الفتح من الجبل. ١٠٠ دولار
علي أن يتم استكمال واستقطاب المزيد وإرساله في غضون الأيام المقبلة يعني في قروش ح تترسل تاني أن شاءا
لله بس شدوا حيلكم انتو
اسه عندكم خمسين دولار عندي القروش دي ماكان أستلمتها كلها لكن الناس التزمت ودبرنا المبلغ عشان يترسل ويجي كأش مع الشخص المسافر
ده السبب

الاخ صاحب البوست الاستاذ الجليل الزاكى خالد

نحييك وانت تقرع هذا الجرس المهم ليصحى فينا روح الانتماء لهذا البلد

والتدافع نحو خدمتها ,, حيث ان اساس بناء الامم التعليم

الاخوه المتداخلين تبرعاً بالفكرة والمال نسأل الله ان يتقبل منكم صالح الاعمال

تقبلوا تبرعى بمبلغ 200 جنيه ,

لتحديد المستلم والكيفية لتصله غداً بإذن الله .

سلام وليد ياوليد حبيبنا وين
ياخي فاقدنك بشدة حبينا نسلم عليك ونقول ليك ماتقطع الجوابات اقصد الاسكايب
عندنا شوية ونسة دقاقة
تسلم وتشكر على الدعم السخي بارك الله فيك وفي مالك وعيالك

بارك الله فيك اخى وحبيبى الامريكانى

عادل خيارى

.. هذا اقل مايمكن تقديمه ..

لك وحشـــــــــــــــة ..

ياوليد انا مستمتع باجتماع المنظمة
سامع وبناقش كمان
ايهاب
علاء مزقة
ودالبشرى
محمد عبدالقيوم
اسماعيل النور
خش اسكايب عشان تخش معاهم