سلام شباب
وماتنسوا عندنا فصل المحليه بتاع حي الصفاء
تكلفة بناء الفصل 5 مليون
وماتنسوا الاجلاس لاربعه فصول ودي تكلفة الاجلاس مع احتمال تغير الاسعار
منقول من بوست محمد الطيب

اقتباس :

اما بخصوص تكلفه الاجلاس تكلفه المقعد 110ج والدرج 165ج من المواسير المربعه اي بتكلفه 275الف جنيه للواحد والفصل يحتاج الي 14 مقعد+ ادراج بتكلفه 3850الف جنيه
جمله الاجلاس لاربعه فصول 14في 4فصول = 56 مقعد ودرج والجمله الكليه 15400 خمسه عشر مليون واربعمائه الف جنيه . والله الموفق

يبقى المجموع قول فصل زاكي الدين 10 مليون
فصل محمد الطيب 5 مليون
الاجلاس 15 مليون
المجموع 30 مليون
لازم نشد حيلنا ياجماعه

اقتباس :

وين عادل خيارى ووين الزاكى ووين وين زياد عبد الباقى ووين ووين ووين ووين
معقول ديل كلهم ماشافو البوست دة يعاينى ليهم ليهو اكتر من اسبوع عشان عشرة الف
خسئتم خسئتم خسئتم

انا اول واحد
عشان كدة ح ارد اول واحد
شفت البوست والله ياصديق ح اكيفك لمن زيتك يطلع انا مابجي براي شوف بقية الاعضاء واهل المنطقة
ياشاب انا ساكي التقيلة وشغال بنسبة كبيرة جدا جدا بس لسه ماجمعت الرقم المفروض اكملو لكن في النهاية يوم الاتنين ح تعرف جبت ليك كم ماعايز افصح اسه لاني ماجمعتها كلها ده السبب في ناس جايين في السكة
انا ماخسئت ولا اي حاجة بل ربحت ربحت ربحت ورب الكعبة

بعدين ياشباب الهدى 6 مليون ايدي عاملة
وين الملايين شباب الهدى وين والشعب العربي وين
نشوف بنايين نعم اما مسالة الايدي المساعده طًلب يعني تكون على شباب الهددى لتقليل التكلفة لان ماتوفر من ال6 مليون يمكن يكون مساهمة في الابواب والشبابيك والكهرباء والحاجات التانية ناس برة ديل ح يساهموا ماديا دون من او شوفونية عندما يرون ان ابناء المنطقة متعاونون فيما بينهم فيدفع الاخ ابن الهدى المغترب وفي حساباته هذا عوضا عن خدمة الضراع التي يفترض ان يساعد بها ولكن ان يدفع لشباب قنع من كوتشينة لي كورة لي نادي حتى ولو دفع يشعر بفقدان الحماس للمساعده ولسان حاله دي مساهمتي للمنطقة انتو مساهمتك وينها
مجرد سؤال؟

أستاذ الزاكي يا زاكي
أبشر تب وغرضك مقضي إن شاء الله
ــــــــــــــــــــــــــ
الأحباب المتفاعلون جزاكم الله خيراً وخضر ضراعكم .. وأياها المحرية فيكم وزيادة
ــــــــــــــــــــــــــ
صه ....... صه ........ صه
عادل خياري جاب خبر
دوماً تحمل البشريات يا وجه السعد
بشرك الله بالجنة
يلا ورينا الحاصل .. كتمت أنفاسنا

سلام ياشيخ علاء الرجل العفيف نضيف اليد واللسان

اقتباس :

يلا ورينا الحاصل .. كتمت أنفاسنا

تسلم من كتمة النفس
الحاصل انو الحمد لله ارسلت مبلغ الف دولار مساهمة من بعض الاخوة
على راسهم ابن الهدى سابقا والولي حاليا الهميم ايهاب الطيب حنين مبلغ 100 دولار
الاخ غاندي بخيت من الولي مبلغ 50 دولار
فاعلة خير 200 دولار
فاعل خير 200 دولار
فاعل خير 50 دولار
فاعلة خير 50 دولار
الاخت ماجدة 100 دولار وهذه صدقة لروح والدها تسالكم له الدعاء
خالد عبدالحفيظ 200 دولار
الأخ سعد الفتح من الجبل. ١٠٠ دولار
علي أن يتم استكمال واستقطاب المزيد وإرساله في غضون الأيام المقبلة يعني في قروش ح تترسل تاني أن شاءا
لله بس شدوا حيلكم انتو
اسه عندكم خمسين دولار عندي القروش دي ماكان أستلمتها كلها لكن الناس التزمت ودبرنا المبلغ عشان يترسل ويجي كأش مع الشخص المسافر
ده السبب

الاخ صاحب البوست الاستاذ الجليل الزاكى خالد

نحييك وانت تقرع هذا الجرس المهم ليصحى فينا روح الانتماء لهذا البلد

والتدافع نحو خدمتها ,, حيث ان اساس بناء الامم التعليم

الاخوه المتداخلين تبرعاً بالفكرة والمال نسأل الله ان يتقبل منكم صالح الاعمال

تقبلوا تبرعى بمبلغ 200 جنيه ,

لتحديد المستلم والكيفية لتصله غداً بإذن الله .

سلام وليد ياوليد حبيبنا وين
ياخي فاقدنك بشدة حبينا نسلم عليك ونقول ليك ماتقطع الجوابات اقصد الاسكايب
عندنا شوية ونسة دقاقة
تسلم وتشكر على الدعم السخي بارك الله فيك وفي مالك وعيالك

بارك الله فيك اخى وحبيبى الامريكانى

عادل خيارى

.. هذا اقل مايمكن تقديمه ..

لك وحشـــــــــــــــة ..

ياوليد انا مستمتع باجتماع المنظمة
سامع وبناقش كمان
ايهاب
علاء مزقة
ودالبشرى
محمد عبدالقيوم
اسماعيل النور
خش اسكايب عشان تخش معاهم

ربنا اقوى ضراعكم

تم بحمد الله تعالى وبفضل ابناء الهدى بالخارج واخص الان عادل خيارى تم اليوم الاتفاق على بناء الفصل وبدا اليوم العم احمد محمد البشير عملية حفر الاساس وتم احضار رمل بيضاء الان وسيستمر العمل ان شاء فهيا يا ابناء الهدى الى العمل وسدد الله خطاكم .

السلام عليكم
[ندعوك للتسجيل في المنتدى أو التعريف بنفسك لمعاينة هذه الصورة]

الاخ وليد التلب الف حمد الله على السلامة وبركة الشفناك او قل شفنا الشافك يا اخى جزاك الله عنا الف خير على هذه المساهمة وارجو ارسال المبلغ عن طريق مقبول الصادق

سلامات راعي البوست
يا أستاذ البفتح ليه بوست زي الفاتح ليه موية قمح
لازم تحرسو وإلا  ....
وتورينا آخر الأخبار أي زاوية اتوضعت أي طوبة
التم شنو. النقص شنو
مشكور انت صاخب الفكرة وصاحب البوست  وفي ميزان حسناتك
لكن يمكن  لما تكتب الحاصل يجيك ناطي أخو إخوان يقول ليك حلفت مدفوعة

نشكر الأخت الممثلة المخرجة التلفزيونية تماضر حبيب الله من بنات رفاعة المقيمة حاليا بمونتريال كندا
فقد تبرعت بمبلغ ١٠٠ دولار مائة دولار الرقم كتابة زي ما بقولو ناس البنك
والمبلغ بطرفي الآن يسمع في كتابتي دي
شكرًا لاتكفي أخت تماضر وقطعا انسانة راقية رائعه مثلك وانت بنت الاستلذين أما وأبا وبنت رفاعه تعرفين أهمية التعليم ودعمه
ياناس الراتب دعوات كاربات لكل من ساهم معنا في دعم هذه الفصول

الاحوة الاماجد الشكر لكل من تفاعل مع هذا البوست والجيل القادم امانة فى اعناقنا فهيا . فاعلة خير تبرعت بمبلغ الف جنيه تم استلامها والمعدن الاصيل يظهر حينما تتبرع الحاجة عجبت احمد على من مرتبها المتواضع بمبلغ خمسون جنيها اين نخن معشر الرجال فالنساء دخلن من اوسع الابواب !

الاخ صديق الماحى لك الود لقد وصلت 700 جنيه وهى الان بطرف الاخ كباشى وقد اتصلت عليه بالليل ويسعى لتوصيلها لى .

الاخ وليد التلب التحية لك وانت تساهم فى بناء الفصل بالثانوى بنات لقد استلمت مساهمتك اليوم . مشكورا ماجورا ان شاء الله

اليوم بحمدالله تم تحويل دعمي المتواضع انا واخي طارق المامون في حساب الاخ ودالياس وسيتم ارسلها في حساب الاخ شيخ الدين عبدالفضيل بالبنك الزراعي ومنها تسليمها للاستاذ الزاكي خالد

الاخوة الاحباب الشكر نوصول للاخ يشرى خالد وهو يسلمنا مبلغ مائة جنيه عبر ممثله بالهدى والشكر للاخوة باللمملكة وهم يرسلون لنا مبلغ 856 جنيه ود الياس ، طارق مامون وعز الدين حسن لكم التحية وربنا يرد غربتكم ويحفظكم كما نسدى الشكر للاخوة بمدرسة الهدى الثانوية بنات وهم يساهمون بمبلع الف جنيه . وهيا يا شباب ياها المحرية فيكم . ونحن رجالك ياوطن ونحن ناسك ياالهدى وبسواعدنا نبنى بلدنا .

سلام  لكل من قدم فكره ووقته وماله لهذا المشروع الحيوي
شكرًا لكل القادمين على أمره
الرجاء مدنا بالصور وأين وصل العمل الآن وما المتبقي

اليوم وصل العمل البيم الثاني ( العتب بالقديم )
والحمد لله العمل ماشي كويس

معذرة لا نملك ما يجعلنا ننقل لكم الصورة

الاخوة بالمنتدى لكم التحية بتناول وجبة الفطور اليوم وضعت اخر خلطة خرصانة فى ببم العتب وسيتواصل العمل ان شاء الله يوم السبت ومزيد من الدعم لان من يرى الوضع داخل الفصول يخاف ويخشى اعوذ بالله منها زجمة طالبات والمدرسة بفضل الله جذبت العديد من الطالبات حتى من المناقل ونطمح فى المزيد بعد اكمال الفصل  والفضل لله ولاصحاب الفضل .

23.06.2013
وهى دعم الى بناء الفصل وموعود باذن الله بمبلغ آخر 
داعوتكم معانا وجزاكم الله كل خير 

الف تحية وشكر لك ابا عبدالرحمن وانت تساهم بمبلغ الف وثمانمائة جنيه لبناء الفصل بالثانوية بنات بالهدى وجزاك الله عنا الف خير مساهمتك وصلت وربنا يتقبل منك .

الاخوة بالمنتدى لقد وصل البناء وبحمد الله المرحلة قبل الاخيرة وهى غدا باذن الله وضع الكمر بالثانوية بنات وياعادل انا زول امى مابعرف اصويييييييييييير !

سلام ابايزيد
ده الشغل ولا بلاش 2800 مرة واحدة والله ربنا يخليك وفي ميزان حسناتك يارب

سلام  استاذ زاكي الدين
تشكر على وقفتك وتشمرك لعمل الخير بارك الله فيك وفي ابنائك
وتشكر على مدنا بالاخبار الحلوة

اقتباس :

 وياعادل انا زول امى مابعرف اصويييييييييييير !

في الحالة دي عليك الاستعانة بصديق
شوف اخونا محمد الطيب شايفو نزل صور فصل حي الصفاء

استاذ الزاكي لك الف تحية ياغالي وانت تشمر عن سواعدك وتاتينا بالمفيد اثابك الله الاجر وفي ميزان حسناتك يارب
قف للمعلم وفه التبجيلا ##
كاد المعلم ان يكون رسولا
كلمة استاذ تعني لنا الكثير وامثالكم قليلون متعكم الله بالصحة والعافية والهدي في حدقات العيون

ماعايزين تنزلوا صور الفصل هنا
شكرًا مامشكله
[ندعوك للتسجيل في المنتدى أو التعريف بنفسك لمعاينة هذه الصورة]

بارك الله لكل من ساهم فى هذا المشروع وكل
اعمال الخير التى طرحت

بارك الله لكل من ساهم فى هذا المشروع وكل
اعمال الخير التى طرحت
حقا انه لعمل يشرح الصدر

عوض خيارى كتب:

بارك الله لكل من ساهم فى هذا المشروع وكل
اعمال الخير التى طرحت
حقا انه لعمل يشرح الصدر

ياعوض الله وقت يشرح الصدر ماتشرحوا لينا صدرنا معاكم
وخلونا في الصورة وجيب لينا الصورة من فصل الصفاء والثانوية بنات
ياخي الصورة دي انا سارقها من الفيس بوك بتاع محمد الطيب وكاتب عليها فصل الثانوية بنات
الاستاذ زاكي الدين اعتذر بعدم المامه الكامل بالصور وتنزيلها
ياخ اركب عجلتك وصور لينا الفصلين ديل وبنيانهم وصل وين

الحمد لله اليوم المرحلة الاخيرة لفصل الهدي الثانوية بنات
بداءت وان شاء الله يوم الاحد تكتمل مرحلة البناء

ياااااااااعادل خياري
الجماعة عقــــــــــــــــــــدو
هههههههههههههههه
هه هه هه هه هه

مضوي عبدالرحمن كتب:

ياااااااااعادل خياري
الجماعة عقــــــــــــــــــــدو
هههههههههههههههه
هه هه هه هه هه

سلامات مضوى

اول شئ انا افتكرت انو لستك الركشة طرشق .. !!

ههههههه

نبارك لكم عقد قران الطوب على الكمر ..!!

وانشاء الله بيت مال وعيال ( يعنى طلبة ودافعين الرسوم ) .. !!

شدوا السواعد وربنا يخضر الضراع .. !!

الصور الصور يا عوض .. وعوض قفل البلف ..!!

سلام أستاذ مضوي
باركنا ليكم العقد ده في الفيس بتاعكم لقينا الخبر الجميل ده نازل في الفيس الجبنا منو صورة الفصل
وقلنا لبك متين الدخول على الفصل
لقيت نفسك نزلت الخبر هنا
سكيتك بالاسكايب لكن محظوظ مالميت فيك
عقبال الأبواب والشبابيك ورونا التكلفة كم عشان نمر على الجماعه المادفعوا

كلمت ليكم ناس جده اخونا بابكر محمد اخمد حاج العوض وفضل المولي وبالمره كده يمروا علي الجماعه البدخلوا المنتدي وهم مسجلين المفلس ياجماعه يدينا رايو برضو مهم

الصور الصور
ابشروا بالخير
الصور بتجيكم
رسلوا الكاميرا
لانو كاميرتنا
باظت

الفصل دة بنته جمعيات خيرية وفاعلين خير ولا احد يعرف بدور المنتدى فى بناء هذا الفصل ودى فضيحة كبيرة يا استاذ الزاكى
مع كل الاحترام نريد بكل شفافية توضيح دور المنتدى فى بناء هذا الفصل وتوضيح ايضا اسماء الجمعيات الخيرية التى بنت هذا الفصل والتوضيح دة لكل ابناء ومواطنى الهدى ولو المنتدى له دور فى بناء هذا الفصل لا نرضى الا بتسمية الفصل بلافتة كبيرة فصل منتدى ابناء الهدى وكتابة دور المنتدى فى البناء قدام الباب
انت مدير اعرق واعلى مدرسة وترضى بهذا الظلم لمنتداك يا سيد الزاكى وعملت زى ما عمل محمد الطيب فى مدرسة الصفاء

 

الاخ صديق الماحى والاخوة الاحباب الفاعلين بالمنتدى وكل هام وانتم بخير ورمضان كريم الشكر من بعد الله لكل من حمل هم بناء فصل بالهدى الثانوية بنات ولعل الدور الفاعل والاساسى فى تحريك هذا العمل هو ادارة واعضاء المنتدى واقول المتبرعين وكل المال الذى جمع لهذا الصرح العظيم هو سبل يسرها الله عبر المنتدى وليس غيره واقول بكل صراحة لم تكن هناك اى جمعية خيرية او منظمة دعمت هذا العمل وحتى اؤلئك الذين وعدونا من المنظمات لم يفو بما وعدوا . فكل مال جمع لا احد ايا كان ان ينكر دور المنتدى فيه فيا ناس المنتدى ربنا يقبل منكم جميعا . وكنت قد شكرت كل المساهمين عبر صفحات المنتدى ولايفوتنى فى هذه الصفحة ان اخص بالشكر الاخ المهندس كامل محمد احمد الهادى وهو يرسل مبلغ اربعمائة جنيه وكان اخر المساهمين وساوافيكم بتفاصيل ماجمع من مال ووتفاصيل صرفه ان شاء الله ومعذرة قد تاخرت كثيرا لان هناك عطل بالجهاز .

 

الاخ صديق انت كلك يصر وبصيرة واهل الميز ما يروحو وفكرتك رائعة واول ما اشوف عبد الحق او ساذهب واكلفه بالمهمة وجزاك الله عنا الف خير وبعد صلاة العصر ان ان شاء الله ساوضح ما وردنى من مال وفيما صرفته . فالمبالغ التى وردتنى جملة هى : 9360 جنيه وبالقديم تسعة مليون وثلاثمائة وستون الف جنيه . وهى كالاتى : عادل عبد الرحمن 3000 جنيه . صديق الماحى 700 جنيه . طارق مامون وعز الدبن حسن وود الياس 856 .وليد التلب 200 جنيه . الحاجة عجبت احمد على 50 جنيه . أ . الصادق عبد الله 20 جنيه .فاعلة خير السعودية 1000 جنيه . فاعل خبر السعودبة 1800 جنيه . معلمى الهدى بنات 1000 جنيه . الهادى محمد يحيى 334 جنيه . المهندس كامل محمد احمد الهادى 400 جنيه .
الجملة 9360 جنيه .
الصرف :
عقد البناء 3900 جنيه
3دورونصف رمل بحر 900
21 سيخة 3لينية 860
دور خرصانة 1000
16 جوال اسمنت × 40. 640
ايجار خزان مياه 90
الفين طوب احمر × 300 600
فطور عمال 442
ترحيل مواد 63 0
40 جير خفجة ÷صبابات ÷ 9جوال اسمنت 808
4 دور رمل سفاية بنيان 640
الجملة 10084 جنيه
وبعد خصم الجملتين نجد ان هناك عجز 724 جنيه
وعليه نشكر كل من ساهم بفكره وماله ووقته ولا يفوتنى ان اشكر اولئك الذين قدموا وجبة وهم
ابراهيم قوى قوى . صلاح عبدالسلام . عبد الله ابراهيم . صلاح الطيب ( عدة ) وعبد الله الطيب السمانى . والان بفضل الله تم البناء نامل من جميع المرابطين بالمنتدى المساهمة فى سد العجز ودفع الاخرين فى اكمال مابقى من تقفيل ومانقص مال من صدقة والله يخلف للجميع . امل ان اقرا كل مايهم هذه البلدة ونطمع فى المزيد . ارجو شاكرا المراجعة والافادة .